拿
講明先
真心覺得C朗好勁
佢係條命衰
衰在佢同呢個痴線佬同一個年代
睇下呢兩條片就知有幾癲
（兩條都係一場波入面的精華，睇全季集錦無意思，個個都係球王）
http://youtu.be/Isx8srxCgQQ
http://youtu.be/u9EaP96QsAA
有時真係唔係話C朗差
但足球真係要成場睇
剩睇數據其實真係唔準
呢兩場波美斯都唔係入十幾廿球個種
但你睇下佢次拎波
對對手造成的威脅有幾大
人地要花幾多人去阻止佢
就知有幾恐怖
比人感覺真係一個人屌打人地全隊
C朗勁個陣係腳風好 入三四球
睇比數會覺得佢一個人帶領球隊贏波
但佢入波集中係反擊/遠射/死球
全部都係要成隊波造出黎
問心如果佢係一隊弱隊踢
究竟仲可唔可以有咁多射門機會？
美斯勁係勁在
就算踢史篤城
都可以吸引3/4個人埋黎逼佢
一係佢就過撚哂你
一係佢就用創造出黎的空位交波比人
最後就係對足球的理解
C朗個種其實係運動員的典範
將每種物理上的可能加到最高
無人會否認佢係出色的足球員
因為佢送到個波入網
但睇佢踢波
你係唔會對足球加深左理解
相反睇美斯/小白/沙維/布斯基斯踢波
你真係會覺得佢地用緊個腦踢波
每一個動作都係有作用
唔會插完花 又回後
或者一味trial and error 式的浪射
如果朗癲係你最估佢唔到的球員
美斯應該係集足球智慧同技術於一體的典範
你望住佢
明知佢過你 你連拉都拉唔住 鏟跌佢 又企返起身
明知佢會傳 你估佢冇咁準會傳到 佢又真係傳到
明知佢會射 封哂位 佢都可以射埋你大細
科學家已經研究過
美斯大腦的運動反射神經係萬中無一
先可以係極短時間內做正確的決定同動作
有人話
係巴塞勁 先令到美斯勁
其實係岩岩相反
成套傳控足球的核心就係做突破缺口的美斯
沙維小白係好重要
但足球最終都係要得分
一咪傳控係贏唔到比賽（2014西班牙就係咁）
數據上都反映到（助攻美斯最多的唔係沙維小白，反而係後上側擊的丹尼爾）
當然你可以話好鍾意睇充滿力量 速度的足球
但從古到今
最為後人所讚頌的
都係有足球智慧的球員
因為體能會隨狀態而消逝
唯獨技術同智慧先係歷久不衰