貓貓腎病末期，點樣先做到放手？

如題。養咗佢好多年，確診咗二期之後已經捱咗兩、三年，一直都幫佢打水、轉食腎糧同定期睇醫生有食腎藥。

近呢一個月病情反覆，因為都年老所以多咗個心臟病。腎缺水但打水太多又會影響個心，當時醫生講話佢有肺積水都唔會支持到好耐，就停咗打水點知捱多咗成個月。

原本都只係視聽力衰退，多咗瞓覺，企得唔太穩，胃口時好時壞咁。輾轉到上星期尾開始惡化。後腳冇晒力佢要拖住個身先轉到身，有時去到廁所上唔切就會失禁咁。冇晒精神會擘唔大對眼，一陣會昏迷咁瞓著一陣小抽搐咁醒。冇力進食想嘔但個腎令佢好缺水，水就仲飲到只係食唔落嘢。

原先想話等佢個病到尾會衰竭睇住佢走…不過屋企人同自己嘅精神壓力開始頂唔住。仲有佢明明好努力咁撐住，同雖然身體又未到衰竭但已經慢慢承受唔到。屋企人話想打針比佢舒服啲咁走……

有冇過來人可以話我知要點做？有冇類似嘅經歷？
我好驚做錯決定會好後悔……

比佢走啦

你去到最尾會見到佢連企係度都做唔到，去到個一下我就簽名送佢走，佢明架

長痛不如短痛
在天之靈貓貓會知道你心意

no problem wor, see u later lor. 瀟灑啲啦~喵

試過貓貓有腎衰竭，大約一星期左右就走咗
同你一樣，又係心腎都有事，好難兩邊一齊醫得好。每日都氣喘，要喺醫院吸氧氣，但醫生都話俾我知，呢個情況已經唔會有好轉嘅機會，只會一路差落去。最後都決定唔再醫，帶咗佢返屋企，見住佢每日都瞓喺度冇胃口冇心機同埋失禁，我自己都就快支持唔住，不幸中嘅大幸就係最尾走嗰陣都係好安靜，冇抽筋冇嘔。

個人覺得，如果你覺得佢好辛苦，佢已經出現好多好差嘅徵狀（失禁，無力，抽筋），而你又肯定個病醫唔返，只會一路差落去令佢再辛苦啲，不如幫佢打針，起碼走得舒舒服服。其實我諗作為動物，都只係想舒服開心咁玩下食下，太辛苦佢都好唔開心。有啲愛貓人士可能會對安樂死好抗拒，但過來人覺得，當你望住佢咁痛苦時，個心真係好難受，每一秒都可以喊出黎，有時明知冇希望，就唔好再呃自己佢會好轉，俾佢早啲走吧。如果你相信有天堂，總有一日會重聚樓主加油，呢段時間辛苦了

多謝你
你個回覆比多咗份勇氣我去面對

我明白
頭先係屋企見住佢瞓醒起唔身但佢又出盡力，都係第一次咁樣
真係好難過…

見到你話畢業要走我又喊爆
要道別已經比咗個心理準備自己，但望住佢真係好sad

我知道
都希望佢會咁覺得

多謝你
我會下決心

個回覆好可愛 多謝你
我都想下次再同佢相遇

多謝你肯分享你同你貓貓嘅經歷
睇住佢呢幾日惡化我真係好掙扎應唔應該放手比佢走得舒服啲，喊咗好多次
佢嘅情況係一個月前醫生都提議過我哋考慮打針，好厲害嘅係佢居然捱多咗成個月而唔係醫生講嘅拖一兩禮拜就走

痛苦嘅徵狀佢基本上都齊，係差未去到好痛同快速衰竭
佢好老啦生存咗差唔多20年，所以腎病都斷唔到尾抽水手術又做唔到
內心好想好似你咁可以睇住佢安祥到最後果刻，不過佢抽搐愈嚟愈嚴重，啱先醒個陣吸好大口力想起身但典嚟典去又瞓返。我會認真同屋企商量同比啲勇氣自己面對......
我信我哋會重聚㗎

真係好多謝你肯覆我同鼓勵我。

我隻17歲大貓都係腎衰末期走
果時由6月頭打水打到7月尾走
走前個幾星期開始見到佢趴係度訓 果時仲以為佢係無力所以趴係度訓
點知去睇獸醫先知係積水抽左積水住左兩三日醫院就返屋企
返左屋企後 慢慢後腳無力 大便都無力 d大便又硬同大到成粒電芯咁 用甘油條幫佢排都排唔哂
由腎病開始無耐已經唔肯食腎糧要forcefeed 到最後到bu返哂出唻唔肯吞
我果時都好唔捨得放手 因為佢係我屋企養嘅第一隻貓
貓貓性格又好堅強好倔強 一路都好有求生意知
我同屋企人都諗左好耐 亦同貓貓講左好耐解釋左好耐
最後決定call上門獸醫唻做安樂 因為我好堅持貓貓要係屋企走 唔係係冰冷嘅診所枱面

我絕對明白你心情同兩難
個個主人都想自己寵物瞓住走 無痛苦咁走
但呢樣野唔係人或動物話事 講老土d係天意
寵物瞓住走係佢福份 但如果最後佢抽住筋走或者唞唔到氣好辛苦扯蝦 係咪你想睇到或承受到先?
到時又未必帶得切佢去獸醫度 上門獸醫亦唔係即call即到

係最合適嘅時候放手就係最好
咩叫最合適?就係你落左決定嘅時候
我諗返起佢病到末期同走果日我仍然會好唔開心
但我提醒自己 要更加記得貓貓病前嘅17年帶比我地愉快嘅回憶同佢臨走得到我地悉心嘅照顧
唔好比最後期嘅事而令到自己得返唔開心

你同屋企人會明白 寵物亦都會明白

佢走咗都幾年，初初好唔慣，頭一個月直頭一諗起佢就喊唔停，到宜家仍然有好掛住嘅感覺，但因為佢係平靜咁走，所以我冇乜點樣內疚同遺憾，反而宜家諗起佢係開心嘅，成日同屋企人睇返佢啲相都笑得好開心所以樓主考慮下打針，可能呢個做法對大家都舒服啲

睇哩個post睇到我眼濕濕
雖然我隻貓仲後生但大家分享出黎既經驗令我都會希望佢將來臨終盡可能做到舒服咁走就好喇

想問下大家其實貓到老年係咪好大機會有腎病？
就算一直注意飲食都好

係，糧食方面要揀得小心，唔好食劣質糧。同埋要迫佢飲多啲水，例如食罐頭嗰陣倒多啲水落去。最好定期做body check，touch wood 有咩事都可以盡早發現早啲醫

見到你地啲po都睇到眼濕濕
希望主子可以健健康康, 陪我耐啲

點解要幫佢做決定?
你又點知隻貓覺得辛苦想走?
如果你病就死死下, 你講唔到野又未想死,
但你屋企人幫你做決定, 你會點諗?
儘力醫啦...

睇到眼濕濕
希望自己2隻貓貓都身體健康

有冇比佢食冬蟲夏草

我有兩隻都係腎貓， 打水打咗2 年，依家都廿歲喇，唔想放手