［高大靚仔193］ViuTv Error自救TV 一至五晚 23:00-23:30 (8）

希望濟哥可以救下error
不過有花蛆呢條仆街阻住晒真係好難做

Error 知名度高過mirror
連博愛個show都係搵error
Error廣告仲多...
mirror 12 個人得姜濤啱廣告商

啱呀其實喺viutv開台以來我一次都冇睇過
呢排真係完全為咗error先轉過去睇
自救TV喺Viutv網上熱門排第一
無error嘅話viutv收皮啦

其實完全唔明佢做乜做經理人
製作人同經理人應該兩個完全唔同範疇？
乜真係佢發掘到班仔出嚟就=管理到班仔？
一個唔理旗下藝人嘅人做經理人
而家仲可以大條斯理話我係佢哋經理人但我唔幫佢哋搵jobs啊吹呀咁？

地產仔有3爺

只係fans向
完全唔諗點令多啲人追 唔諗點擴大粉絲群
好認真 花蛆繼續咁做經理人
遲早mirror同error都一齊散

花姐做制作人係ok嘅，不過唔明點解要做埋經理人公

不過我好唔中意香港呢種藝人淨係可以去一個台，攪到一來電視台冇兢爭質素下降，同埋藝人好似冇太多平台去表演，攪到入屋嘅藝人來來去去個幾個

見到佢覺得好似比viutv懲罰我

我都想睇心理學講真三哥明明個底好有料，大佬係外國讀完心理學又識Fashion有學歷有樣，但就係始終冇一個節目俾佢表現到佢嘅學識，認真嗰陣時有啲人又覺得佢on9，記憶中Error遊入面有集俾33介紹係日本買衫，其實佢一講起時裝嗰陣個樣真係好有吸引力，佢嗰陣時話會興燈芯絨質地既衫，結果嗰排真係幾流行。每一次Error 岀節目基本上都會去追真係好鐘意佢地四個

記得之前睇農夫訪問，佢地都話興趣係想搞音樂，唔係想做主持，搞笑。但佢地做主持搞笑受歡迎，知名度多左，可以支持到佢地繼續做佢地既音樂。希望佢地都可以咁諗，唔好覺得error係負擔先 而家咪當慢慢儲下人氣先，會越來越多人支持你地

支持error

但成套劇佢先得幾場戲

其實讀得心理學 唔會蠢得去邊
甚至係好撚聰明

呢到都開到一個ITEM

先利申 由佢地4個出道開始入坑，追返全民追星一，追晒同埋經常Loop返花姐Error遊1&2，有買飛入場睇佢地talk show，有買佢地眾籌Tee，當然睇緊同Loop緊自救TV

見到好多回覆話佢地無job做所以心血來潮想總結一下佢地由出道到依家做過D咩(以Error身份，佢地自己秘撈做歌個d唔計)同埋係真FANS既話點樣可以幫到佢地等佢地有多D Budget

[ERROR] (4人有份)
電視劇 - <做演藝嘅> <娛樂風雲>
網片 - <肥仔大冒險> <Error大冒險> <ERROR豬年19up運程> <Error花市遊>
歌 - <404> <潔> <殺死我的經理人> <我無嘢撈> <我們不碎> <聖誕劫> <我們很帥>
綜藝 - <花姐Error遊 1&2> <ERROR 金豬賀歲暨花姐巡遊> <全民來電> <Error自救TV>
廣告 - <高露潔> <American Eagle> <Derma365> <UA亞洲聯合財務> <payme>
<曼秀雷敦男士草本控油潔面乳> <dove日本植萃洗護髮系列> <Acuvue隱形眼鏡>
SHOW - <人到中年口不擇言道歉招待會>
綜藝嘉賓 - <Chill Club> *2 <15分鐘熱度plus 賀年版> <博愛100週年電競杯> <點相3天機算>
<總有一瓣喺左近> <英超 - 賽前熱身>
主持 - <理想國記招>

[肥仔]
電視劇 - <男排女將>
綜藝 - < Cooking Gigi 台灣篇>
廣告 - <pccw光纖寬頻> <7-eleven> <Zoflora濃縮消毒液> <nuskin美顏神器> <藍妹啤酒>
綜藝嘉賓 - <Chill Club> <估你唔到> <辣伙頭>

