長年暗瘡搏鬥史

我呢就社會人一個，青春期時塊面白白滑滑，但出黎做野後突然瘋狂爆瘡，講緊係兩邊面同時會生大暗瘡+石頭瘡，每邊8-10粒咁樣。好醜樣，好自卑，試過搭車見到其他女仔皮膚好好而唔開心到喊左出黎。

當時試左好多唔同嘅暗瘡產品，經驗難得都想同各位暗瘡受害者分享下。感想就純屬個人意見黎嘅，大家啱睇就睇，絕對唔係廣告。

利申我係食A酸徹底好翻，遲啲如果有人想睇都可以分享食A酸嘅歷程，呢篇比較係俾啲暗瘡相對無咁嚴重嘅人參考。由於係成日去日本嘅港女，所以日系產品佔多。以前生暗瘡時係油性皮膚。

～暗瘡藥篇～


PAIR暗瘡藥：應該有留意嘅人都會聽過。搽落係輕爽嘅Cream質地，搽細粒有頭嘅暗瘡可能OK, 但我個人覺得無乜用。


萬秀雷敦暗瘡藥：唔係好記得個質地，基本上同上面PAIR果支一樣對我皮膚無乜用。


萬秀雷敦ACNES25暗瘡藥：搽落係Gel質地，講話係針對大人嘅瘡，唔係石頭瘡嘅話幾有用，搽過夜粒瘡明顯謝左啲。依家我都有用。


APOSTY暗瘡藥：細細支幾方便，但我記得價錢唔平，搽落去會令皮膚乾。我果陣好油就無乜野，本身皮膚唔油再搽應該會甩皮。


Shiseido暗瘡藥：我買果支係有色Type，勁杰勁難搽開，佢應該係可以當conceala咁係暗瘡上做遮瑕，但佢隻色調偏橙，皮膚白嘅女仔搽左再上粉底未必遮到。藥力一般，要化妝時可以用嘅。


白兔牌暗瘡藥：一款抽乾皮膚令暗瘡收皮嘅暗瘡藥，搽完周圍都會乾，如果用呢隻我會揀同一原理嘅OXY.


OXY暗瘡藥：搽完嘅位置會乾到核爆甩皮，但粒瘡斷左糧都會好快謝。但當年我成塊面都係暗瘡，根本無可能忍受全面甩皮，所以放棄使用。


CHOCOLA BB內服維他命B：嚴格黎講佢唔係暗瘡藥，而係促進皮膚新陳代謝嘅維他命丸。食左一樽唔見有乜大分別，可能啲印淡左啲掛但真係留意唔到。

～護膚品篇～


肌美精預防暗瘡面膜：唔覺得有乜分別，垃圾黎。


肌美精MAKE UP DAMAGE CARE面膜：主打化妝後嘅護理，比上面果隻潤啲，係咪可以預防暗瘡唔知道，但至少無刺激到生新暗瘡，化妝後用可以平衡翻皮膚水分。


MASK 15：神。奇跡。好L勁。薄薄地搽係暗瘡上面，3分鐘後水洗，石頭瘡個死人頭會現身，細粒瘡會直接收皮！！！！可以薄薄一層全面搽一分鐘當清潔。壞處係搽落有啲刺痛，同好貴。太勁厚搽應該會乸爛塊面lol


PAIR洗面：垃圾。我仲有支係屋企全新未開...


美顏石鹼：洗完皮膚會乾同掹緊，出油少左，皮膚環境會對暗瘡無咁有益。


美顏水：陣味令人好high 唔好當toner用，直接落棉花敷暗瘡，對細暗瘡有一定作用（石頭瘡無用）


TAKAMI SKIN PEEL：我覺得有用嘅，暗瘡謝得快左，無香料味唔怕刺激皮膚，而且皮膚可能潤左所以反而出少左油。但缺點係貴。

～暗瘡貼篇～


3M暗瘡貼：厚度同吸收都算中規中矩，雖無大功亦無大過，無乜必要唔會選擇佢。


萬秀雷敦暗瘡貼：好厚唔適合痴出街，但吸收力一流。大暗瘡（有頭）痴一晚第二日會見佢吸收個啲膿出黎脹卜卜咁，粒瘡會謝左唔少。

搵唔到圖韓國暗瘡貼：以前係Sasa買（Sasa藍架仆街咪幫襯呀），超薄可以痴出街，吸收力當然無上面果隻咁好，但都吸收到啲分泌物出黎。主要可以保護啲穿左嘅暗瘡（因為痴暗瘡貼搣嘅時候係一定會整穿），唔洗俾街外啲灰塵感染。

大約係咁多先，多謝各位收睇

暗瘡撚真係零舍岸鳩兼麻撚煩

我已經成為a酸既奴隸
好似道友咁
冇左佢就唔得

每個人暗瘡成因都唔同，我身邊都有人無咁嚴重靠護膚品消滅暗瘡，不過嚴重嘅通常都係要靠食藥。

男士應該用咩

醫生俾你食咁耐？@@

大把路數啦要食

與其講性別不如講嚴重度，自覺嚴重請直接睇醫生
唔嚴重可以睇下上面介紹嘅，其實無分男女。

有冇去暗瘡印既產品

求路數
我食左一年多啲醫生唔比我食啦
但我想keep住長期食低劑量

Mask 15，我仲有用Bioderma嘅purifying concentrate gentle peel.

條女要脫毛唔食a酸
但係佢又爆瘡爆到有抑鬱症咁日日喊
真係想叫佢脫毛d錢當掉左落海快d食返藥算

如果影響到日常嘅心情真係唔好拖，即刻食A酸啦...
俾佢有白滑長腿但爛面都唔會開心

樓主點睇the body shop既茶樹油

睇中醫

我試過暗瘡大爆發兩次，第一次高中，好彩考完高考養返好啲皮膚，可以白滑升大學，
但第二次失戀，仆街加埋自己慣左化妝，皮膚好極都返唔到轉頭，依家已經習慣共存唔敢唔化妝出街唉
不過我堅持唔食a酸，因為相信生暗瘡係依內在問題，a酸對身體影響好大。
希望見到呢個post嘅巴絲都可以冇哂暗瘡煩惱

食左一個月藥
無改善

未用過，淨係好耐以前用過Thursday Planation茶樹油，搽完應該敏感紅曬，唔敢再搽任何Tea Tree Oil類嘅野。Sorry幫你唔到

A酸脫髮事少，最怕影響到個肝。之前睇啲台灣PPT有人食到有一世後遺症，真係要好小心咁食。