老豆突然身亡，留低一大筆卡數，點算好？

因為死撚咗追死人數係犯法掛

卡數一間最多咪幾萬
銀行會唔會為幾萬犯法呀聰明

咁香港破產都追得啦

即係如果唔涉及財仔既
如果遺產大過欠債去拎完 要找晒條數
如果欠債多過遺產唔申請去拎就追你唔到？

正確程序係先找數後拎遺產。

當然調轉係可以發生，但如果計過條負數多過遺產，應該只需要你嘔返遺產出黎，唔會掂到私伙錢。

咁真係要計一計 佢十幾張卡 琴日找左成萬
仲要冇錢我自己拎錢交
如果計完數欠債多過資產係咪就咁比死亡證停左户口就得冇手尾
唔該晒巴打解答
依家完全唔知點處理

要先人破產既程序我就真係（好彩）冇處理過，但理論上破產係各債主圍埋一齊傾，所以有機會有得void個繳款。如果程序上應該仲有野搞，但理論上同你自己荷包唔會再有手尾。

你係執行人？

其實係琴日突然走左 咩都冇交帶落
淨係知有2張卡數琴日到期要交 去交果陣發現佢仲有下期成萬幾 琴日其中一張卡都已經要自己比五千出嚟找 佢10幾張卡唔知仲有幾多
如果佢其他淨低既唔夠交 真係唔想揹
再次唔該晒

唔好找得咁爽手啦，快快手手點算完資產，決定幫唔幫你老豆破產啦

https://www.hklii.hk/chi//hk/legis/ord/6/s112-20140410.html

就咁睇過幾條數應該都唔夠冚
即係拎左死亡證再同法庭銀行講？
好多立雜野睇到好頭痛

Yes, 無論點都先拎左死亡證, 呢張野最重要

Cap 6 Section 112 (6) 有提到喪葬費優先, 如果你會行喪禮就最好申請做遺產管理人(優先次序: 配偶 -> 子女 -> 父親及／或母親 -> 兄弟姊妹). https://www.judiciary.hk/zh/court_services_facilities/probate.html#9 第九部分有提及要做D咩.

最緊要係填 https://www.judiciary.hk/doc/zh/court_services_facilities/forms/formn4_1.doc 交上去, 盡你能力就得, 有錯之後可以amend, 有盡力唔隱瞞就唔會有法律責任.

仲可以用户口錢優先喪葬費？
今日啱啱處理好出殯既野
拎左死亡證去遺產承辦處到申請為處理人先再搵銀行查資產
定係同時申請處理人同銀行查資產
如果夠找就找然後拎淨低既 唔夠找再申請破產？
大概流程係咪咁
因為走得太突然 咩都冇交帶落 所以有d咩留低都唔知
張n41除咗現金填到之外 咩都唔知
btw真係好多謝巴打你不斷解答我 除咗講多謝唔知可以點多謝你

如果我冇記錯，加上睇條文，應該係咁樣：

1. 攞死亡證比銀行，銀行會凍結acc，所有其他人（包括同一銀行的信用卡公司）均不得私自動用

2. 應該有個步驟要叫法庭你做遺產處理人

3. 然後用遺產處理人既身份叫銀行匯報先人係銀行有既財產

（當年我係搵律師，律師有封信同個銀行mail list 一次過叫曬咁多間銀行匯報返先人係銀行有既所有財產，唔使要銀行 acc no，有身份證號碼、先人姓名、由遺產處理人申請就得）

3. 然後將銀行既report填曬落張form，應該就可以正式叫法庭判先人破產，就會由破產處接管

4. 然後你問返破產處要殮葬費就得，其餘應該全部唔關你事

不過真係未見過呢種case，所以我都唔肯定殮葬費要點claim，如果你手頭緊既最好都打個電話問定破產處

唔緊既 果到本身預左洗
係唔想無喇喇再揹幾筆數 今日又收到statement交卡數
可唔可以講埋邊個律師同洗幾多
唔該晒巴打 真係好撚感激你

你可以睇下啲黃律師有冇邊個岩又得閒幫你搞

好 可能搞唔掂再搵睇睇
再次多謝晒你 好多謝你咁晒時間幫我

唔驚，知道呢個時候尤其是你咁突然既case一定好徬徨，都想盡量幫下手

唔該晒 連登有愛
淨低既我拎埋死亡證再搞 睇下要點
我以後會好似你咁 希望幫到有需要既人

睇黎自己應該搞唔掂 d資產太亂 要搵律師
問左區議員又話冇轉介 何況佢話知道既黃都忙緊 叫我上網搵個算
所以想問下當時律師大概洗左幾多 可能google查冊搵個搞掂算

呢個要你貨比三家，果陣律師收左我總資產1%...

巴打一定好有錢下
我依家發現呀媽有玩好多傳銷/投資呢 好似有10幾萬 但唔知點 洗唔洗報
頭都大埋 決定比錢律師做算 個case自己搞唔掂
可能google有咩就揀 不過好似係葉謝鄧
d人話黃

有咩都報，我唸有錯最多都係去遺產庭行多幾轉，唔會有咩問題

不過你決定搵律師都真係最好先問定收幾錢

最慘係呢d傳銷 我拎唔拎得返都成問題
都係咁所以先要搵律師
律師呢個我都係係google搵到既問一問
發覺遺產承辦處個電話好廢 錄音答問題
上網又話有律師list又應該要去到先有單張睇

Lm

巴打 如果層樓係聯名又在過身前提走晒d錢
係未就咁通知卡數公司俾張死亡證佢就一蚊都唔駛還？