有無人隻貓都係嚴重揀飲擇食

大貓差唔多2歲 細貓5個月
大貓由細到大都偏好食乾糧 唔多鍾意食罐頭
乾糧由Thrive 再到 AVP 同 Brabanconne (都係幼貓糧)最近就食Nutrience SUBZERO無穀全貓
罐頭比過Thrive 雞肉, wellness core幼貓 同monge 吞拿魚蘆薈幼貓
最近食 weruva (食一半多啲) 同 K9 (剩好多)
罐頭都係雞為主 其次係魚 其他味就算餓都轉身走
唯一鍾意食嘅罐就係ciao各口味 (停咗無比) 同佢嘅貓條/膏狀肉泥 (仲有比啲佢 轉緊比 k9 同ziwipeak嘅脫水糧 當主餐唔鍾意 當零食勉強食下)
飲水就自己會去飲 小便量算正常
最近加咗貓 更加恃住細貓清埋碟又食少咗罐
宜家開餐隻細食完要困房唔比佢清埋阿哥嗰份
細貓食得好誇張 大貓同年紀嗰陣都係食到佢嘅一半
只係想佢食少啲乾糧同食得健康啲
有無邊隻罐頭治到呢隻貓

我果隻貓唔食魚

我隻貓都唔食
煮三文魚比佢都做埋沙動作之後走佬

我個隻都唔食
要好肚餓先肯食少少

有冇試過汪喵隻挑嘴罐
好似可以幫到乾糧貓轉食濕食

唔食罐頭點搞
飼料溝水得唔得

有諗過試 但見佢無純雞肉味 同埋肉泥狀好似佢都唔太喜歡 不過再無其他選擇我都應該會買嚟搏下

溝水唔食 脫水生肉糧溝翻水都唔可以
反而隻細貓只要係食得嘅就乜都食
但大貓會自己去水機飲 間中餵zeal 寵物奶 細個嗰時會日日飲 宜家飲少咗

圖定老母？

隻雞頭食得嫁？我扔左

邊有魚唔食貓

買過寵幸滴雞精佢都算肯飲下
平時啲肉絲罐食唔晒都好 啲汁佢會清咗

唉 有好多我認知貓會鍾意嘅嘢 大貓都無
佢唔鍾意食罐頭
唔會埋貓砂(柯完會大聲叫人鏟 潔癖到暈)
十分鍾意沖涼 (吹毛就有時限)
唔鐘意多款零食 (只食ciao貓條肉泥同普通柴魚片)
唔鍾意跳 唔鍾意爬高 唔多會瓹窿瓹罅 (但細貓好似翻隻貓 做呢類行為嗰陣會比大貓鬧)
唔咬電線 唔爪嘢 (但細貓有)
唔偷/搶嘢食 佢只會坐喺度等 望實我 最多拍我隻手
宜家細貓一直搶佢嘢食佢都無護食 會讓比佢
持續落去越嚟越內疚
驚佢覺得我無保護佢 無舊時咁錫佢

以為係自己出post
我屋企兩隻貓同你嗰兩隻情況好似
隻大貓係兩歲嗰陣領養返黎嘅
喺貓義工度食慣垃圾rc糧
拎返黎後想轉濕糧等佢攝水量多啲
但係個仆街仔超級無敵揀飲擇食
用咗半年先成功由乾糧轉到罐再轉到全鮮食

乾轉濕首先要放棄擺長糧
你宜家係咪定時餵大貓同埋收起乾糧？

唔想見到佢食雞頭

貓比較特別
佢食開邊隻罐基本上係百食不厭
你諗住俾新鮮感佢試新嘢
只有得到挫敗感
因為貓嘅防範性係好高
隻糧嘅味道只要有極輕微嘅差別
佢話唔食就唔食


另外，除非隻貓自動波飲水。否則都係俾罐罐嚟補充水份會好啲。

之前睇醫生話過唔好食咁多罐頭，除非係醫生配方，因為通常加左野先咁香，食開乾糧咪好囉，我果隻都係淨食乾糧，平時零食都唔會餵。不過有個唔好處就係佢要習慣飲多啲水，有次佢尿道炎痾唔到尿加上尿有血要即刻睇醫生，果時就要餵濕糧同用針筒餵水，好彩佢肯食，唔係應該係話超鍾意食。而家轉左隻專醫尿道炎既乾糧同埋得閒餵下佢飲水都冇乜事了。仲有因為佢真係唔會自己飲水咁濟，所以平時啲乾糧都會加水，果啲水佢反而會飲曬

回應返細貓唔食糧果部分，係唔係佢食唔慣新糧炸？通常新貓要繼續餵舊糧，慢慢溝先轉到糧

睇左原來細貓先係大食果個

餓到佢一定要食