[譯文][理解美國黑人的苦難]: 無止境的不公義、忍無可忍的美國黑人

先Quote一段老豆搵仔：

「你忽視示威者嘅訴求，背後嘅racism 同警暴，淨係focus looting
你同班藍絲屌人裝修私了，唔理我地香港民族比支那人迫害同警暴有咩分別
好多人根本係黃色藍絲」

為咗幫大家設身處地、理解黑人在美國面對的處境，我翻譯咗一篇文章，加少少配圖。文章原載於5月28日The Nation: "People Can Only Bear So Much Injustice Before Lashing Out"

英文原文我唔貼了，可以click入去睇。二樓貼中文翻譯。
https://www.thenation.com/article/society/minneapolis-rebellion-floyd/

作者Elie Mystal是個和理非，讀過大學，哈佛法學學位，由律師轉行做媒體和社評。換句話講，佢已經係黑人之中的社會賢達。

佢寫咗乜？美國有暴徒，美國更有暴政。連佢咁既社會賢達，都有衝動想做暴徒。

這是他的觀點，你不用照單全收。你可以找到他的bias。你不用模仿黑人對非暴力近乎宗教的崇拜。黑人非暴力有很長歷史淵源，比馬丁路德金更早。

但你要理解他們的苦難。理解到，你就唔會傻到覺得黃之鋒佢地買錯邊。如果連佢地都唔講Black Lives Matter，佢地都唔講警暴問題，佢地唔會再有資格打香港國際線，香港亦唔會再有道德資格向人求援。唔係，點解中國外宣系統要將香港同美國扯埋黎講？你見連登風向已經陷入一種「幫定唔幫」既假兩難。

你想打國際線，你想同人建立關係，你就要理解別人的苦難，不能只講香港點點點。做返個人，唔好做人肉網軍。美國發生咗類似612嗰種既事態，你呢個時間點，走去同美國人講China is worse、講美國都係有法治，你明唔明件事有幾錯？

World版本來是向世界宣傳香港，但實在太多手足唔知世界發生咩事。你乜都唔識就去「國際文宣」，你真係會倒米。所以呢篇翻譯我放World。可能無人睇啦，念念不忘，必有迴響。

你要有同理心，先有得拆解中國大外宣既抺黑。無論你是左是右，一句話，你只要講反對警暴，希望佢地都堅持下去；無人想暴力，但明白有啲情況別無他法。你已經無得輸。

大家一齊進步好唔好？

〈無止境的不公義、忍無可忍的美國人〉
People Can Only Bear So Much Injustice Before Lashing Out

我是個和理非。我不會向警察掟石。我不會破壞店舖。我肯定不會用火魔法。但這些事，我通通都想做。我也有顆躁動的心。我明白那些暴動的人。

我應該宣揚和理非。我是個42歲的黑人男人，有老婆，有兩個仔女，有樓供。我有大學學位，我哈佛法學院畢業，我個Twitter有埋藍剔。我呢啲社會賢達，似乎應該批判那些縱火搶掠、與防暴警察為敵、背棄道德高地的暴徒。

但現實是，所有人都有忍無可忍的一天。

昨晚，明里阿波里斯的George Floyd示威演變成暴力衝突。我完全理解。我甚至覺得，暴力騷亂已經發生得太少了。


華盛頓紀念碑前升起黑煙。

請你代入美國黑人群體最近的心路歷程：

你是武漢肺炎的最大受害者，而你每天就看著白宮記者會的電視直播，看著那個種族歧視的總統，在隱瞞和扭曲疫情的事實。

你的群體因為裁員失業陷入經濟絕境，而國會卻向白人擁有的企業大舉注資。

你違反社交隔離，可能被警察坐在身上拘捕。白人呢？白人可以舉槍，可以舉邦聯旗抗議，可以踢警察落水，然後沒什麼嚴重後果。
https://twitter.com/KXAN_News/status/1256591816188665863
如果踢警察落水既係黑人，美國輿論會點睇件事？

然後黑人又被殺了。首先是Ahmaud Arbery被私刑殺害，過程還被拍下公諸網絡。之後Breonna Taylor被警察在家中殺害。最後是George Floyd，警察在光天化日之下跪在他的頸上，使他窒息而死，還對旁人的哀求無動於衷。（有興趣可以Google案件內容，自行判斷。）

你和其他黑人開始示威了。警察怎樣做呢？他們對揮舞邦聯旗的白人保持克制，對黑人卻是全副武裝，用催淚彈和橡膠子彈驅散。

現在你站在示威街頭。你眼前有一塊磚。你眼前是一間沒有守衛的白人店舖。你又看到了一根火柴。你會點做？


1968年，馬丁路德金遇刺後，美國各地爆發嚴重騷亂，華盛頓特區受到嚴重破壞。相比之下，George Floyd示威引發的破壊，暫時算是十分輕微。

面對有國家制度背書的暴力和壓迫，絕大部分有色人種竟然沒有武力反抗，簡直是個奇蹟。美國人應該感恩，絕大部分黑人仍然選擇以和理非對抗制度暴力。同樣的警暴，如果發生在其他時代，其他地方，可能一早引發叛亂，甚至革命。

