1. 全面撤回《港版國安法》
2. 撤回「暴動」定性（包含612）
3. 撤銷所有反送中示威者控罪
4. 成立獨立調查委員會，徹底追究警隊濫權情況
5. 立即實行「真雙普選」
上年四至五月，好多人都做咗好多嘢去動員身邊嘅人反修例，前期做咗好多工作，先會動員第一次100萬人出嚟。因為國安法出得都突然，加上當日各區一定重狗，喺而家嘅紛圍下，當日難以重現百萬人，更遑論人多的勇武抗爭。
如要配合勇武街頭抗爭，我們先要在此條例上證明「是你教我和平遊行是沒有用的」。第一步，遊行要搞得成/聚到一百萬人，而家每個人除咗share ig story/ facebook post，我哋應該盡快諗一個同「五大訴求，缺一不可」咁好記嘅標語。我嘅建議係直接用返「反送中」，因為而家比起當時逃犯條例，融合中國一國一制係有過之而無不及，再唔係就咁直接「反國安法」，或者用「新五大訴求」。
過去咁撚多個月，港共都無回應過其他訴求，所以我哋先會繼續街頭抗爭。但我哋已經有好多個月無show hand，無畀對家睇到底我哋呢邊有幾大民意支持度。單看呢條條例，可以先用反對國安法的人數做箭，視乎中國反應，同埋做畀外國人睇。引到中國屌鳩我哋嘅和平遊行，證明和平佢哋真係唔撚聽，再落就係升級嘅勇武抗爭。
不過當務之急，手足可以做咗呢啲嘢先：
1. 成立關注組，擺街站
2. 學界、工會、民陣等搞行動
3. 不同身分（如法律界、記者、教師）搞聯署
4. 反國安法網上challenge/ 表態
5. 參與網上聯署、做民記嘅問卷調查
5. 文宣做懶人包，解釋國安法會帶嚟咩影響
例子如下：
以上是拋磚，仲諗緊可以做啲咩，手足有諗頭可以提出，求集思廣益。
利申，五月廿四我會出嚟，但不寄望會有一百萬，因為24號主題定得太急，同埋未同大眾解釋到國安法點樣破壞我哋嘅生活。可能你又會覺得，啲人要覺醒都覺醒咗啦，但係「政治的工作不只是要令支持自己的人繼續支持自己，而更是要令不支持自己的人轉為支持自己。」 咁我哋先可以聚到更多嘅人。
