Introduction to Programming and Problem Solving (Sem 2) A
呢科就係教你用python寫個program教到你用class用{}用唔知咩loop就完 [ in in in ]其實我都唔多識呀...咁呢科就要交2個assignment，4個小反思，1個group project， 1段文獻回顧影片
Assignment就係呀sir已經寫好個program叫你模仿番個program出黎
小反思就係，幾堂完左講下你學到乜野
Group project就係你要用份晒上堂所有技巧，自己諗一個題目出黎去寫大概200-300行左右嘅 program出黎，你要講番你個program有乜野用，點用，同埋一啲評語咁，唔洗寫GUI整個Game出黎，可以全部都係文字野，對於有program底的人應該唔難
文獻回顧就係要睇一篇關於programming 教與學的文，呀sir會比個list你簡一篇，咁你講番篇文講乜野，入面做左啲乜test，佢改變左學生啲乜野，對學生有冇幫助之類的，你就講下個方法係好定壞
Foundations and Processes of Learning (Sem 1) B+
呢科就係教育心理學，學下維哥斯基呀鷹架呀之類的。死啦！你講起上黎我都唔太記得學左乜野心理學，要打開開Note 先記得...上堂幾開心，都幾易明。咩野習得呀果啲乜乜乜...唔係好記得啦，你自己到時睇Note同聽Miss講野啦，易明的，有趣的，只係做3樣野。
1. 上堂比反應比Miss，答Miss 問題
2. 有個Quiz你溫下書基本上就差唔多可以滿分，我都係29/30 有同學就29.5/30…
3. 寫一篇文，就係用番你一個實習時候上堂情境講番你係呢個教學情境當中，你觀察同學佢符合教育心理學上講的野，點解佢會有咁嘅行為，舉動，咁你見到佢有咁嘅行為之後，你又用左咩方法，去處理呢一啲問題，或者加入係你個教學裡面，讀同學的心理，使到啲同學學得更加開心。好似係咁，但係我就唔太識所以篇文就麻麻地，要串連啲 Thm更加詳細
Philosophical and Socio-cultural Issues in Education (Sem 2) B
呢科就係教育哲學同社會學
咁講下我聽左啲乜野啦可能漏左的，
首先咁就學左功能主義同衝突主義同建構主義
功能主義係學校黎講就有2個功用就係社教化同埋角色分配，姐係教班學生社會價值觀同埋社會要啲乜野人，所以教佢地要嘅技能。咁因為每個人能力都唔同，所以佢地會按住自己學到的野去做唔同的工作，叻嘅就有多啲資源，做多上層工作，弱就少啲資源做下層工作。使到成個社會系統運作如常，由上至下都係推動緊社會前進，但係問題黎啦，就係有人發現呢個制度好有問題，就係下層下一代永遠都係下一層，好少能夠番番上層。好似富二代果啲咁，所以開始有人提出衝突理論，佢地要踢爆上層大陰謀，其實功能主義只係上層嘅人用黎tum下層嘅人唔好去佢地果層嘅煙幕，所以就反了反了，我地應該要幫助下層人去上流之類的。簡單啲講就係資本VS共產，同埋好多階級上流等等的問題出係呢科要討論的野，到底教育嘅功能係乜，係維穩工具，定係使人搵番自己?
咁建構我就唔記得lu !
之後就到講3個哲學主義，就係理想主義，現實主義同實在主義?
理想主義就係講求現實世界背後有個更大嘅世界人應該尋求真善美，去搵最高最高智識，因為現實世界係會過去係會壞的，所以應該搵一啲唔會壞的野。
現實主義就係將追查現實世界，只需要解釋現實世界有嘅野就足夠了，
實在主義就都係睇現實世界，但係...唔太記得，哈哈我只係記得一前者著重學術教育，後者著重實際操作。好似係你會跟課程掌握知識咁教定係不如直接叫學生操pastpaper，掌握考試技巧...