大家要明白，非暴力不是必然的。非暴力只是反抗的其中一個選項。我的祖先是海地人，你知道海地是西半球唯一一個奴隸成功趕走奴隸主、然後獨立建國的國家嗎？那場革命根本不是非暴力。黑豹不是天生和理非的。


香港人或許不知道18世紀的海地有幾痴線。當時的法屬海地叫Saint Domingue，一個Saint Domingue就佔咗法國接近2/3海外投資，年收入超過全部西班牙美洲殖民地總和。歐洲入口既糖，有40%來自海地。海地革命爆發後，黑人奴隸先打走法國奴隸主，再打走入侵既西班牙同英國，之後俾拿破崙派遠征軍佔領，再同英國聯手打走法軍，前後打足12年。革命後的衰落，就是另一件事了。

面對殺戮和打壓，非暴力甚至是不理性的。你幾乎要盲目相信，歷史長河最終會還你公義，你才能夠繼續非暴力下去。而我不是耶穌，我也不是馬丁路德金。我不是天生就會讓哂左右臉俾你打。

你要參與過一場黑人為主的示威，你才能夠感受非暴力是多麼的赤裸脆弱。當你身處一個和平示威，而群眾突然傳來警察準備開槍的風聲，你才懂得非暴力的真相：你沒有武器，你像個笨蛋在叫口號，而你對面的警察可以開槍殺掉你。



2014年8月Michael Brown槍殺案之後，美國示威者其中一個口號是Hands up don’t shoot。所以一個月後香港雨傘革命，這一幕也觸動過一些美國人。只是香港人最終放棄了和理非的教條主義，走了不一樣的路。

我只去過一次黑人為主的示威：那是2006年Sean Bell槍殺案後在紐約市的示威。我當時就知道自己不適合街頭抗爭：黑人要上街抗議白人暴力，就必須學懂忍耐。忍耐就是一切。誰都可以帶一桶磚去掟死敵人，那是我們生而為人的本能。你要我在可能被殺的情況下繼續非暴力，我做不到。我沒有這種勇氣。

黑人非暴力示威者清楚明白，他們需要白人媒體的報導和關注。但只要有一個黑人行使「暴力」，那些白人媒體就會離你而去。我可以好識寫字，我可以整示威文宣，我可以作歌作詞作到Lin-Manuel Miranda咁撚樣。但只要有兩個黑人手足喺Target偷走部電視，白人媒體就只會報部電視。邊有鏡頭唔鐘意影火？邊有鏡頭唔鐘意暴力？去到一個點，有啲人掟石，係因為只有掟石，先可以獲得白人注意。

媒體關注是暴力的誘因，而憤怒是暴力的源頭。出於自衛本能，暴力是正當而聰明的舉措。

所以我想藉此讚揚那些繼續非暴力的示威者，但我不會和暴力示威者割席。我們全國黑人已經展現了無比的耐性：我們無時無刻活在恐懼、心靈受創；我們可以隨時被警察無故殺死；當我們聚集抗議，同一班警察又可以用武力將我們驅散恐嚇。而絕大部分的我們，竟然沒有握起拳頭，繼續非暴力抗爭。

這個國家，其實每個城市都可以隨時陷入火海。絕大部黑人沒有暴力反抗，不是他們耐性過人。他們還是願意溝通的。他們選擇默默忍受，只是不想變成好像死黑警的那種人。

美國人應該感恩。美國人要記住，非暴力只是黑人其中一個選擇。

後記：
Martin Luther King:
Now what I'm saying is this: I would like for all of us to believe in non-violence, but I'm here to say tonight that if every Negro in the United States turns against non-violence, I'm going to stand up as a lone voice and say, "This is the wrong way!"
https://www.cbsnews.com/news/mlk-a-riot-is-the-language-of-the-unheard/

多謝樓主
要以同理心去了解成件事
正如上年外國人了解香港反送中成件事
同樣道理

兩類文宣其實做畀唔同人睇嘅
講美國警察好過香港警察嗰d圖係想做畀藍絲睇？（我覺得係futile，但大家想做就算啦）
講美國黑人苦難呢d其實係做畀手足/外國人睇，表示我地知發生緊咩事

推

Push

連登仔: 支持政府止暴制亂，打死班暴徒

想做就算啦...其實都管唔著
我諗美國呢期twitter都唔得閒理其他人點睇

香港人對美國既片面理解係「自由民主」（相對中國啦，其實都真既）
但美國人唔係咁睇自己，好多人係覺得broken system（唔一定要同中國比）
呢個弱點係成日比共產勢力針對 （每次都會sell到啲hard core left）
但美國建制為咗逃避問題，又好鐘意推卸責任去對方（每次都會please到啲hard core right）
比如冷戰時期，蘇聯其中一句外宣就係"And you are lynching Negroes"
同期美國FBI又對民權運動做過好多衰野，包括屈係共產黨

