講分手嘅一方係咩心情？

情況完全一樣。

App識，一齊左半年。

對方突然變到工作上好忙，見少左好多，
感覺到對方已經唔在意，而佢亦選擇逃避，唔覆message
慢慢覺得自己被冷暴力，過左好痛苦嘅一個星期。
因為深深明白愛一個人點會捨得冷落佢，
姐係對方根本已經唔愛自己了。
雖然自己仲好鍾意但最後分手都係由我提出。
（其實應該話佢唔想做衰人）

之前睇過個post覺得講得好岩，
有時分手是需要由還愛著的那個人説出口。

唉

一樣 但我仲未講分手 想見面講清楚分手
但其實都唔知有無機會再見到

憎你囉
冰封一尺 非一日之寒
越絕情既分開方法，代表已經忍你越多次
係接近想打你小人既憎恨

係一面都唔想再見你個種
八婆講你壞話，永遠係到恥笑你現任，永遠恥笑你以前d柒野

絕情地分手既前女友就係咁既存在，係你永遠既小人，暗角恥笑你
專情亦絕情

你整親d貓 貓一定報復 一眼都不回頭
你整親狗仔 仲可能癡返你原諒你
女人係貓

唔小心見到朋友既朋友po條友個樣
係想嘔
覺得前男友真係好樣衰
係望多一樣係真係想嘔既程度
同你kiss過，真係崩潰想大嗌嘔心，想洗嘴徹底洗嘴。

就算現任幾唔及前度男友
都會覺得現任靚好叉多

掛住你，應該係夠鐘打小人個種掛住你
唔好得罪女人得太深

講分手個o個都可以好痛

唔識講分手 但係逼住要講
講完自己好唔開心仲要佢氹返我
其實我真係好無信心 好自卑好驚
好想佢比到信心我 但大家都無能為力咁
每日有幾百分鐘都係想同佢一齊返
但又唔想無限輪迴 又驚失去佢又驚無將來又剩
呢刻唔適合一齊
但我都信有緣既點都會一齊返

係我講分手。

之前已經分過一次，果次係佢講。

分手最痛唔係分手果下或之後，而係分前嘅冷暴力，名分上係男女朋友，但係你知道佢已經變左，覆whatsapp慢左，約佢call佢，佢總係唔得閒，第一次分手嘅經歷係度重覆緊。

係我一手做成，我冇能力了解到佢嘅痛苦，我只能夠扮明，盡力安慰佢，但係講多錯多。我努力做，但係真係能力問題，我無經歷過，唔明就係唔明。佢太了解我，睇得出我扮明。

佢要一個真心明佢嘅男仔，係佢唔開心嘅時間陪佢。我知我唔會明佢點唸，只能夠有時間時陪係佢身邊。男朋友嘅付出應該比他人多，但係佢一句「你都無體諒過我」，否認哂我嘅付出真係令我個心好痛好痛。佢d朋友嘅一句勝過我千言萬語，重記得佢係我臉前讚佢中同講嘅野，直係好唔開心，點解佢只係記得佢地一晚gathering講嘅野，而無realise到我晚晚陪佢，真心想為佢好，忍佢嘅脾氣嘅努力？

佢話我係一個無咩脾氣嘅人，但係我其實都係一個正常人，只係我會默默咁食左佢嘅脾氣，其實我都忍得好辛苦。

分手個刻個心情係複雜嘅，
有不捨，感慨，放鬆，
我記憶中好似好平靜，同一個好朋友告別，
我想問佢多d野，知道以後唔會有機會再問，
唔想收線。

分左手已經六個月，但係同佢嘅回憶重好似係尋日咁，好似佢攬住我訓都係尋日嘅事。唔知點解好想再一次成為佢嘅全世界，佢依賴嘅男仔。好想回到過去，做返好自己，令佢笑同開心。

我唸我地下次遇然見到，我會有好多好多同佢講，好似半生緣入面嘅曼楨同世鈞咁，不過我地情況係完全唔同，我地可唔可以回到過去？可以，我唸我永遠都做唔到佢心目中嘅男朋友，因為我無能力理解佢。

一齊左差唔2年
上年佢有提過將來既野, 都有提過移民不過無深入
我本來諗住係慢慢加人工, 雖然唔係有錢但夠生活

今年3月佢提過一次分手
即日挽留返我
佢話仲中意我,但佢想遲D去韓國
未走之前都可以一齊

之後到5月
佢話已經付出唔到任何野
今次係我挽留
但佢話100%唔想留係香港
我無錢無特別技能
邊有話走就走
台灣努力儲下錢都有機會
個幾日仲有D轉機
有搵返我傾計

突然就好冷淡
不讀不回咁
我再搵佢話想大家溝通下
佢話分左手唔需要
話我催佢
唔會再復合
已經淡左無辦法

點解2個月可以變得咁快
點解一星期可以變得咁快

我有時諗點解第一次要挽留我
起碼大家仲有愛,唔使搞到今日咁
但就係因為佢愛我先會同返我一齊
好矛盾

你係絲打?
你前男友對你好差
你好憎佢?

你分手既原因係咩
真係無解決既辦法?

已經一個半月
以為自己慢慢好緊
呢幾日又反反覆覆
成日夢見你
全部都係再一齊返
然後一起身淨低嘅只有惘然

會唔會諗起我？
會唔會都有唔捨得既感覺？
會唔會諗起一齊發生嘅事？
諗起時都會感到開心，覺得係一段快樂的回憶？
定係已經可有可無，無關痛癢

有冇過來人可以話我知
你地係咩心情？

https://www.storm.mg/lifestyle/249955

多謝巴打,睇一睇

拍左兩年我講分手
對方性格好負面 每次見面或者whatsapp都會係咁向我散播負能量
搞到我都變得負面左 (負能量係會傳染)
我已經喺兩年入面不斷嘗試開解佢 但都係冇用
有暗示叫佢揾專業協助 但佢又話自己冇事
仲要其實佢係為左d無關痛癢既事而唔開心成年 e.g.上莊
佢屋企錢又有 讀書又好 屋企人又幾好
但佢仲係成日抱怨呢個世界
最後諗左三四個月頂唔順講分手
諗咁耐既原因係驚佢唔知會唔會諗唔開做傻事
可能因為真係頂左好耐佢咁撚負面
所以分手嗰刻同之後覺得自己解脱左 好開心唔洗再見到佢

痛條撚咩

分前嘅冷暴力的確好難受
佢2次同我分手都係慢覆,約佢唔出有事等等
個陣我天真,以為佢做野忙,心情唔好

祝你早日康復

聽你咁講其實佢都定左個限期啦
你只不過係佢搵到方法離開香港前既人型公仔
愛你既就諗方法一齊走
唔係見呢到架船要沉就自己走先
不過唔知你地平時相處點
如果講錯唔好意思

點解我同你咁似既？ 差唔多一模一樣咁濟tim,
真係好辛苦, 好難過

男朋友前幾日仲有錫我攬我話愛我
尋晚佢講分手
然後好決絕咁話已經唔再愛我
一樣係接近三年嘅感情
原來佢又偷偷地識咗個女仔
嗰邊就快得米
所以急急腳斬纜
仲要分手一日都未夠就down埋tinder

痴線我嗰個都係咁
快三年
明明前幾日仲又攬住瞓又好sweet
突然一嘈交佢就話唔愛了
話冇哂感覺
好決絕
其實係咪已經有咗新目標