最近閱讀一啲小粉紅嘅文。好多人笑鳩，覺得佢地無腦。試吓睇睇啲高級小粉紅，一啲都唔好笑。
偉人係天才，通天大盜亦是天才（不過普遍對「天才」正面地stereotype）。分別在於一開始被灌輸嘅價值觀，小時偷針，大時有能力偷金（當然，不是非黑即白，有奸險嘅偉人，亦有善心嘅大盜）。 -
如圖，有文有路，知書之人。但問題出自information bias: 相信自己國家公開透明、相信有執行問責制。由國內嘅資訊作為所有論點嘅前設，再用正規邏輯去推演，十分恐怖，係永遠都不會夠拗的。
洗腦還洗腦，笑還笑。每日熟讀習語錄嘅同時，學生們都係學緊正規正矩嘅數學、物理、生物、電腦科學（尤其數理科，與洗腦可以扯不上什麼關係）。絕對擁有接管世界嘅能力（STEM同科技越來越受重視）。要manufacture一班被洗腦嘅天才根本沒有難度。
他朝天才們發現自己嘅智商只係政治工具。好似二戰時嘅Oppenheimer：成功研究核彈嘅物理天才，最後用核彈摧毀廣島，十多萬人嘅血沾滿喺自己一生嘅研究之中。然後醒覺自己被政治利用，對世界說出 "I am become death, the destroyer of worlds" 一句。
智商不代表什麼，高智商亦有愚笨之輩。智商一詞太行狹隘。最聰明的，是背後操縱之人。
