哩隻game好完美咁素造左丹娜哩個女神角色出黎
只要能力上做到，就要盡力去做
遊戲一路玩落去
由佢係候選人玩到當選巫女
見佢連執鎖鑰同搵細路哩啲小工作都會幫手
雖然我唔信佛
但我就係覺得佢好有菩薩果種普渡眾生既感覺
中間打海怪果段，未打贏隻海怪我已經諗緊咁丹娜點
點知班陷家剷真係打贏就自己happy開party
仲話雖然好想幫但始終要離開哩度最緊要
咁係咪由得丹娜去死
由佢族人比人消滅都唔理
最記得打完海怪主角係可以揀對白
其中一句係「我要掉低你囉」
Feel到真係好hurt但我都好抵死咁揀左黎睇
一路打到尾
知佢抱住一早知sad end既感覺去打最大boss
玩犧牲既遊戲結局我玩得多
但不得不提伊蘇8既配樂係加強左個感覺好多好多
最重要係兩首
第一首係個main theme旋律（遊戲主選單果段）
第二首係丹娜個theme（可以睇返佢封印自己果段既音樂就係）
最終boss既地圖同boss戰就係用左哩兩首
每次一奏起哩兩段就知道唔係好事發生
好似想講丹娜要準備犧牲自己啦
會令到玩家有種感覺
我係咪仲要玩落去
我唔想佢犧牲
最後結局好多人話係sad end
但我覺得其實係good end黎
其實丹娜隨時隨地都可以睇住主角群點生活
同埋佢個老友會一直陪住佢
唔知係做神既限制定點佢可能冇得同主角佢地再顯靈（事實上冇講到話唔可以再向佢地顯靈，好似硬塞左段要佢地講再見既情節）
最後想講，小弟玩果時係代入丹娜黎玩
因為盡力想幫人既個性自己都好明
但小弟係垃圾幫唔到人啲乜
好想學佢犧牲左自己去救個世界
明既會明
但現實世界係唔會發生哩啲事
因為我地每個人做到既野都好少好少
但我地有冇能力阻止我地既下一代都進入悲劇呢
