係咪痛風? 求經驗者分享下

早十年前開始每隔一排就會腳腕痛,感覺隻腳好緊
郁少少就好痛,落唔到地
由於無買保險,一路以嚟都只係用下公司醫療卡去睇下醫生
醫生又開下啲止痛葯俾我
食完,1日2日就好返
如是者,我得閒就配定啲葯,痛就食
其實有時睇醫生,個醫生都話叫我去驗下係咪痛風
但自己懶,諗住食葯就算
雖然我有理無理都戒左口,無打邊爐,食海鮮,內臟個啲
但哩排隻腳痛得密左,唔止腳腕,連前腳掌都痛
左手手指公關節又痛
令到我想好好地去check下
究竟我係應該用醫療卡去睇集團式診所再轉去專科?
定係直接去政府門診度睇?

有無經驗分享下?

直接叫醫生轉介睇專科啦，確診左先排公立

完全同意「睇醫生」的建議
BTW 痛風好似先由腳趾公附近痛起
早兩年，我就係咁樣痛法，加上年紀大，終於去睇醫生
需要抽血檢驗確實
抽血個姑娘，樣貌似頗有經驗
邊抽邊搭嘴：唉吔你唔使驗你講果Ｄ癥狀一定係
驗血報告出咗，一大把車埋佢塊面：Negative
後嚟輾轉發現，原來係坐骨神經線扯住，一路影響到落去腳趾公
做咗一輪正骨治療，搞掂咗
結論：去睇醫生搵出真正原因，然後對症下藥

唔該晒樓上2位
有無得再分享下驗既過程,要幾耐,等我有個心理準備?

我果次驗血，等一個禮拜，已經可以返診所睇報告
你有公司醫療卡，可以要求醫生寫紙驗，最多 co-pay

好,今個星期去搞搞佢先

有無巴打試過飲減尿酸茶? 有無用?

確定左係咩問題先飲啦

約左星期5去專科度驗喇

驗咗血證實係尿酸過高引發痛風，你就要以後控制飲食，醫生會講邊D食得邊D唔食得，同埋食嘅份量
當然⋯⋯跟唔跟隨係你自己嘅決定(好似話每餐唔好食多過一粒麻雀咁大嘅肉，你話得唔得)
我試過突然病發，但很定唔關天氣事，當日食嘢又正常，睇醫生問我前幾日食過乜，我話燒鴨，咁咪發作囉

記得食藥只係治標，我食降尿酸藥會肚痾

應該係遺傳
普通身材，飲食正常，唔煙唔酒唔食內臟
一朝起身腳趾痛，以為係扭親，走去睇跌打，點知佢話係痛風
比佢又捽又摙，第二日去睇中醫
睇好多次中醫都無乜用，結果睇西醫
二話不說抽血撿查，打針食藥⋯搞掂

行咗成個月冤枉路

我朋友佢話飲木瓜茶有用
不過原理我都想知點解

今日驗血報告出左嚟
尿酸指數係0.51, ref係0.22 - 0.55
超過0.55先係

繼續留意喎

建議你直接睇專科，我自己本身係違傳，所以15/16歲已經有痛風，之前一直都只係睇西醫食藥打針，但係有一日唸住唔係辦法，就去咗睇專科，個醫生同我講話呢啲唔快啲搞點，以後就有可能生到成身石

本瓜利尿，排走尿酸

要好長期日日飲先有用
不過都係會翻發
痛風係一世跟住你

你食邊隻降尿酸?
舊藥副作用係好大
新藥好似Febuxostat,效果都好好
係價錢好撚貴

可唔可以問吓你哋幾歲就有呢種病？
我一直以為5-60歲人以上先會出現
有冇預防方法？飲食？運動？有冇用架？
我曾經有同事有 但佢50歲
我見到佢痛到做人都冇意思覺得好恐怖

如果你無端端成身關節輪住痛
但活動完 例如行咗幾個鐘會鬆返啲冇咁痛
咁去驗下血係咪類風濕

因為我最初係手碗超痛 跟住試過腳趾公痛
成身關節都可以輪住痛
搵咗成年先搵到原因就係類風濕
希望巴打你唔係啦