【分化預報】五毛下一步：初選後瘋狂放負
https://lih.kg/2104047
今日下晝風向一轉，五毛轉向批評本土派參選人「唔掂」、或者呼籲 9 月唔好含勝出嘅泛民，目的有三：
1. 不斷話本土參選人無人識，遠遠不及天琦等人，意圖減低兩方（本土、泛民）投票意欲（因為泛民支持者可能覺得連「防守」都唔使）。
2. 依家吹定風先，如果本土初選最終勝出較泛民多，風向就自然轉為「呢啲本土 9 月一定輸」，因為「根本無人識」，傳統泛民支持者根本唔會（亦唔識）支持，無港豬支持，建制一定贏之類。又係典型放負！
3. 調轉，如果泛民初選勝出較本土多，咁就繼續分化兩派，全力叫本土支持者唔好含、同杯葛 9 月選舉。
大家千祈唔好俾五毛蒙蔽，區選一役已經證明，依家選民好精，唔理你有無人識，只要你係民主陣營就會支持，你睇吓有幾多區選係新人/本土素人就知！
另外，傳統泛民支持者雖然係港豬，覺醒慢人三拍，但勝在當中唔少大愛左膠、會講口齒，所以大家唔需要懷疑，選咗出嚟嘅，無論係較少人識嘅本土新人、抑或白鴿許勇，選民都會一樣對待、9 月踴躍支持！
我哋唔好咁易俾人放負、分化。大家如果見到分化 post，唔使回應，負評都唔使，頂多互相提醒叫大家無視即可！
認同嘅麻煩幫推。
