香港獨立？今日唔講政治，講正字 香港獨立之根在於文化，香港文化之根在粵語，寫粵語，唔係得白話文一條路揀。

香港獨立？今日唔講政治，講正字

香港獨立之根在於文化，香港文化之根在於正字正音。
香港人可以講粵語，寫粵語，唔係得白話文一條路揀。

1. 返！常錯字之首
因為返字讀音係反，通常會打翻同番嘅近音字，但正字係返

番字義係 野蠻人，外來者，例：番鬼佬，生番等等或者係量詞，乜乜鬥一番

而翻個字義就更令人混淆
「翻」係「再」既意思，例如翻印、翻撻又或者係解由a轉去b，例如翻譯，翻新，翻騰七周半，翻本，係事情上由a達到b，並且有轉向嘅意思

簡單嚟講，「返」係「回」既意思，係由a返回b點，係重覆，例如返屋企
「翻」係「再」既意思，例如翻印、翻撻

2. 啱！超多人錯

啱，即係一句嘢或者一樣嘢係合規矩，無錯嘅，都可以解適合，例如「呢個調唔啱男人唱」。都可以解巧合，例如「乜咁啱嘅」

啱嘅本字係諳。諳既音係烏含切。《玉篇》知也。《六書統》熟聞也。廣東話人話人啱，就等於話人深知也。

《三國演義》「原來太史慈所招軍大半是山野之民，不諳紀律。」呢句嘢話山野之民唔啱紀律，就好似啲人平時話人唔啱規矩咁。好似「你咁唔啱規矩喎」，

岩，唔洗我講都知，好明顯唔係一樣嘅意思

3. 使
使，本義係派遣，命令嘅意思，例如使人做嘢，使嚟使去。後來延伸做使用嘅意思。


常錯字 洗係以水去汙。如：「洗衣」、「洗澡」、「洗頭」、「洗碗」。

5. 嘅
既欠口，字義都差好遠

6. 比，俾，畀！最易錯
比，用於a比較b 的分別
例：我比唔上你

俾，係有令，使，把嘅意思，通常係被動
例唔好俾人知道我鐘意你

畀，就係成日用嘅給予嘅意思
我送畀你㗎

三合一例子
我送畀你嘅嘢係比唔上其他人希望你唔好俾人知

7. 呢
好多人會打
喱，尼，哩嘅近音

用法：呢個，呢到，呢種

8. 喺

我哋嘅錯字冠軍，係「喺」呀！講真，呢個字真係成日會搞到人頭暈㗎，皆因佢有個兄弟，生得好鬼似，就係「係」喇。「喺」呢個字要用係時間、地點，好似我地喺香港，我哋喺三點見噉。


9. 嗰 音：哥

果有好多意思，但絕不可用係「嗰」杯，「嗰」張紙，「嗰」個人。「嗰」先係正字，倉頡碼：口人田口。教埋你點打隻字，千其唔好再話唔識打，唔好咁鬼懶啦。係咪無哂藉口？唔好比我哋下次再捉到你，到時候塞你食生果

錯字近音字，果 ，戈，個

用法，嗰個，嗰邊，嗰度

10. 㗎

錯字： 架
最常犯嘅字之二

11. 根
有人會打跟本


12. 嘢
野係指郊外，非正式等等，例如，野外，荒野，野史 在野懂等等

嘢就係多返個口字部，但唔好太睇少個口，意思會完全唔同

平時嘢用嚟形容物件多，好少用來形容人，當嘢用來形容人時，會帶貶意，例：「妳條仔正一衰嘢，都唔系人嚟㗎！」
嘢亦系代名詞，當未知嘅事同埋物嘅名，用嘢代替，好似：「乜嘢」、「呢啲嘢」、「嗰啲嘢」。


13. 嚟
錯字 泥 黎

嚟係加喺名詞句句尾，用途近似「係」，用嚟強調句中嗰兩樣嘢（主語同賓語）係同一概念或者後者係前者嘅描述

我哋都唔可以用「黎」代替「嚟」，「嚟」係「來」嘅意思，同時亦係重要嘅語助語。例如，鄺仔？佢好人嚟架！Tommy？好嘢嚟！~~

14. 度

常錯 呢到 嗰到

15. 咪

已經俾人濫用到離哂大譜喇！只要一見有人用我係「米」，你「米」噉，真係睇到成個人好鬼燥。正字係「咪」先啱，打之前讀吓，「米」、「咪」唔同音㗎大佬！

噉難以分別「噉」、「咁」到底有何不同。大家先看看以下例子：「噉搞法唔係路喎！」「咁複雜嘅嘢我未諗過。」其實對於前面的例子如果是不懂粵語的人是不知道表達什麼意思，更不用說其分別。有些人認爲兩個字其實一樣，用一個「咁」字代替就可以。而實際上，這兩個字無論從音、義方面都是不同，絕不是同一個字。

16. 噉：

噉 音[gam2i
指示代詞，這樣，那樣。(例)噉就好嘞。呢件事大家都噉睇。②助詞，似的。(例)苦瓜噉面。[比喩愁眉苦臉] || 打鑼噉聲。[形容聲音大，像打鑼似的。]③助詞，地。(例)細細聲噉講。[小聲地說。]

咁：音[gam3禁]
(解)①這麼；那麼。(例)咁多就夠嘞。[這麼多就夠了] || 枝竹竿要咁長先啱用。[竹竿要這麼長才合用。]②多麼。(例)咁靚[多麼漂亮] || 天氣鬼咁熱。[天氣多麼熱。]

其實喺七八十年代下嘅香港係將佢哋區分開，唔知點解而家香港都唔會區分寫法，香港人一定要區分佢哋嘅寫法以及讀音。

17. 哋

呢個字好似九成九嘅人都會犯錯，好多都係習慣左揀最快嘅字，好值得我哋認字特警正視問題！無要維護本土文化，一啲都唔簡單囉。你「地」係錯㗎，我「哋」先係啱。諸如類推，佢「哋」、你「哋」、人「哋」先係正字，以後打字要記住啦。

捍衛香港文化係我哋嘅責任 #香港正字

部分來自舊文 發覺好多人唔識打呢幾個廣東話正字，學識防做不孝子「修正版」
https://lih.kg/14926
- 分享自 LIHKG 討論區

香港歷史 t.me/Hkhistory

推

Push

好有意思

錯字：在野黨 Sorry for 粵拼手誤

push

溫故知新

絕對唔可以用嘅係

比 俾 畀

好易錯

前者唔同意思 後面兩個間中錯 唔完美

改推修正版 香港獨立之根在於文化，香港文化之根在粵語，寫粵語，唔係得白話文一條路揀。
https://lih.kg/2083836
- 分享自 LIHKG 討論區

G持

決定前聽一聽
https://youtu.be/y7yRDOLCy4Y

推新po thx 改左野

依家我見到人將「唸」當「諗」用。

唸乜鳩呀 我2.0必寫 你幫我推新po 改左野

最好學埋粵拼

On9咩 好似上堂咁噉 一睇就想訓

噉你唔好click入嚟辛苦自己啦

m屬