同一件事其實係再重演緊
只係中國取代咗蘇聯，Trump取代咗J. Edgar Hoover
Antifa alt-right各自做光譜兩極
一個唔覺意就有理說不清

成日話trump種族歧視 佢做過咩野種族歧視既野？？而且點解d人又唔歸咎作為黑人而民望高既奧巴馬做8年都冇解決呢個問題(警暴/種族歧視)？？

啲黑人自己有無反省過

定佢哋自己都唔care

其實都一過左呢年
全香港黃絲都feel到黑人既感受

仲要佢地頂左咁多年

美國警察係好暴力，因為你有槍，所以一開始就一定要你舉對雙手同埋你要非常合作。
我覺得唔關黑唔黑人事，對任何人都係一樣。

美國以前80-90年代丁而家治安差個陣 有幾撚多華人開餐館係搵命搏 送delivery又比人殺 比人打劫番轉頭

咁多華人枉死ge案件夠冇人平反冇人出聲？

推唔到但照推

我覺得經歷左呢一年既香港人，其實係應該對呢種被打壓既苦痛有更深既連結

因為壞既係制度
先有壞既制度，後有對總統同政客既期望
奧巴馬係攞住「改變」既期望選總統，但其實change唔到（仲有好多盲粉）
Trump就一開始冇諗過背負呢個期望，想美國強大，靠我就得

觸發點唔係Trump自己做咗乜
而係佢represent既政治力量做左乜
因為佢個support base係見到白人種族主義者既成份
而佢唔肯明確割席

所以每次都係啲細節位
先發生咗一件事
比如17年Charlottesville右翼示威，邦聯旗新納粹旗都舉埋出黎
自由派當然期望個總統直線譴責
但Trump一定會加鹽加醋
比如話「雙方都有好人，雙方都有壞人，雙方都有錯」
自由派既角度：大是大非你都顧左右而言他，之係你都係一份子啦？
然後Trump就會You are fake news，我無咁講過，拗到沒完沒了

警暴嗰層唔係總統改到既野
你要落返去州縣市鎮嗰啲level
差異可以好大，但整體上執法同檢控係有種族偏見

如果連8年奧巴馬都改變唔到，其他人又點會改變到？
民主黨本身又唔係咁progressive

執法上有差異
警察對黑人戒心通常會重過白人
唔一定要去到開槍，剩係stop and search頻率都係黑人高啲

黑人天生犯罪率高 咪已經講左
雖然咁樣已經會俾人話歧視, 所以問題得唔到正視
問題就係好多時講一D關於黑人既野就直接俾人扣做歧視

但絕對唔代表警察可以執法有偏差
但問心你自己用警察 你係咪會做到完全對所有人冇偏差
簡單黎講, 捉個瘦仔同大隻仔係執行上已經有絕對有偏差

久又久之, 呢個偏差會變成一D大錯

其實真係好難解決, 不過人地起碼有示威既權利, 唔洗俾人集中營
民主不嬲唔係最理想最完美, 但係最人道

融入生活嘅被無視, 被鄙視
香港政府政策同樣一路都係咁對香港人
Cut 醫療，啲錢送哂去大白象工程、警隊，全民退保無，執紙皮基層唔理

我諗大家可以互相理解個種不忿

根本係一個惡性循環
你D黑人同胞又唔團結
又本啤
白人就僅係憎你
同我地憎蝗蟲一樣咋嘛
你估我地唔知黑人蝗蟲有好人咩
你D同胞唔係呀嘛

即係自由派雙重標準

開國之時已經係黑色奴隸, 白人心底永遠都記得
對白人黑人嚟講都好, 呢個係美國黑人被睇底一線嘅[原罪]
你想黑人反省下點解200年前係奴隸????

黑人天生犯罪率高, 你點定義天生?
非洲啲黑人個個都係犯?
係被迫害係窮啊屌你老母
200年前黑人係奴隸
解放後200年嚟黑人其實都係被白人欺壓
真正問題係, 美國白人黑人之間一直都係唔平等

佢地一種觀點係
奧巴馬係比共和黨拖後腿
所以先搞唔掂 (特別係醫保法案)

另一種就覺得民主黨冇救
黨外先有真進步力量
嗰一支就去咗支持Sanders
(16年聲勢如虹, 20年已經差咗)

兩種都係參與建制，想由上而下改革 (香港應該冇人再信立法會)
諗既做既一定唔徹底
不過美國係兩黨制
你要贏共和黨就一定有人要含
要含就會減低投票意欲
但自由派既政治判斷又的確有好多問題 (對全球化也好, 政治正確也好, 係可以離撚曬地)
16年如是，結果希拉莉輸咗，成班自由派大崩潰
依家佢地除咗反Trump都未有好明確方向

但香港人無計啦
要人幫就唔可以踩太盡

咁點解華人唔出聲？
自己都唔為自己平反 要求人哋主動幫你？