錫到Niki燶嘅傅浤鳴本來忙於在內地拍劇，但為陪伴太太同迎接二人嘅首個愛情結晶品，所以一早已經到港陪老婆，貼身照顧做跟得老公。
傅浤鳴喺大陸係人氣演員。（微博圖片）
而Niki一知道懷孕後已盡量少外出及減少與朋友見面，連主演嘅電影後期宣傳活動都冇去，淨係出席過朋友嘅生日會同Baby Shower，其他時間都留在家中，閒時就玩吓煮飯仔。一向身形高挑瘦削嘅Niki產後豐滿咗少少，全因佢佗B期間有Keep住做適量運動，同名模家姐周汶錡一樣得天獨厚，係個靚媽。據知育有兩位得意囝囝嘅周汶錡都有經常去妹妹家中探望BB，照顧妹妹身體之餘，又傳授育兒心得。
Niki同家姐姊妹情深。（周汶錡IG）
周汶錡兩個混血B仔又多個小表弟做玩伴喇～（周勵淇IG）
撰文：黃蘊姿
