笑死
咁多嘢成日攞嚟玩膠，曲
你知唔知出去個壓力幾大？
人哋出去承擔左幾多野，負左幾多責任
踩左幾多次線、研究左幾多路線又知唔知？
面對的風險唔係你哋亂尻咁講可以比
佢哋每次出去之前失眠左幾多晩又知唔知
準備定比狗拉之後嘅事，同朋友交低之後點做
甚至留低埋遺言
我都做過文宣
唔係係IG講幾句就係文宣嚟
人哋次次都攞條命出嚟
就算參加過遊行同食黃店真係唔算得啲咩
撫心自問
你哋真係盡咗力？
你認為和理非真係可以光復香港
依家都唔盡力
點樣去面對自己嘅下一代
難道你想下一代去抗爭嘅時候，係全部人地下化打遊擊
8歲細路去傳訊息？
或者大家都認為打倒中共，香港獨立係一個不可能的任務
但係至少可以減少到下一代嘅受傷
如果依家唔去做
下一代承受嘅痛苦壓力係我哋呢一代嘅十倍、百倍
曾經學校教我哋面對問題嘅時候
我哋應該積極嘅面對、克服
但係當而家大家面對到問題嘅時候點樣做？
查詢移民、苟且偷生、你唔會夠中共鬥留返條命仔好過
唔通呢啲就係學校教大家嘅？
逃避問題，問題就會消失？
我可以答你唔會，而且問題只會越嚟越嚴重
到到最後個難題根本完全解決唔到
亡羊補牢未為晚也
但係抱住一個反正下一個死嘅唔係我嘅心態
活在當下，大家都將其意思曲解
變成要喺而家呢一刻好好享受快樂
但原本嘅意思應該係
專注去做當下嘅事，唔好令自己後悔
而呢一句嘅意思正正可以用於而家
依家唔係一個享樂嘅時候
我哋更加應該
「居安思危，思則有備，有備無患。」
1個人的力量或許很弱
10個人的力量或許也很弱
那麼10萬人，100萬人？
但是不能集合力量，其實也無法成功
United we stand, divided we fall
現在香港已經再沒有回復正常的機會
先以中共對香港政治嘅管制
不能普選特首，維持立法會功能組別
無法使香港達致基本法當中嘅高度自治
早在此時，香港已經往一個錯嘅方向發展
其後中共更襯著沙士嘅問題
企圖在香港實施23條立法
雖然及後被阻止
卻只係延遲死亡的時間
再以經濟上
原先由內地前往香港的富豪，就是因為懼怕中共，所以才選擇來香港
然而佢哋的下一代背負左佢哋
選擇同中共合謀，更賣命於中共
「鄉爲身死而不受，今爲宮室之美爲之；鄉爲身死而不受，今爲妻妾之奉爲之；鄉爲身死而不受，今爲所識窮乏者得我而爲之：是亦不可以已乎？此之謂失其本心。」
另外政府對地產商及新界鄉事嘅縱容
令香港嘅樓價長期處於高崎嘅位置
年輕一代根本就沒有辦法去購買物業
使整個經濟嘅制度崩潰
然而香港嘅法律制度
已經被蠶食
無法再堅守一方
進行公平的判決
甚至有人持刀斬人更被法官稱為高尚的情操
持有3公斤的毒品更被控方要求撤銷控訴
我見法律制度已經崩潰
再另一樣就係科技嘅發展
好地地一個數碼港
政府就不聞不問
反而設立一個不知所謂嘅創科局
唔夠埋一啲反而有機會害到市民的口罩
令到香港嘅科技發展經濟停滯不前
再者，香港嘅教育制度亦無法保持
各大學對自己的學生不聞不問
更意圖出賣自己學生供給政府
曾經令香港而自豪的大學
現今卻被控制
而且咁多年來的教育與考試系統已經係有問題
學生需要學習的並不是死背爛背
而係由老師所教待人處事以及人生的道理
正如大中華過往遺留比我地的文章
為嘅唔係去迎合老師對呢一份文章嘅想法
而係啟發每一個人嘅獨立思考、正面思維
但係而家我哋考試制度
只不過係揣測老師內心嘅諗法而唔係教曉做人嘅道理
中文嘅文章其實根本冇所謂嘅答案
真正嘅考試應該係由老師去判斷一個學生可唔可以從文章中理解到正面思考
而唔係背埋嗰啲中心主旨段落大意等等
再加上紀律部隊嘅不守紀律
政府對紀律部隊嘅包庇
一個使人民為敵人嘅政權
我哋絕對有義務有責任去將香港引導返正軌
基於以上種種香港咁耐以來制度嘅崩潰
將香港引導返去正軌我哋應該所有嘢從頭嚟過
亦即係大家講咗咁耐野攬炒
就係因為制度嘅崩潰我哋更加唔應該留返呢一啲野落嚟
而係重新建設制定新嘅法紀
建設一個新嘅制度源自於破壞
以香港人奴隸嘅特質
要重建香港根本就一啲困難都冇
只係大家害怕踏出comfort zone
害怕面對未來
但係如果我哋一成不變
咁樣只會令到日後破壞同埋建設更加辛苦
所以我哋更加應該係呢一個時間一齊去面對
「物以惡小而為之，物以善小而不為」
又如諸葛亮其實都只不過係一個凡人
但係承蒙於劉備嘅夢想所帶領
亦都決心面對當下
本以為天下終歸曹氏一家
但又因為劉備堅持不屈嘅夢想
一個冇兵權嘅人亦都可以得到咁多有識之士、武將相助
甚至係曹操南下嘅時候
令到荊州官吏百姓加入，人數達10餘萬
諸葛亮亦都決心鞠躬盡瘁，死而後已
與劉備一齊發一個不可能的夢
復興漢室或許是不切實際的夢，但是因為先帝，所以值得去追逐。
其實早在荊州失陷時，原本的戰略已經被破壞得一乾二淨，要北伐成功的可能就已經不高了。
但是就是要賭這最微小的可能性，盡自己所能去做，報答先帝的知遇之恩，除此之外，其實沒有別的方法。
就算不可能實現，但是也試過了，至少是問心無愧的。
我問大家，你地係唔係都想要光復香港？
大家願意一起去發呢個不切實際嘅夢？
縱使失敗，被世人所誤解，亦都義無反顧？
如此一來大家都有所覺悟。
