TLDR版：
呢個垃圾髮型師呃錢又串柒柒，整得又hea，電咗又等於冇電，啲圖又疑似偷返嚟嘅（下面有證據），氹人加$600做焗油先做到梨花頭但嗰日整完已經冇效果，過2日仲向晒外彎同差唔多直返晒，總共比咗$1580，搵佢問返點搞好仲好串咀話「唔覺你個梨花頭有咩問題 你想整到100%咁我幫唔到你」（睇下面對話圖），叫佢退錢佢又退唔足，仲大我話如果我上網誹謗佢佢會用我銀行號碼追究我
又反口話唔退 後尾俾我真係搵到一個日本髮型師同佢嘅作品圖一模一樣，同埋係咁換IG名
完整版：
話說我6月1去左搵條仆街
ig名：kin_chong_hair （之前叫過 kanjilau37/k_lau_group）
電梨花頭，開頭係見佢$980電染package正常價，再睇佢ig啲相又整得幾靚，間salon又話只做香港人，所以就揀左佢啦
我仲專登上連登搵過呢個ig名睇下有冇人講過佢點知冇，最後就照去做啦，心諗梨花我之前做過好似唔難整應該冇伏。
當日講完想點整之後，點知佢話我髮質唔加焗油做唔到梨花喎，要加多$600蚊先做到。本身我聽到明明只係要$980嘅電染package而家要$1580整個頭已經想走，但係都係照加咗。
跟住佢幫我剪左幾下頭 就dum比個女助手洗頭 然後電髮染髮焗油都係交俾助手搞，最後吹頭就個仆街吹嘅。個助手全程都整得好hea，洗頭淨係洗左兩分鐘，個焗油仲好笑 染完髮之後佢助手幫我洗頭話而家搽埋焗油，搽落去捽左兩野再洗走 包起個頭 然後坐返係個位到比個淘寶都搵到價值700蚊嘅藍光納米噴霧機噴左5分鐘（我見到人地噴左15分鐘）咁嘅焗油要$600
跟住就到條仆街幫我吹頭喇，佢求其吹吹到乾左就算（真係仲求其過我自己係屋企吹）然後我嗰時見到係左邊前面有少少彎 但其他位都唔係好彎 似自然彎多啲，佢搵塊鏡照左側邊俾我睇 問我O唔OK
我話：eh可唔可以比我睇睇後面
佢竟然話：其實都冇咩好睇嫁啦咪梨花頭咁樣
我真係黑人問晒號，整完頭唔洗俾客人睇下？
跟住佢係有俾我睇，但我就好唔滿意，啲頭髮勁厚 仲厚過剪之前， 彎又向晒外彎 ，我喺普通細髮型屋剪完頭人地假假地都幫我吹到順滑內彎再噴下野啦，你同我求其吹又冇效果重點嚟啦！佢嘅態度係令我最嬲嘅嘢
我第二日吹完頭見到個頭都係咁柒忍唔住去左問佢點算好 ，一開始我係冇諗住叫佢回水/唱佢嘅，純粹係想佢俾返個交代我/say個sorry/話我知我可以點做去救返個頭。
佢竟然勁串錄晒音覆我話唔覺我個梨花頭有咩問題 有luen就係梨花頭 話返我轉頭話冇可能做到100%係我要求有問題 仲講埋每人氣質都唔同（其實係關氣質咩事呢？
太長出唔曬 睇埋落去！下面講佢自爆用cheap啲嘅藥水 威脅我 係咁轉名同偷圖嘅證據！
正皮
=樓主冇錯負皮
=係梨花頭 樓主收嗲啦
唉好sad
無料扮四條，技術差又唔認，最撚憎呢啲髮型師剪柒人地個頭又唔負責任，知唔知頂住個柒頭出街幾大壓力呀！！！！！！！！
