見近排都多人有興趣去英國住下
等我同大家分享下個人經歷
雖然係連登大把人有經歷過我
但唔係個個好似我咁得閒開Post
所以想同大家分享下我作為一個Newcomer係倫敦做過D咩去Adapt，希望可以幫到D岩岩落腳想去倫敦開始新生活既人。廢話少講
工：
當時係D搵工App是但搵左份Waiter，8.3鎊一個鐘，一個星期40個鐘。餐廳唔夠人到爆，係人有手腳都請，廚房勁多東歐佬唔識英文大家指手劃腳溝通
Take 單有試過聽唔明但唔明咪再問，再唔得搵同事跟，一般英國人表面好有禮貌，都未試過俾人屌既就
依家最低工資高左應該唔會有8.3鎊咁低，記住低過最低工資狗也不
有D餐廳好撚賤會俾低過最低工資但Cash出糧（
）但我個人覺得乖乖地做個良好公民交齊稅行得正企得正開心D
依家呢刻因為疫情，好多餐廳只做takeaway，搵工難D但都有Opening，唔介意都可以上台灣人FB group搵下工。
（另外雖然我無搵到，但如果日文英文都有business level既巴絲可以試下係D日本人雜誌搵下有關日文既工作。文職咩都有）
食：
打餐廳工好既就係可以包三餐，成日有野多可以Take Away放假都繼續食
如果餐餐出去食at least 三四十鎊一日
入餐廳食個price range好大，China Town個D Asian Food十鎊樓下都有，西餐就at least 20鎊Up
去Market食都係一個唔錯既選擇，十鎊下又好食又多選擇
再唔係食Fast Food都係幾鎊一餐，有次KFC做promotion6鎊廿隻hot wings 食到嘴損
自己煮西式食材唔太貴，平日Sainsbury Tesco個D都OK，平時有Meal Deal，幾鎊有個包有snack有野飲咁，食兩set唔過10鎊一定夠飽。
質素就唔好有太高expectation放假可以去D平價D既Supermarket，Morrison Lidl個D，可以買多D慳錢，50p一舊Mozzarella食死你 
另外倫敦超級多Asian Supermarket／Restaurant，貴香港少少但一定唔使驚有咩食唔到衣：
我都係買返Uniqlo
有時Sale 3鎊幾一件Tee好抵屌Primark都係平價之選，幾鎊一件咩都有
行：
倫敦交通Tube＋巴士係完全無問題，唔使揸車
車費貴大家都知，所以踩單車有時係唔錯選擇
Electric bike踩上去好輕鬆大部分Tube係無冷氣無network，要text人／搵路記得入去前做完，唔係就會係入面on99搵路轉線
而且Tube非常唔準時，假日會維修，成個站唔開一開始返工成日俾佢跣
建議一開始返工預多D時間，摸熟佢邊條線開邊條唔開（我記得紅色線Central Line都幾穩定，但好舊）記住係街一定唔可以一路行一路玩電話，好撚多人搶電話
街上Homeless都多但大部分friendly，有D問你拎錢你行開就OK
玩：
博物館：大部分博物館唔使錢， British Museum都可以玩幾日。對Military有興趣既巴打可以去三軍各自既Musuem
仲有好多歷史／文化博物館，好多exhibition。睇唔完的。Musical： West End每日都有好多Musical上，等買平飛十幾廿鎊有deal
Comic Store：倫敦有好幾間大comic store，好多美國漫畫同日本漫畫（英文版）我仲有去佢地個comic con勁毒但勁開心
睇波：時間關係我只係去過West Ham個 Stadium，但倫敦有幾多隊波you tell me
行商場：一入Westfield覺得返到屋企
公園：好撚多公園，Hyde Park唔使講，Holland Park日式庭園都幾靚
Bar：放工同同事飲返兩杯好平常，Beer／Cider通常5鎊一pint咁上下，個人覺得好飲過香港（又平
如果掛住家鄉記得去Japan House London行下
英國唔同地方間中都有D Festival，咁就會有好多活動可以玩
Join an interest group: 倫敦咩人都有，咩興趣group都有，玩得開心又可以識下人build up social network非常recommend 就算你無基礎都可以開始，踢下波，玩下樂器咩都有
其實大部分香港有既entertainment倫敦都有，仲未計可以去suburb／其他城市玩。
TLDR：
如果係我，廿幾歲無錢無學歷但想係英國落地生根，我會一邊打工一邊讀night school，過多幾年一定可以settle。大把東歐佬／難民英文都唔識一句就留係英國。只要有決心，一定可以捱出一片天，一定有日有你可以contribute既地方。
? 糾結緊要唱幾多英磅