我地開左個專講本地新演員嘅channel（2）之今次講佢

推

點睇蔡思韻？
好似都係去咗台灣發展？

睇過佢做hktv套大眾情性 演得都唔錯

唔做獨立演員意思即係簽經理人公司/電視台？咁會唔會反而令到佢哋分咗心做其他嘢？
我都同意語言障礙係一大困難 咁唯有作為觀眾嘅我哋身體力行去支持多啲港產片 等港產片由蝕錢到冇咁蝕再到唔蝕最後有錢賺 吸引多啲人入行同投資 令佢哋有更多嘅機會同表現嘅平台

蔡思韻算係一個幾好嘅例子，不過佢係去咗國立臺北藝術大學留學，應該都算係喺台灣嗰邊嘅正式途徑出道，如果一般香港演員貿然去台灣發展，多數就唔會咁順利。

另一個成功例子蔣雅文，不過都係走KOL/文創路線

其實我覺得現階段最重要都係劇集，始終劇集先係可以大量孕育到演員嘅地方，因為電影投資真係好大，用到嘅演員亦唔會好多

TVB唔講啦，Viutv真係要靠大家谷起

如果Viutv劇有唔錯嘅收視，其實佢地都會願意開多啲，Viu而家都慢慢開始打到去東南亞同加拿大，如果真係有支爆，未來都有機會可以發展成亞洲嘅Netflix。無明星，演員無叫座力，到最後無製作，呢啲都係惡性巡環，我哋都係諗住出分力去打破而家個困局

咁講嘅話其實係需要多至少一間嘅電視台去取代tvb嘅位置去同viu做成良性競爭？另外你會唔會覺得拍劇集由production house製作 由佢哋做casting 拍完後賣畀電視台好過in-house production?

無可否認而家TVB嘅影響力仲係好大，雖然都陰乾緊，不過有小量外判劇都會用出面演員，如果新演員可以把握到呢啲機會提升知名度都係不失為一件好事

另外就係，其實而家Viu大部份劇集都係由外判畀production house做，Viu係負責出資同宣傳。不過質素有時都幾參差，好可以去到2月29咁，差起上嚟就去到王貽興同劉翁嗰啲咁

以我所知現階段casting同選角方面，production方都仲係有比較大嘅話語權，不過Viu當然都會想用多啲自己人，但佢地都知道自己啲藝人未必咁快擔得正，所以應該喺一段唔短嘅時間內都仲需要大量外援。好似顧定軒未來都會做Viu嘅男排女將，希望郭爾君都快啲有機會擔正啦，嚟緊我地都會出片專文講多啲香港嘅影視生態，各位有咩想聽記得多啲留言

zeno正呀，當年睇過《路邊野草不要踩》，佢做男主唱埋歌，自此就follow了！

利申：工作關係，有幸合作過一次，佢對眼真係有星星喺入面，真人比想像高，有禮貌，工作態度都好，又未至於話太奶油仔，絕對有升值潛力！
（嚟緊tvb同viu佢都有劇喺手，希望名氣再高啲，喺電影再見佢多啲！）

本地新演員真係好值得支持

我只希望tvb唔好將佢拍柒

麥路人 藍天白雲佢都得幾好
上次Alma果集見到佢做輕度弱智(?)學生都好似

咪就係段片入面講星星的孩子嗰集

郭爾君正啊

係呀！佢係自閉症
比Alma話「你裙腳仔黎架咋！」果個

push

我好鐘意呢類的介紹片。
如果可以叫真人講幾句，做下訪問仲正

share啦喂

下一位到邊個？

持續關注啦，依家都未知

G持
顧定軒啲戲好得, 新一代當中佢都算數一數二好戲(當然仲有唔少都好好)
不過最近睇佢ig好似有戲喺cctvb上, 同kyle一齊做, 有啲矛盾 想睇佢啲戲但唔睇大台

等男排女將
要睇大台套嘢都係上盜版網睇，唔會益大台

push