剛創業沒營業額，如何填報稅表?

小妹舊年12月裸辭開了一間無限公司，本打算2月開始做D網上小賣買。

不過受疫情影響決定延遲到7月開始，因此到目前為止都沒營業額。

而我在1月時已經由外國入左貨(約$30,000)，並且同本地公司簽左12個月既公司Email Server(約$600)。

剛收到報稅表，唔太識填，所以想請問一下，

1) 利得稅個欄 - 總入息、營業額填 "$0" , 然後毛利、純利填 "虧損(X) $30600"，咁樣岩唔岩?
2) 係外國入貨，算唔算 "是曾與非居住於香港人士進行交易" 呢? 如果算"是"，要點填附錄呀?
2) 強積金可唔可以等我真正開業，有銷售額先再去申請呢?

感謝大家

留名我都想知

google睇過無限公司屬於自僱人士
要60日內登記參加強積金計劃？

第一 : 買貨唔係\虧損

第二 : 你間無限公司沒有租地方 ?

第三 : 強姦金. 可以不理 , 錢都搵唔到, 仲強咩姦金

（2）唔知你係唔係講表格S2，稅務局講明咩情況下先要填：
問:
我在甚麼情況下須填寫補充表格S2 ─ 轉讓定價 ?

答:
(a) 你曾與非居住於香港的相聯人士進行交易；或
(b) 你與稅務局局長達成預先定價安排協議；或
(c) 你屬於跨國企業集圑，而該集圑有責任在香港或別處提交國别報告。

(1)年結日尾賣唔出嘅貨係存貨，最後銷售成本係$0 (Opening Stock $0+Purchase $30K-Closing Stock $30K）。公司毛利係$0。

E-mail服務如果涉及預付年結後係prepayment。例如你公司簽咗e-mail合約1/1/2020-31/12/2020，全年$600，而你公司年結31/3/2020，咁1/4/2020-31/12/2020（即係$600 x 9/12 = $450）就係預付，下年先當支出，$150當今年支出。不過如果$600係相對細金額費事分12個月。

我借家人間鋪使登記地址，冇租地方。

明白，咁我唔理MPF啦，唔該哂！

1) 明白存貨個Part，都明白預付可以逐個月計了。不過都想報清楚DD，想再請問咁個 $150 支出，係咪要計入虧損? 總入息、營業額 = $0, 毛利、純利 = 虧損 $150 咁樣?

2) 我係指圖下面個格..


諗住得 2 條數應該好簡單，可以自己報，點知無讀會計真係咩都唔識，你肯答我真係唔該哂呀！

（1）假如無其他支出（包括資產折舊），帳面虧蝕$150，記得方格打X代表虧蝕。
（2）From IRD booklet

第6部分：申報代／與非居住於香港人士進行的交易
• 若你曾以代理人身分代非居住於香港的人士收取他／她於香港產生或得自香港的任何行業或業務的收入，本局可要求你提供更多有關此項代理的詳情。
• 若因全部或部分在香港提供專業服務，而付款給任何非居住於香港的人士，不論該款項是已支付或應累算，你須另表列出每位收款人的姓名及地址、所支付的全部款額及付款的性質。

好，咁我知點填D數字啦。

不過外國交易都唔係好明，因為我確實「曾與非居住於香港人士進行交易」，但我只係買外國間廠既貨，唔係代理，又無買專業服務，咁應該填是定否？ 如果填是，附件中既有關業務的商業登記填外國間廠既IRD No.? 然後下面個兩條都填「$0」?

再次感激

打去呢度問啦
我尋晚打左去問野~ 免費~

ACCA 免費稅務諮詢熱線 2321 3311
6月22-30日 / 晚上7-9時 / 星期六、日及公眾假期除外

或者WhatsApp 去5245 9744問

好似話未開始有營業業務就得

點都要填少少營業額

唔係稅局可以以公司無營運為由reject你報既 expenses

連續幾日打去稅務局都話爆人詢問冇得排隊..
今日終於聽到音樂，等左15分鐘就打得通去問！

1) 未正式營業，可以全部填"0"，但建議有支出都可以計返虧損，出年累計。

2) 純粹外國入貨唔洗填個格。

再次感謝樓上各位解答！