元朗上車盤討論區3

分享係第二到見到既前尚悅業主分享：


我係前尚悅業主, 現溱柏業主, 好有資格做比較


尚悅2013年頭1手買入細兩房 446尺, 440萬左右, $10000/尺

收樓時已經灰到爆, 樑位頂住哂做櫃, 門同同框都唔知佢邊樣唔直總之開門關門都要用力則佢, 個微波爐升降架好多人都同我樣會成部跌落地, 細房裝床都唔夠位放床頭板, 住唔夠半年浴室對開牆身已經起泡地板發黑, 冷氣半年多就開始唔聽話, 雪櫃唔凍... 好多單位工作平台都塞住部冷氣

倒垃圾係用小學時果D操場果D人手吸蓋既大垃圾筒, 好多人都係放地下或蓋上面, 屋苑話有狗公園但其實周地都係狗屎, 地面都要黎泊車攪到內園都好嘈, 望出窗口都覺得垃垃亂唔得整齊, 都唔好講咩牆身薄到隔籬講乜都聽到, 淨係空心磚師傅話掛電視都要小心就知仆街, 仲有新聞話浴屏自動爆破整到人, 大年初一都火警, 幾鑊被破獲製毒工場, 鄰居質素真心無得頂, 村巴行條木人巷一樣既鳳翔路, 鬼咁多車硬CUT入黎, 望到西鐵都去唔到, 落車上西鐵站條橋都唔係近, 等車返苑仲係烈日當空....


住尚悅住左一年左右已經搬走, 屋企女人屌哂鬼話我好揀唔揀, 2013年440萬買10000/尺, 2016過SSD年賣470萬10600/尺, 升係升咗但呢3年升6%仲唔係連唐樓都不如咩? 30萬扣去佣同厘印同極簡單裝修, 其實無賺過, 租出去前都仲要執… 唔止住果時頭痕, 連租出後租客係咁嘈我冷氣唔掂呢樣果樣, 我挨咗好耐先挨到3年連約甩身, 終於遠離到呢陣怨念, 我發覺住呢真係令人好負面, 住都住得唔開心

女人用佢名響2014年1手現樓買入溱柏大兩房598尺, 約510萬, 實尺598, 尺價8500比尚悅平得多, 但現銀行估價已經716萬, 升200萬了.

住溱柏後, 屋企內裡質素就真係唔止升咗兩個層次, 尤其個廚房用得好開心, 之前尚悅唔敢用既微波爐upgrade去咗miele微波焗爐同電磁爐, 仲多咗位放洗碗碟機, 冷氣係東芝變貧幾乎一開就涼, 都係果種木地板但浴室無滲溜整到發霉, 向南山景一望無際, 樓下有超巿有便利店有餐廳酒樓, 細房放張奶奶床同BB床, 女人帶細路去圖書館公園又近, 兩個女人同都再無投訴, 真正樂得清淨

設施上溱柏個泳池好細,狗屎狗尿都係周地都有架勒, 但都乾淨過尚悅. 屋苑地面無要黎做停車場, 綠化感更好. 邨巴去朗屏都係塞車, 但好似話會改站. 十八鄉路出口政府話2020年完工, 議員話仲有機會提早. 搭車返工晨早有268C 968特別班, 去到尚悅幾乎鐵定無位坐. 尚悅搭車淨係得搭去元朗站, 完全無車入元朗巿中心, 溱柏邨巴都可去巿中心巴士總站落, 轉巴士都實有位坐. 尚悅被CUT中午邨巴後叫天不應叫地不聞但溱柏仲有紅VAN坐, 溱柏行出宜豐食飯同尚悅行出雞地差唔多, 但溱柏行到教育路仲近過尚悅. 而且溱柏收樓到而家都無加過管理費, 大坑渠17億天橋同元朗南發展都係利好溱柏多D

要數溱柏比尚悅差只有: 門口塞車問題真係唔及尚悅, 泳池細, 步行去朗屏站的確比尚悅去元朗站耐少少,但對我來講元朗站D鋪頭真係唔啱我, 反而大坑渠兩邊多好多嘢食, 呢D 新出口同17億天橋都可改善"

好奇一問，溱泊會唔會聞到臭味？

之前坐van入過公庵路d村聞到臭

可以等朗城入伙再問d業主
臭渠 行過都頂唔順好臭
用中國建設既朗城又可以挑戰尚悅係元朗質量最差既地位

映御 點睇？

好多蚊 好似係

溱柏交通係咪收皮

見300尺 4球中有

朝朝揸車經過

只能講生不如死

踩單車

睇上文抽插尚悅篇文,製毒工場係尚城唔係尚悅喎

塞車?

唔怪得咁多 賣盤賣得咁平

呢輪學生復課後，等加坐村巴去朗屏站要預30分鐘。

只能寄望9月新路通車後可以快到5-10分鐘

點買得落手 會唔會有改善 同埋夜晚12打後係咪得的士或者太早

其實行去朗屏都係 20分鐘內，後生仔行多d

溱柏果邊日日塞車 cls

諗起都sad 日日咁行

我以前住馬田去朗屏都係搭的士

由溱柏真係不了

溱柏塞18鄉路?

公庵路同十八鄉路果度

交通燈越幫越忙

仲有一個位係體育路，朝早好多學生過斑馬綫同多車泊街，好多人都無講

短期內都唔會啦，要去朗屏站始終都要穿過市中心，除非村巴改線或者等公庵路擴建上元朗公路啦。

不過坦白講，佢咁既質素賣咁既價錢。無可能無缺點啦。我接受既