法庭警員：「呢度係法庭，我而家唔知司機係邊個，你哋退後少少先。」
喺7.1日涉嫌刺傷警員嘅24歲男子由今日警車押送上庭，一般記者會喺門口守候，務求盡量拍攝到喺警車入面嘅情況。但據包括港台在內嘅多間媒體都拍攝到，警車駛入法院車場時未有打燈，並且直接駛向企喺車場前拍攝嘅記者。
由於在場人數不少，記者幾乎走避不及，據報道指，更有電視台攝記因而擦損受傷。而港台記者第一身拍攝到嘅片段中，見到當時情況混亂，警車粗暴駛進車場後，在場多名記者不滿，亦有記者指「成班人企晒喺度，兜嘢撞埋嚟？」。在場法庭警員只回答「呢度係法庭，我而家唔知司機係邊個，你哋退後少少先。」，隨後就進入法庭，未有任何跟進。
港台影片傳送門：
https://www.facebook.com/watch/?v=260801868551123
