又有一班小朋友嚟到哩個人生交叉點
你地係jupas 嘅選擇 分分鐘影響你地成世
由於今年無oday (講真oday 唔會拎到最準嘅答案)
就等我好好答你地嘅問題
等你地諗清諗楚先入嚟
咁香港就有三間u 開中醫課程啦
係講三間u 嘅分別之前
你一定要明白中醫係一科高付出低回報嘅科
哩科好chur 你要讀嘅中醫嘢已經夠多
而你亦要讀唔少西醫嘢
好多時郁唔郁就一科已經成千頁ppt 大部分都係字
你仲要試下背晒佢
而你應該凈係得yr1 Sem 1係honey moon period
之後sem 2已經有科幾多嘢讀嘅中診
而你yr2 開始直頭係多嘢讀到癲
而你grad 咗之後仲要考執業試
好撚辛苦咁捱過之後拎咗嗰牌 你會有3年一定有HA去請你 等你有工開
三年之後就........ 祝你好運
中醫嘅market 競爭好大
而社會對中醫嘅需求唔係咁大
但喺每年都好多個人考到牌 令個市場都幾飽和
私人機構/社福機構又唔請唔到咁多人 待遇有差
自己開診又未必有生意
所以唔係真係極有興趣嘅話 真心唔好入嚟
你夠分讀中醫 仲要係cu 中醫嘅話 你實夠分讀三寶
咁樣分分鐘你嘅前途仲有保障
你係香港讀嘅係全科中醫 即喺咩科都會讀過下咁
cu就係收分最高 收嘅人數最少
而cu嘅focus 會比較放咗係古文經典度
prof 亦好熱心 亦好肯教(多數都係啦....不過點都有唔少騎呢prof 的)
師生關係都幾好 tutor都好多 比你問到明為止
而你係cu讀果六年入面 其實西醫嘅科都讀唔少
而哩啲你係yr 2開始嘅physi anat 西診就會體會到
而cu 考執業試合格嘅人都好多
有興趣又夠分嘅話不妨考慮下
Bu 嘅中醫學位係讀埋biomed 的
聽啲人講都好chur 好多嘢讀
而佢地嘅師資都唔差的
不過bu 收嘅人都幾多下
亦收得無咁高分
而bu 同業界嘅關係都幾好
亦因為你有埋biomed 哩個學位
你搵postgrad都相對上易的
所以bu 都係幾值得考慮嘅
而hku就.....
佢地嘅課程做得唔好.....
啲嘢都好騎呢
亦唔係全部人讀完真係有信心考執業試
所以唔多建議
有咩問題就問啦
答到就答 自爆唔答
希望唔好再有啲人咩都唔知咁入咗嚟
