蠶豆症患者

岩岩做爸爸，岩岩見到小朋友唔多幾日，醫生就同我講佢有蠶豆症。我知唔係好大件事，我知處理得好可能呢世都可以健康成長，我知，我知，我智識上既野都知。養兒方知父母恩。但係我就好驚好擔心好怕，眼淚停唔到。如果再有再多既野黎，我真係驚我頂唔住。

我都有蠶豆症，從來都冇病發過。

利申：19歲 肥肥白白

恭喜你做爸爸先
蠶豆症唔駛太擔心吧
反而擔心下一代點樣係咁既香港成長好過

一樣 就黎3張野

有G6PD 完全冇病發過 臭丸照聞 豆瓣醬照食

我係護士，可以好負責地話你知，極小事，只係多左少少野注意，唔死得人。

相反隱性地中海貧血少人知自己有冇，但仲影響健康。

小心啲就冇事
本人G6PD三十幾歲，未死
利申： 乜都照食，極唔小心

多謝，我知道有左個時，我都諗係呢個亂世，小朋友可能好難生存，但係，要有，始終都會有，亂世都會有。

多謝，我理性上面知道呢個病症可能係好小事，我理性上面，智識上面我係知。但係我情感未控制到。我好擔心，我好怕，我唔開心。所以今晚，雖然呢幾日都訓得好小，但係我都訓唔著。

G6PD其實好小事，我覺得我啲friend有濕疹/其他敏感仲慘過我十倍

由細到大我老母都同我講樟腦 (好多通鼻藥膏唔搽得)，金銀花，阿士匹靈，薄荷同蠶豆唔食得，一食就會溶血暈底

但係大個之後我試過飲有金銀花嘅涼茶之後咩事都冇，所以到依家我夏天都間唔時照飲有金銀花嘅嘢。其實我諗G6PD未去到一掂到嗰啲嘢就出事。你可以理解做有G6PD嘅人啲紅血球掂到啲好勁嘅chemical會容易啲瓜，不過除非大量接觸，唔係嘅話人體咁多紅血球仲會定期再生，有少少溶血反應係咩事都冇。

不過係小朋友始終要小心啲，同埋記得要由到大教返小朋友睇醫生要講有G6PD

唔洗擔心，食得好瞓得好
個人又健康又開心

有G6PD又有隱性地中海貧血

我都好希望我個小朋友可以好似上面巴打咁，食完飲完d“敏感“野無事，但係今日第一日知，個人未諗得通。

由細到大都唔知唔食得金銀花同薄荷

我會係度諗，咁細個人仔，受得d咩，有咩不如落黎我度啦。

我睇網上，好似好多野都要小心。不過我都知，呢個症係好多人有，唔死得人。但係岩岩為人父母，我係會擔心過頭。

冇需要怪責自己嫁巴打
我到大個先知自己有蠶豆症，由細到大都冇理過，淨係多咗個意識係睇醫生同醫生講有g6pd

我媽到今時今日都仲勸緊我(其實我覺得佢係同巴打你一樣，有種覺得負咗個仔嘅感覺)唔駛咁緊張，食少少冇問題，但係我嘅生活一早慣咗冇呢啲嘢。

其實生活嚟講，真係完全冇影響。
中藥我本身好少食，醫生都少睇
樟腦果啲化學嘢居多，我又好少用
蠶豆係去酒樓先會見到有
基本上對我唔會有任何影響

放心啦巴打，小弟行年27，一直冇病冇痛，一年先睇一次醫生，行得走得打得擋得

有無食過蠶豆？

我都有G6PD 其實生活上冇乜問題
只要唔食蠶豆 唔聞臭丸 咩事都冇

有次去朋友屋企坐 佢呀爺開個衣櫃 好大浸臭丸味
聞咗5分鐘 成個人好暈 好頭痛 不過巴打你唔洗擔心
你小朋友一定會肥肥白白咁成長 蠶豆症 好少事
注意有啲食物唔食得 唔聞得 我認為對生活冇咩影響
要睇醫生個陣記得同醫生講小朋友有G6PD
加油

養兒一百 長憂九十九

下 豆瓣醬都唔食得？我成日食
其實病發嗰時啲血係咪會變藍色

多謝咁多位巴打，我只係一時未諗通，老實講，我無怪任何人，任何野，要中，就會中，只係今日收到消息，所以會諗多左。

多謝上面咁多位巴打，真心多謝但係唔好意思我唔一一回覆啦。