買二手樓驗樓問題

買果陣佢未搬走晒啲傢俬，所以睇唔通。單位間隔，天花漏水果啲都無乜大問題。
簽臨約果陣就mark左有乜野大型家電。

如果佢搬走晒啲傢俬，再想去睇到有咩大問題（牆身漏水，牆身爛晒），係咪可以有權係比大定前叫佢搞好？

現貨買賣
無得講
除非你証明到佢係臨約後發生
咁樣都可以有得傾

搵左律師未？

第一，驗樓係你收樓前果一兩日先驗，而大訂晨早係你簽臨約後兩星期比左啦

第二，舊樓現狀交收，如漏水呢啲問題係冇得叫佢搞

現狀交收,
所以先有化妝樓呢樣野,
除非業主肯係臨約寫明特別條款, 保證無漏水

收樓前一兩日先驗，驗黎係比自己得個知字？因為舊樓係現狀交收？

基本上冇得搞, 因為有漏水多數都係你簽臨約已經存在. 驗樓真係睇下個幾幅牆仲係唔係度

爛到出水你都係裝修㗎啦！除非住天台對落一層啫

學賴sir話齋，唔想買到漏水樓，千萬唔好買2手樓

果時睇過一間 間屋有兩三個漏水位
其中一個仲張劃線係廳中間
個業主係咁話無事 執左 係未整返靚仔
之後搵個做工程frd上去睇 即刻叫我唔洗諗呢間

如果臨約已經寫左賣方確定咗係冇漏水嘅情況，但係收樓果陣搵人測試到有漏水呢？

有漏你都要買架啦，唔可以用呢個理由踢契，事後追討就後話，但都好難追

因為係定立買賣果陣業主講過單位冇任何漏水問題，但後來自比我地發現到有漏水漬，打算搵人驗，賣方有失實既陳述

咁你想有咩行動呢？

本身想賠錢叫佢修返佢就算。但佢唔肯唯有法律行動，證明的確係有漏水問題，而賣方的確表明冇呢種情況，與事實不相符。

試下叫律師尾數hold佢維修費

對方可以話返你係違約

我只係唔知，如果叫律師hold 佢維修費，咁成交期到果陣，層樓屬唔屬於自己

你叫得律師搞，律師會幫你處理啦，如果對家唔肯而你律師又認為冇得追，你都係要硬食，睇你地份約點寫

我個律話話對方唔知有呢個問題，律師岩你冇漏水落下面果層大影響d, 因為人地會直接搵你賠償，而你天花有漏水問題係樓上既責任，比較係要同業主立案法團講/管理屋苑既人講先，如果情況一樣係漏，就可以搵樓上賠，而唔多係前賣方既責任。但我都唔知係咁係有權去告返佢，雖然律師幫我寫咗封信話保留賣方追究嘅權利。

份約就係寫"賣方清楚確認單位冇漏水問題",會唔會太general

我都唔覺得賣方有責任，佢簽約當刻可以係確信自己單位冇漏水，你證明到單位唔係簽完約先漏？就算真係漏，你加果句都冇講漏水可以點，賠錢定取消交易？

你收樓後追討樓上就差唔多

我係想追究賣方既隱瞞,一句話唔知就當冇問題，如果唔係合約寫黎做乜？賣方同樓上我都會追究問題

事實買2手樓就係咁，合約寫明留冷氣，佢都可以留部壞既比你，現況交收，怪就怪當初自己睇唔到，而家想追非常難

如果咁易搞，你律師直接做左野啦，邊洗保留權利，敷衍下你姐

而且樓上漏水，樓上唔整根本你乜都做唔到，唔係你想整自己個天花就解決到

賣家間屋冇漏水，漏水既係樓上