講唔講好...

遲啲要同屋企人移民，但唔知好無而家同男朋友講好。。。一方面唔知點問口好，而且唔想佢唔開心寧願啲唔開心嘅情緒自己一個人受唒都唔想親口同佢講我哋唔會有將來應該繼續扮無嘢定襯早話佢知好。。

比著你 你都分分鐘寧願對方早啲講
咁可以珍惜餘下時間 甚至諗下係咪有可能一齊去第二度
收收埋埋冇任何好處ga wo

講啦屌 唔講唔通等到臨走先講？

正常唔係第一個就同男/女朋友講

都真。。。但唔知點講好

本身唔係話咁急移所以就無講到諗住遲啲再算
但最近屋企人似乎想年底走。。成件事黎得太快 我又唔知點開口好。。。

起碼都要俾對方知你/你屋企人有移民嘅意願啦，乜你地傾計唔會講到呢個話題架咩我同我隻老虎乸宜家日日都講緊移民邊個國家好

貼名算啦⋯ 見到佢個樣唔想投

有嘅。。。只係無真係好認真研究過
我男朋友偏向係唔會點計劃將來既人。。

咁講咩移民姐，直接分手咪得
對未來冇計劃嘅男人都係垃圾
睇死佢都係窮鬼，唔會跟你走

又唔係，佢屋企都有啲錢但佢個人就真係有啲得過且過，無乜規劃有問過佢將來想點，但佢為咗遲啲出嚟社會做嘢諗住不斷讀住書先。。。

佢屋企有錢關佢咩事，佢老豆老母一日仲係度佢都只係一個廢人

啱啱一齊就要分手。。。唔捨得

佢似乎係諗住靠屋企養。。。？唉但我又唔想話chur佢逼佢

我個陣都喺咁，走得仲急，1個星期後就要走，唔敢提唔敢講，好驚班frd會喊死
我勸你約d冇咁多人嘅地方，帶定幾包紙巾當面講

早d講，比定心理準備佢，起碼大家都有時間討論吓之後點做

利申：兩個月前移民咗

咁你個時其實想唔想移？

唔想乜都要重新適應過
但我知佢哋好想好想離開香港
我當我自己喺留學過嚟讀書

係呀我都係！但理性啲諗其實屋企人想移都係有道理。。。而家日日匿埋喊又唔可以同人呻

其實多一個選擇又冇話唔好嘅
我好記得坐車去機場個晚嘅感覺，好唔捨得，同時又期待一個重新嘅旅程，會識到d咩人，會遇到d咩事
就算依家過到嚟我都喊咗好多次
個世界好大，可以試下走出comfort zone，睇下呢個世界
好多人想走都走唔到咁我哋咪珍惜吓呢個機會囉
Btw你移民去邊我美國

你好，這是《自殺．自療．互助舍》。看來你已累積了不少負面情緒，是嗎？人就好像氣球一樣，若積存的鬱結和壓力太多，便會有爆發的一天。何不暫時停一停，到我們的網站 www.help4suicide.com.hk。 那裡有一些勵志故事和有趣短片，你可以隨心看看。你也可以進入網站內的『Chat窿』（星期一至五：上午六時至凌晨一時；星期六、日及公眾假期：下午８時至凌晨１時），讓我們的義工為你加油打氣！

我們願意聆聽你的心聲，伴你一起走過這段艱難的時候！只因『晴天雨天要樂天，難關難過總會過』！

《自殺．自療．互助舍》

英國我就唔係幾期待。。。感覺去到個到就真係乜都無唒要由零開始好唔捨得香港既所有人同物

你估你同男朋友講左之後佢會有咩反應？
你而家唔講到你遲d唔係都係遲早要講咩？
咁而家講定睇下佢咩睇法都好呀？