琴日去咗mabelle拆耳釘

三個月前去咗mabelle免費穿耳
琴日去拆耳釘之前叫咗家姐幫我睇下拆唔拆到
拆到嘅話就唔使特登走落去
但家姐話拆唔到 所以走咗去mabelle
入去我就同職員講想拆耳釘
佢問我有無帶耳環
因為對上個次檢查佢無同我講要帶啲咩耳環 所以就帶咗對吊落嚟嘅耳環
我show俾佢睇 佢即刻碌大隻眼望住我 呆咗幾秒
然後勁大聲咁 ’吓’
同我講話唔可以帶呢啲
講咗一大輪就叫我去睇佢哋嘅耳環 但無一對睇得上眼 佢就話如果而家係到買耳環就即刻幫我拆咗粒釘
我以為得佢哋先幫我拆到粒釘 （原來唔係 只係個釘太實 我家姐無出力拔）我揀咗一對睇得上眼嘅
之後個職員又sale我話買兩對有八折 買多對送俾媽咪當母親節禮物都好 但我心諗母親節一早過咗 同埋佢一定唔鍾意呢啲款
我話唔使 佢都繼續叫我睇其他款 我再講多次唔使 佢就問我係唔係學生所以無咩錢 個語氣似係串緊我無錢咁
而家好後悔用咗幾百蚊買對自己唔鍾意嘅耳環 明明呢個價錢可以買多兩三對自己睇中咗嘅耳環

最後個職員同我講瞓覺都要戴住耳環 但係耳環唔同粒釘 瞓覺戴好un耳 想問釘完耳窿之後隔幾耐先除耳環睡覺 唔想埋咗口又再釘過

閱

最好要三個月先除住瞓 要等個傷口完全埋曬先

我釘左十幾年 唔帶一排個洞都會慢慢生埋
你唔想訓教un住又唔想埋左個耳窿可以考慮下帶透明耳針

睇咁撚耐 得最後十隻字係重點

收到，想問係唔係一定要過咗一年先可以戴吊嘅耳環

帶耳針 好平 旺中幾蚊有1包

穿兩支耳針慢慢擴大佢
到時你吊個手扣係耳都仲得

我都係係mabelle釘，一開頭我都同你一樣肉痛買咗佢哋啲肉酸耳環不過依家無後悔到，因為真係無咁易敏感，你依段乖乖地時間帶多幾個月先啦

唔係啦 你換得其他耳環就咩耳環都戴得啦

中學個陣個個都係釘一個星期左右換耳針
安全d一個月都夠啦

原來唔係得我一個覺得佢哋嘅耳環唔靚

好記得我拆釘果日企係到揀咗好耐
我耳仔好易敏感，拆完帶左佢哋對耳環一個月到諗住可以換靚靚耳環 點知半日到就又紅又腫，耳針都係咁嚇死我，如果你都易敏感既話，係街見到就算寫係防敏耳環都要小心啲

第一次釘嘅款一定係柒，頭幾個月忍一忍有乜所謂
你即刻轉帶埋d didi Dom dom又唔知咩耳環，一陣發晒炎 流晒燶 你後悔都無用。
帶穩咗 2.3 個月，等個耳lon適應咗，往後十幾廿年話知你帶耳鏈耳鎖咩

唔知我個人問題定咩喺佢哋到釘完
兩個耳窿都起肉粒 經常發炎狀態
最後頂唔順自己除咗，唔使一日就埋咗口
嗰陣都已經釘咗幾個月

我九個月就戴緊吊嘅 但大前提係我三個月嘅時候一除
跟住埋埋地口 嚇到我長期用耳針 半年後先可以自己用到吊嘅耳環

我之前穿左耳骨
第五日發炎已經即刻自己拆出黎換耳針
換左耳針之後個傷口就好快好番
根本唔洗一個月已經隨便換其他耳環
所以好推薦換左耳針先

細個讀書釘完一日就折
之後入耳針痛到hihi