暗瘡皮膚護膚品推介

用開Kiehl’s 金盞花
有冇其他爽膚水介紹
因為又濕又笠平時都只係用爽膚水
得閒用下origins嘅水楊酸泥mask同innisfree嘅paper mask (茶樹 蘆薈 竹 嗰啲)

我比較多黑頭，粒粒，油脂粒,粉刺嗰啲
跟住通常佢本身就咁一粒嘢 冇乜事乙
然後過排就會發炎
尤其是而家戴口罩做Gym
跟住佢有時發完炎 唔痛冇冇膿
但係會深色咗同突起咗
有啲㩒佢會feel到空心
有啲就仲有粒米黃色嘢喺入面 要刮甩佢先好
但通常都刮到損哂 有時仲刮唔到
點算

封閉式油脂
唔駛成日敷mask同 搽野
用啲清潔成份高啲既洗面gel
普通保濕 唔好搽太多野上塊面度

係 封閉式
第一次聽到仲咁準 咁符合我情況嘅term
想問洗面gel有冇推薦 可能遲啲會買
同埋保濕都係 我用開Kiehl’s ，同埋用過其他brand
用完都好易生暗粒的
所以我好多時放棄用保濕
搞到有時皮膚甩皮同有啲白色紋

因為我都瀨過野 但其實依種我都知算唔算叫暗瘡
我曾經試過搽暗瘡膏 但效果根本係零
亦曾經用過kiehls啲產品
後來我有個朋友話比我聽 其實搽一啲太笠既野落埋面度好容易令到毛孔阻塞

我自己就建議用番啲普通平平地既清潔野 再搽少少保濕就瞓覺算數 反而皮膚無咁油同無咁多油脂粒

我自己用緊既就biore既cleansing gel 做洗面
爽膚水其實你用番金盞花先 不過唔好太多
少少就夠 夠拍均成塊面就得 我自己就用Uno 個隻男士爽膚水

精華就其實我好懶 間唔時先用一次 自己用緊the ordinary既 Niacinamide 10% + Zinc 1%

以上用緊夾埋都無五舊水 好過我去買kiehls 白泥番黎用完唔知自己清潔咗啲乜

想問biore你用邊隻
我用嗰就咁biore嘅亮肌美白嗰啲 諗住去下印
同men’s biore嘅黑炭暗瘡洗面膏同咩保濕洗面膏 但洗完都係feel到洗太乾之後標油，所以都唔係咁敢用了
見人話Cetaphil 温和洗面可以 但未試過
其實我可以清到毛孔 唔好塞同生暗瘡
我就得㗎喇，啲印等佢自己好
但成日塞

你要搞清楚自己咩膚質先
我都好多黑頭暗粒 但我係因為長期缺水所以皮膚自己分泌油份 我係混合性乾性皮膚黎
如果你因為咁而誤會自己係油性係只會愈黎愈差
有粒粒因為毛孔堵塞 但毛孔要夠水份先會變細 你皮膚愈乾 啲污髒野就啜得愈實愈易發炎
你平時會唔會油光滿面？會唔會生暗瘡(又紅又腫果啲)？生係咩位(T型定全面)？

另外建議如果唔係天生麗質就一定要用面霜 油性皮膚可以用gel類 如果唔係會揮發哂水份 塊面好撚快玩完 特別呢排長期涼冷氣

同埋去角質好緊要 清左表面層死皮 香港空氣污髒 最好兩三日就用一次 用完我多數都fu mask
我用緊隻叫cure 幾好用

以前淨係生下巴 而家兩邊面都有
以前係得T zone 油 之後兩邊而都乾
而家就兩邊面都會有油
以前混合性皮膚 而家會唔會轉咗的
但我又見到係乾紋多同粗糙 ，有時有啲甩皮
然而乾又會有油有黑頭同油脂粒，好困擾

但我揸過蘆薈gel 又冇乜用咁。
用過Kiehls嘅金盞花cream ，呢個又油得滯，會阻塞毛孔，每次用完都會起粒粒，所以冇用了。
用過啲oil free嘅，但佢有洒精，唔知關唔關事，但冇乜料到好似，油照出。
而家買咗kiehl’s 咩男士全效保濕，冇咁油，但搽完落塊面過一陣，摸落去，隻手指都見到有少少反光 (sorry 1999唔識點形容)

點解想揾啲啱自己用嘅洗面同保濕霜都咁難

https://www.kao.com/hk/biore/bio_home_massagegel_smooth_00.html

試下佢 btw 唔好比野焗住你啲毛孔
明個原理最緊要

唔係話出暗瘡先唔可以去角質咩

搞到我買咗支去角質啫喱冇用過