更正魔龍係左回
B-157 爆裂創世 B- 售價$89
爆裂創世屬於右回防禦型,係王裝創世既進化版
配上爆裂裝甲令到本身有機會被擊爆既無限鎖系統再加強
可惜既係本身攻擊環無限鎖關係,打同向好易被人削血削得好快
而且爆裂裝甲本身無含金屬,比起上代完美鳳凰既裝甲爭太遠
不太建議入手
B-158 RB19 $69?
RB19今代全部都係Gold Turbo版本
而且可以將App遊戲既大獎閃光天照合體平民版
今次值得入手既有閃光天照既Ds',轟擊奧丁攻擊環
平民版金超Z武神以及復刻版烈火鳳凰
大家有愛都可以抽下
超王系列(個人認為)既Ranking表作參考
超王系統將重量集中於中間叫做底盤既部件
暫時有分一件過既1A/1B及兩件既1S(可配上舊代鐵)增加改造性
B-159 超級太陽神Xc.1A A $94
超級太陽神屬於右回轉攻擊型,係超王三子之一
難得一開始三子已經可以比到A既評價因為一體化底盤唔容易扣血
而且1A底盤只屬於右回轉使用,兩側超大型攻擊刃與攻擊環位置體齊
能夠比到對手強力既一擊,好容易就將對手擊飛
Xc底盤軸端有小小橡膠,側邊亦有識自由回轉既碟令到本體無咁易跌低
加上可以貼盤邊暴走之餘又可以斬中間,算係一個有趣既底盤
所以成隻原裝已經好好打,建議入手試下
B-160 王者炎陽神Zn.1B B- $94
王者炎陽神屬於左回轉平衡型,首次三子份面已有左回轉
評價只有B-原因係攻擊環雖然似當年廚機蠑螈五爪
但係爪位置太高,比較難以逆回轉吸收對手
1B底盤能夠雙向攻擊環使用,配上炎陽神能夠轉五爪攻擊型/十爪防禦型
算係叫做可以切換模式,不過有昔日廚機蠑螈令到炎陽神被比下去
感覺暫時難以改造,算係一隻職人機?
Zn底盤用Xc相約,側邊亦有識自由回轉既碟,不過軸端就係尖腳
大家有興趣就可以入手
B-161 翱翔末日Wh.R 1S B+ $94
翱翔末日屬於右回轉持久型,攻擊環今次有三隻持久翼
對戰時展開增強離心力增加持久力,而且攻擊環又較圓唔算太容易被削血
1S係左右轉都能夠裝到既兩件底盤,配上暫時最重既Wh鐵(可裝上舊代使用)
R底唔講了,出左老撚咁多次
不過聽聞兩件底盤既設計會有個體差,有D可能會比較緊
細佬會用白色版末日,到時會係RB20比你抽返黎合體
B-163 勇者武神Ev' 2A S $94
勇者武神屬於右回轉攻擊型,武神既第七代版本終於比到S級評價!
因為攻擊環有橡膠部份增強攻擊力之外
2A底盤亦都係三隻橡膠大翼,180度反轉裝亦有官方無提及既三枚及六枚刃
能夠一擊必殺及以連打攻擊,攻擊力隨時比太陽神更高
Ev'係超Z武神出過,今次Dash化登場
當玩既次數愈多,橡膠磨蝕得愈多就跑得愈快
絕對係一隻超攻擊型陀螺,值得入手
B-164 詛咒撒旦Hr.Un 1D B+ RB20 $79
詛咒撒旦屬於右回轉防禦型,神代之後跳左兩代係超王出現返
特點係攻擊環有五粒小滾輪抵消對手攻擊(講係咁講)
Hr鐵係阿修羅果陣已經出現過,其中部份能自由回轉又抵消對手攻擊
Un底係新軸心,中間個兜以及菇形底盤都能自由回轉
不過可惜尾速比較一般,比較雞肋
1D係首次出現既防禦型兩件頭既底盤,設計比較內重心
不過比起1S輕5g左右,所以未必會常用
B-167 幻象魔龍.Nt 2S A $94
幻象魔龍屬於左回轉持久型,繼Z代之後費利終於回歸!
標誌性三翼之外而且今次攻擊環成隻都有比以前硬小小既橡膠包圍住
能夠逆向吸收之餘打同向都無咁易被削血
2S為持久型底盤,外形比較似三角形及較薄
不過就比1B底盤直徑闊小小,增強離心力(好似係)
而且今次將攻擊環180度反轉裝就可以變成三翼(吸收強化)
或者六翼(反擊強化)對付左回轉既對手!
Nt底唔介紹了,冇乜用
都幾推薦比新入坑巴打玩,鍾意費利既巴打更加不容錯過!
只作參考,畢竟大家對每隻陀螺改裝同玩法都唔同