咁之後仲有個係儒家學說，姐是什麼有教無類之類的，你會buy邊一套主義
我自己覺得教育最終係去到思想主義果一套heahea
之後就全講全球化，同埋新自由主義對教育影響
全球化就係例如人材輸出，一啲貧窮國家會去有錢國家讀書，之後人材就可以番去佢自己國家做野，幫佢地脫貧，建立一個知識無國界堵嘅概念。但係亦都有人話呢啲係有錢國家拎走左貧窮國家嘅人材，使貧窮國家更加窮，因為有嘅人材都走晒去有錢果度幫手，咁到底點樣先做到呢?但係有啲人又發覺，咁樣全球化咪冇左自己文化?所以又會對全球化呢個做法有所保留，禁大個仔我都係依家先知全球化原來禁有趣...都唔知通識果陣讀左啲乜野，哈哈。
咁有啲例子，就好似全球大學排名呀呢啲野就產生左出黎，使唔同國家人揀學校會用呢啲排名，但係呢啲排名嘅點定分嘅呢?又係一班小圈子定分，咁到底是咪真係全球化呢，又要諗一諗了。
之後到新自由主義，就姐係我地發現冇競爭冇進步，教育會原地踏步。如果大家有得揀自己想去嘅學校，咁學校自己就會做野吸引多啲人去佢果間學校讀書，咁就出現左唔同嘅學校，唔再淨係政府或者某啲辦學機構先可以辦學。同埋有啲人先要更多更多資源去實踐佢果套教學，所以就除左津貼之外，又有直資呀私校呀，等等唔同學校，但係問題又來啦，又或教育平等，咁窮人咪又冇得拎到呢啲高質教育LOR，所以呢作為老師的你地，要加油啦。改變世界嘅任務靠我地啦，只要我地每一個都有咁嘅質素，全港學生就係得益者，就算有學生去左啲比較冇禁多資源嘅學校讀書，都因為有你呢個高質老師都可以教番好佢
呢個就主要做2樣野第一就伙討論區，會按住頭先3個大topic 社會學、哲學、全球化+新自由主義，呀Sir會比啲題目我地討論下，講下邊個你認同多啲
之後又係寫文，按番你見到一啲教學議題，去講番屬於你自己一套嘅教育哲學，咁我就講下SEN同功能主義+衝突主義嘅關係咁lor。有啲人會講下新自由主義對直資學校影響之類的啦。你要搵下邊個主義，係最match你自己，你會最貼近你心入面所想做嘅教育，冇對與錯之分，只有邊個係你最想要嘅教育
Teacher Leadership and Professionalism in Changing Contexts (Sem 1) A-
呢科呢我成日都遲到上堂...哈哈真係唔好意思，但係，上呢堂真是好開心，個老師IQ130好叻仔，同埋佢會分享佢過往教書時好多經驗，面對的野。點解佢會揀教大呢，因為佢唔想做繼續咁樣每年做SGM每年loop住loop住過日子好似好冇意思，佢改變到的只係呢一間學校，呢一間老師。所以佢想將佢諗到的野，不如放係呢個會教老師的地方身上，好似好有意義
聽到都想教書呀!
咁呢科題目就係講教師專業同領導，就係講，到底咩先至為專業呢?因為老師唔係一個自己話係就係角色，佢會面對住好多人眼光。家長、學校、大眾等等，所以唔能夠亂禁來，但係專業到底係咩呢?我地就要了解老師到底有咩要做等等，係知道有咩做同事，透過你自己去下一個決定，呢個決定會帶黎咩野後果，又有幾多人會影響到你嘅作出決定，就係你點睇你嘅專業了。
其實成個course唔係講咩野係教師專業，而似係講，作為教師你面對唔同嘅事上你會點樣表現，以你嘅專業你自己個人特質，去下每一個決定。所以呢科2份功課其實我都R爆頭，到底點樣做...因為冇人本書係寫住，教師專業是乜乜乜...但係我地就要搵出屬於自己嘅專業係乜野。咁透過你認為咩係專業，就去唔同角度去處理問題，好似師生關係呀家校合作，評估呀，等等等老師面對的東西同專業串聯之間嘅關係。
第一份group project就係分析一個case study，我果陣搵左點5步個校長做case
第二份就係分析自己實習時候表現出來嘅教師專業，可以係你自己，亦都可以係你實習lead住你嘅老師
所以咩係專業就唔講啦，你自己搵答案啦
就好似點解一個面包師傅唔洗考牌，但係你想做一個專業嘅面包師傅你會去考牌，或者跟人去學野，使自己專業化，因為專業都係有一定的系統
?
