簡直係黑店事緣屋企人6月中去落訂買玻璃趟門約萬二蚊，落訂一半就約6000蚊。 已經完全冇額外要求，搵佢做佢門市個料一樣既玻璃趟門，揀咗黑色格仔。
落訂前搵埋師傅去過至少三次問好曬度好曬（因為上網見有人係baby condom話佢黑店
，又圖文並茂咁。但得一個post 話佢，我諗可能係個別事件姐，俾次機會佢，點知真係咁伏）
搵開老果個呀姐問，因為後生果個十問九唔知
老果個sale問佢野講兩句就唔多願答咁，就話同門市既一模一樣（可能我去得太多次佢覺得煩，咁都算啦）門市度門個料摸落好好，我屋企人個師傅都話ok 。然後傾好曬尺寸，門面要見光32吋。佢畫好圖，問清楚佢，佢叫我唔洗擔心，話廠會跟曬張圖做。我對過張圖冇問題就諗住放心。
因為我好急用，所以問佢可唔可以快啲地。佢話冇得快，點都係要咁耐。咁算啦，唯有等啦。
點知過三日左右，屌
佢打俾我話門做唔到見光32吋，淨係做到30.5吋。（我心諗你自己師傅上來度尺果時又唔講，落單畫圖果陣又唔講清楚，俾左訂先來話做唔到）咁我都忍左佢，冇爆佢，叫佢照30.5吋 快啲送來。

然後再過三日左右 (6月24號)，佢淨係wtapp 我
廠話做唔到門市果款，佢send 左第二種框來話係新款，問我o唔ok. 就咁一張相話係新款，冇細節，冇得摸，冇得度厚度等等，到時佢運塊黑膠俾我話係新款都得嫁啦？呢個時候都已經好撚興於是第二日我踩上去屌佢 你宜家整俾我既野我唔係當事落訂既野。我落訂買蘋果你話俾個橙我！你咁做生意其實可以去海關消委會投訴你。個款唔同我都算，我想你guarantee 個料係一模一樣。（黑色話係新款，紅木色係佢門市款 亦都係我落單既款）

佢話做個材料係一樣，只係個款唔同。我話 咁你寫清楚係張單到，話‘新款’同 門市果款係一樣 寫清楚係咩質料，塊料幾厚。如果收到貨唔同就退款。 然後佢指住張單既門款‘豪雅xxx’ 呢度咪寫左囉！ （呢幾隻字只係佢公司安俾道門既名，佢鐘意點叫道門都得嫁啦，邊到表示到‘新款’同門市款材質厚度一樣？）

佢唔肯咁寫證明佢都心有屎，淨係肯口頭講話一樣，一定唔會唔同。你係有誠信就唔會落左單，俾左訂先話道門做唔到32吋，過幾日又話個款唔同左啦！
呢兩件事佢都唔覺自己有錯，一句對唔住，唔好意思都冇講過。佢仲要串我話 既然你都唔信任我哋，咁我做唔到你生意啦。我宜家退返錢俾你。明知我係急用，浪費左我成個星期，浪費我搵埋師傅落同佢落門市幾次。
我話我一定上網分享我嘅經歷，佢話：多謝你。佢最後退足所有錢俾我，我都算，浪費左既時間同心力當買個教訓。
因為時不時會經過旺角朗豪坊附近呢間又西又冇品德既鋼閘鋪，仲見到有好多人係到睇閘，諗諗下都係寫出來，等大家唔好中伏。 我衰在唔信上網既post 話佢係黑店，諗住搵埋師傅 問清問楚實冇死。點知都係中曬伏，俾曬訂金先同我講呢樣唔得果樣做唔到。結果我又要重新搵過玻璃趟門。唔係淨係生意難做，消費者想搵間正常嘅鋪頭去消費都一樣咁難。
自己屋企人都好想幫下本土鋪頭唔番上支耶做
雖然都係支耶廠做
屌 最終搞到一肚氣
文太長 唔知有冇人會明
你屋企人靠呢樣野先做到野 又要比呢種西鋪過一棟既感受
