泰讚了-泰式奶茶 都幾正宗 不過半糖都係糖咗啲 甜度應該要調整返香港人口味
茶芝味 - 芝士奶蓋系列幾正 但400次阿華田味道仲淡過一般阿華田 只係用咗牛奶既分別 唔該落返多啲阿華田
不過都係唔推薦30幾蚊買杯阿華田 
菓屋 - 唔錯 真係用生果榨汁 香印提子茶幾好飲 飲到提子皮同果肉
食物
慧食貓 - 手抓餅非常好味 每份都即叫即整 但只有老細一個人 多人買要等比較耐 有女手足食完想買多份 老細：每日剩係比食一份 唔比食兩份 唔比佢買
真。章魚無雙 - 價錢比較貴 但絕對係一分錢一分貨 香港食過最好食之一 口感偏軟糯 連入面大大粒既章魚都係軟架 唔會un 鍾意食脆皮小丸子可能唔岩你 但我就覺得好好食 香港好少食到咁足料既章魚燒
Ps:兩色蟹籽食唔出有咩分別
一旦 - 五重芝士雞蛋仔 店面雖然無文宣 但ig非常黃 可能因為咁 黃店黎講比較少人幫襯 幾高質既雞蛋仔 外脆內軟仲有啲似蛋糕
潮食閣 - 小食拼盤 份量超級多 非常抵食 店員拎比我個陣見到咁大兜真係呆住 事關我已經食到幾飽下
熱辣辣炸物配沙律醬
無敵 題外話，就係佢揭穿熊茶係黑店，同埋佢仲租埋廣告位比大家貼文宣同連儂牆 黃到金 睇佢fb就知佢生意都受到唔小影響 希望大家去葵廣記得支持下佢
味之樂 - 普通滷味 但比其他同類店乾淨 食得安心又放心
仲有啲撈麵之類
呦呦鹿鳴布丁燒 - 幼幼布丁燒
幾好食 同女人去一定要帶佢食 
合興隆 - 少有賣呢啲食物既黃店 所以去咗睇下 有得試食 買咗少少花生糖 我見佢仲有賣啲幾平既日本酒精搓手液 想買可以去睇下
其實仲有啲想食既黃店未試晒 但真係太飽了
另外提提大家盡量幫襯下啲無人排隊既黃店 唔好去晒同一間
同埋大家驚人多既話 可以平日去
唔算多人 買野食最多都係等幾張單就有
唔好再排啦
次次經過都一堆後生排晒隊
