做咗三年訂造傢俬安裝師傅，7號last day 你問我答。

另外想問圖入面有燈槽嗰d係咪訂傢俬嗰時講埋？到時師傅黎裝會唔會幫你駁電？

同埋佢下面凌空咗係咪即係當吊櫃咁痴牆？會唔會好貴？承重會唔會差好遠？

呢D款訂造實木大概幾錢到
實木有冇分唔同level

係，會，正常傢俬舖加燈係要加錢嘅
係要吊牆㗎，我每次去安裝吊櫃最後一定會同客講盡量唔好擺啲重嘢，自己參透下

實木我唔太熟價錢，但實木係分好多種，翡翠都有幾種唔同嘅實木，總之密度越高就越重，越重就通常越穩陣，以實木計。

個人覺得工程加設計先至最好搵

一工收1k？！其實都幾平....

有
低價木 有松木
中價木 有橡膠木 白蠟木 櫸木
高價就紅木嗰堆

喺翡翠訂過 佢松木唔洗加錢但木眼好明顯 其餘就1.2/3 x咁乘上去 訂造通常斷尺計

有料嘅係1.5-2k

紅木好撚重，不過質素係好嘅

3-7日，其實噴乜都假，要開窗透氣就真

巴打，我黎緊屋企要大搞，訂櫃同傢俬有無咩要注意
自己度尺上淘寶訂？

亲，因国安法香港也可以寄。

我個人就唔建議淘寶，其實無乜保障，係香港較平嘅傢俬舖訂會係淘寶嘅1.5倍左右，但有保障好多。

推

香港有無介紹？

唔輕鬆係啲客難攪 定要瘋狂ot
樓豬覺得外國定呢度搵到食多啲

買左新樓樓，唔攪廚房廁所電制， 淨係想搵間傢俬舖買：
門口走廊C 字櫃， 上身玻璃下身木板鞋櫃。
電視組合櫃，上下都有櫃位擺野。
主人房砌個地台， 然後L 形衣櫃，床架
細房做張2尺X 5 尺電腦檯

巴打我想問， 做櫃既板係咪無人用實木板而係用夾版？ 咁夾板有冇推介邊隻？
走廊櫃上身做全玻璃櫃， 夠唔夠力擺Lego, 一層3~4KG x 3 層
砌個地台你係咪建議留位用拖版好過換電制插頭？
衣櫃高過6 尺係咪要加錢？ 通常加幾多？ 我地應該8尺樓底。
有冇網站或者地方可以睇到飾面/玻璃面板推介？
最後，如果自己有曬方向咁是否搵傢俬舖做會比設計公司平？ 我只係有以上概念， 但唔知行唔行得通？ 定還是你覺得我應該上去設計公司傾完個concept, 再科水比佢攪？

有概念-搵設計公司
有細節-搵傢俬鋪
有圖-搵廠
有櫃要裝-搵樓主

板材-一千零一人做實木板，料貴限制大。夾板性價比高，防潮能力好，襟用，使用範圍廣，邊隻等其他巴打答。
衣櫃-一般高過8呎先要加錢，都係個句，貨比三家。
地台電掣-錢問題，一個5頭拖板$150, 5個新做電掣位$4000。

上面好似有講過，你邊區

外國太多未知因素，同埋睇你有幾鐘意香港。

夾板好似得大細芯揀，係面有得揀油/木皮/膠板。大部份你都答埋🤣，同埋一樣嘢好重要嘅係睇筆直。

夾板唔係好過纖維板？

同埋 生態版同夾板入面唔係一樣😱？

潮濕嘅地方用咩板最好
夾板？ 唔好用生態板？