[Netflix] 雖然是精神病但沒關係

套野啲童話好鬼深 可以有好多睇法

露體狂想要嘅係愛 但偏偏佢老豆老母就想要個叻仔 見佢廢所以放棄佢 俾錢佢fing就算 佢話最鐘意使錢 因為當佢俾錢人使個陣 佢先感受到注視 感受到愛 但佢個集最後大解放之後先發現原來自己要嘅唔係普通嘅愛 係父母對佢嘅愛 佢搞尻老豆個場 最後先得到佢老母嘅一巴掌 佢都可以好開心咁 因為佢老母第一次正眼望佢 不過相對黎講就好扭曲 因為佢將呢巴掌都視作母愛

喪屍小孩我同你個諗法差唔多 老母同喪屍小孩都唔知自己真正想要嘅係咩 因為喪屍小孩唔識講野 老母亦因為喪屍小孩奇怪驚俾人發現 所以雙方都唔溝通 去到最後喪屍小孩攬住佢老母黎咬 喪屍小孩第一句講嘅係原來媽媽都好溫暖 而呢刻老母先知原來自己個仔係正常嘅識講野嘅

其實呢兩集我覺得講嘅係溝通同互相理解 好似男女主角兜兜轉轉 最後對大家嘅疑問同質疑就係 你了解我幾多？你永遠無辦法理解我 所以去到最後男主角睇完童話喊到仆街 係因為佢老母從來無問過佢想要乜 只係單方面同佢講佢生出黎係要黎陪佢呀哥 而佢因為愛佢老母而無理解過自己想要乜 咁耐以黎都係因為老母嘅說話所以對佢呀哥咁好 亦係佢嘅精神壓力來源 亦到係女主角話佢偽善者嘅原因



sorry 1999

係有線台, 收視計返都好過the king係無線台得5,6點

有線台即係咩 tvn?

呢套嘢拍得好靚，有時啲氣氛同個配樂有好大反差，仲有啲轉鏡好多都好靚好有心思，暫時4集都係正到不得了，其實女主講得啱，童話好多都係用另一種手法講緊現實嘅黑暗，男主驚咗女主係因為女主完全睇清楚晒男主個內心世界，暫時4集嘅暗黑童話都好正

女主個本食惡夢的小孩係未只係講男女主角細個既野

就算鐘意金高銀都覺得呢套好睇過the king好多

本身應該係女主寫俾自己，要自己要克服過去傷痛先只可以長大，如果逃避只會變成一個長不大的小孩，所以出現咗第4集一齊食杯麵金秀賢變咗細路呢一場

不過呢套題材都係小眾口味. 用童話故事黎表達精神病, 師奶好難buy. 又無咩大奸大惡, 刺激位

唔係啊，機智醫生生活成套嘢都係淡如水但都好好睇好高收視

根據收視率調查機構Nielsen Korea透露，第4集的收視率，在有線、IPTV、衛視星等綜合的收費平台上，用戶平均收視率4.9%，最高5.7%。

tvN目標男女2049收視率平均4.0%，最高4.5%，是包括無線台在内的所有頻道收視率第一。

特别是前一天第3集的2049收视率平均為3.7%，最高為4.1%，呈現上升趨勢，讓人期待以後的發展。

整體收視跌, 但係20-49年齡層升. 應該係班師奶阿婆觀眾轉曬台

有一幕係金秀賢係電話問阿哥鐘意高文英作家定我多D 然後阿哥面無表情咁收佢線
笑到我

醫生成套劇係好溫暖正面. 入面啲角色都好樂觀積極. 但其實呢套劇啲人個個都奇奇怪怪, 又多陰暗面

咁紅鞋呢

收費台 tvn多數5,6點已經 無線台即SBS KBS MBC個啲10幾%收視嗰啲先叫唔錯

師奶阿婆先中意睇夫妻的世界個啲狗血偷食現實劇

我覺得喪屍小孩其實都有對應返女主自己既家庭，佢同樣都想得到父親既愛，散步個陣佢老豆問佢做咩唔去死同突然發狂捏佢條頸，佢既表情由嚇親>失望>轉換成恨，然後再笑自己愚蠢，點解要返嚟睇個根本無當佢係女既人。

李代表一開始話老豆好錫個女甚至專登整間屋俾佢，中間點解有咁大轉變比較想知編劇點寫

不得不說兩位主角既眼神戲好有張力，用眼神對話表情轉換得好好，有好多微表情要睇兩次先得

係咪得我一個覺得喪屍小孩個公仔好Q

第4集好好睇，睇到喊，鋼太童年好慘，所以佢大個先咁 blue, 本喪屍小孩故事真係好 meaningful

呢本我覺得應該係講好多時啲人想同女主嘅關係建基於利益上，但女主最後希望係建立係愛上面

呢套戲現實到不得了

可能佢老豆覺得係女主害死佢啊媽所以話佢係怪物咁憎佢

分析得好好

女一同細個個樣同眼神好一致, 呢樣casting方面要讚