數碼暴龍Last Evolution 絆 - 可能係唯一唔係俾小朋友睇既數碼暴龍

睇住亞古獸同加布獸消失，喊嘅唔止係同太一/大和離別，
仲有我哋呢班觀眾，同太一一齊長大，一樣內心充滿迷惘
可能對前途冇明確目標，而不知不覺光陰已經過咗廿幾三十年
細個睇數碼暴龍時仲係小學生，但呢一刻已經就快三十歲人
每日為口奔馳，流嘅眼淚係感慨逝去嘅青春，
感慨未有實現嘅夢想，
感慨生命中多少少嘅遺憾，
亞古獸就好似我地嘅青春，一去不返

上年係復仇者聯盟
今年係數碼暴龍
又會上得咁岩

仲以為係潮文一直等緊最後個反轉 點知睇哂都冇

tri中過伏 好垃圾

睇完覺得亞古獸係自己老母嘅縮影。
細個個時，有咩事佢都會挺身而出去保護你。
到大個仔嘅時候，我地有好多野會忙，例如工作、朋友、另一伴。往往忽略左你身邊最重要嘅亞古獸。
到你再大d嘅時候，你先發現剩返底見到亞古獸嘅時間唔多，你先會珍惜相處嘅時間。
亞古獸！

一聽到主題曲己經起雞皮

細個01都唔係集集追淨係睇左頭幾集同ending，02甚至冇睇過，最多買暴龍機玩下，最後都忍唔住喊濕口罩仲差少少忍唔信住喊出聲。
雖然套戲好多位對於完全唔知咩係數碼暴龍既人會好迷惑，但套野真係寫得好，只要你成長時經歷過迷惘就會鐘意呢套。

二四下話?
我記得一三五好似係百變小櫻

BB仔階段同堂哥一齊睇01，最深印象係個陣既惡魔獸，嚇到變左童年陰影，好一段時間都唔敢自己一個人，同埋好記得個陣堂哥貼滿牆都係01，第一次對01既印象係咁多，而真正屬於我童年既係04，記得每個星期日9點都爬起身睇。而差唔多時間 電視又重播返01 ，終於係我有意識咁去睇套野，連01都變埋真 童年回憶，之後一直都好鐘意數碼暴龍，但唔知點解自己同年紀既朋友都冇乜點睇過，去到05 終於有錢買暴龍機玩，然後沒有然後。到左佢話出tri個陣 勁興奮 童年回憶返黎啦，點知屎黎，到左今次最終回，的確係好唔捨得。套戲節奏太快，回味緊句對白個陣下一秒已經講緊劇情，冇時間比觀眾慢慢細味，睇完個陣覺得做乜要完得咁急 同埋唔知係咪因為知佢地一定會相遇 接住02結局，所以其實睇完都仲充滿希望，求下你之後做返好數碼暴龍個ip 啦

利申98

你98
身邊既人緊係冇睇過01啦
香港播果時你先得兩歲

就算之後有重播(完全唔知有咁既事)
個熱潮都已經唔係果回事

今日睇完個心up住up住咁
到而家都抽離唔到
有無人都係咁

我指緊身邊既人連04都冇睇過，個陣都唔知自己係咪唔同次元，完全冇人可以傾
同埋我諗返起我第二次睇01個陣唔係TVB睇，所以冇重播過都唔奇

朝早睇04其實都係重播嚟01重播我記得係晏晝3點9果時段

01結局真係經典中既經典
其實如果完場前來多次Butter-fly 01結局版
應該會好多人頂唔順

返到去喊左兩次

睇之前有無話最好睇過邊啲先 會唔會有啲位無睇過會唔明

好耐未係戲院喊過
細個入去睇我們的戰爭
時間過得真係快

04重播依樣真係唔知, 咁數碼暴龍都出得好密下

岩岩今年大學畢業，太一同大和經歷緊既野就係自己都經歷緊既野，代入感好重，同埋呢套野真係捉到班fans想要啲咩，特別係果班出緊/出左社會既80同90後

Sell情懷sell得好成功，好多位都睇到毛管戙，一開波打鸚鵡獸，吹bb果下，亞古獸話太一大個仔果下真係
當然仲有tri果條八婆同埋隻閪貓

我自己解讀套戲，覺得係想叫一班fans接受過去，帶住過去成長既回憶繼續向前，可能會有好多迷惘既時候，但唔好忘記自己當初一路係點走過

睇完戲，又係時候要準備見工既事

我係90頭既人 fg出黎做野都好幾年
到自己愈來愈年紀大 開始要面對人生各種問題
要諗買樓結婚 要面對老一輩親人離世
原來時間真係唔等人 仲要過得好快
有d野係度嘅時候 你會覺得好理所當然
但當你要失去嘅時候 你係點都挽留唔到
有時會好懷念細個嗰陣 但返唔到轉頭了

02就上晝10點半左右重播過，03冇乜印象
btw其實幾鍾意04，頭4套我係咁排：1>>>4>3>2