[Dee]
電視劇 - <二月廿九>
綜藝 - <美女郊遊遊>
舞台劇 - <最好的時光>
綜藝嘉賓 - <鼠年行運要點相>
主持 - <38屆金像獎FB Live>

[193]
電視劇 - <男排女將> <地產仔>
綜藝 - <港男入贅手冊>
廣告 - <藍妹啤酒> <JAG App>
綜藝嘉賓 - <估你唔到>

[POKI]
電視劇 - <男排女將> <太平紋身館>
綜藝 - < Cooking Gigi 台灣篇> <港男入贅手冊>
廣告 - <7-eleven>
綜藝嘉賓 - <估你唔到> <鼠年行運要點相> <辣伙頭>

*如有遺漏請填補

對一隊出道只有一年半左右既組合藝人有以上既JOB對比起其他藝人尤其係差唔多時期出道Mirror大半隊人黎講其實唔算少，咁當然以FANS角度黎講就點都會唔夠，最好日日都見到佢地。

咁入正題要一個組合/藝人要多D嘢做主要係佢地做既嘢可以幫公司賺錢，賺錢既主要途徑有演唱會，出商場Show，產品代言同拍廣告。 之但係賺錢之前當然要投資去做歌，拍劇拍綜藝去增加知名度，咁Error既情況似係公司有試投放少少資源去俾佢地試下搵錢，花姐Error遊既口碑同收視算係唔錯所以都吸到d客搵佢地拍廣告。 不過佢地Talk show 既日期就撞正1/10個期D社會運動所以售票情況唔理想咁算係非戰之罪，但係佢地搞眾籌買Tee依單野就令到佢地有少少危機，總括d訪問話佢地想賣300-400件但最後只係賣到100件，最後要搞R 廣告商sponsor先拍得成<我們很帥>既mv。

須知道廣告商搵藝人拍廣告係視乎佢地既FANS base既群組係唔係佢地目標客戶之餘仲會睇埋佢地購買力，Error搞個fans 眾籌都只係得100人左右肯課金就證明佢地fans 係無咩購買力， 係會令唔少廣告商卻步。 再加上我發現佢地之前拍既廣告都好少人Like個間公司同佢地賣個件products，最多只係Error同埋佢地4個自己嘅post like之後就cap 圖係圍內吹奏，人地廣告商搵佢地賣廣告既目的當然係想做宣傳等更多人知道佢地公司同埋佢地d產品喇，所以令Error可以多d資源既方法當然係吹奏搵Error拍廣告既真正金主，當然件產品啱你或者係屋企人用你去買再Post去tag佢地咁就當然最好，真係唔啱用好似UA財務個D都去LIKE下佢地page再留意share埋佢地既post等佢地marketing都知道搵Error會有好多engagement feedback返俾佢地，等佢地知道搵Error拍廣告係有用嘅。 就好似Error自救TV其實係Bowtie虛擬保險呈獻嘅咁去like下人地page，去佢地d post度留下言等佢地知道 Error fans 有幾多同埋係可以幫到手做宣傳，咁希望佢地可以繼續冠名贊助Error做節目。

其實明星既official fans club既其中一個作用就係公司用黎俾廣告商知道佢旗下既藝人個fans base 有幾大，同埋可以組織到一D團購廣告商既產品同埋去幫手吹奏令自己鐘意既藝人可以繼續得到廣告商既青睞。 所以下次見到濟哥可以問下幾時搞返個官方Fans club。 不過又咁講，依個fans club亦係把雙面刃，如果人數太少既話即係話俾廣告商知個藝人無咩知名度/影響力。

唔覺唔覺寫左咁多希望唔好TLDR
暫時寫住咁多，有興趣可以繼續討論。 相信大家既目的都係想Error多d資源，行得更好，行我更遠。

博愛個show都有Mirror喎
點樣計到知名度高過mirror
明明唔止姜濤一個有廣告

今集好好睇

由追Error遊先有開始睇ViuTv既習慣
如果唔係成晚都唔鐘開電視
如果error真係比Viu冷藏/ 唔再出現係Viu
罷睇ViuTv

支持三爺

粉紅衫邊位

典型扮豬食女格