想同所有想揾返ex/同ex復合嘅人講幾句

係你做呢個決定前你真係要好好諗清楚夠竟係咪值得

啲人成日話咩人會變月會圓，但其實人有啲位根本係唔會變你地上次因爲呢個問題而分手，就算你之後再揾返佢，個問題一樣會存在你只會再俾佢傷多次

同埋千奇唔好因爲掛住以前嘅回憶而去揾返ex過左去嘅野係冇辦法再重現，就算你依加揾返佢，所有野都已經唔同曬



咁當然總有例外嘅，有啲人經歷過一次離合反而個情況會好左，但有幾多個人嘅結果真係咁？

所以我同你地講，揾返ex係冇問題，但揾返佢之前真係要考慮清楚唔好因一時衝動而令自己後悔

小弟都係從不食回頭草，就係深明呢個道理

呢排有啲人因為疫情見得少左而分
呢啲我覺得可以復合

當然可以啦畢竟每個人情況都唔同我嘅重點純粹係要考慮清楚先好去實行

我係咪已經遲左....

見得少就分 幾多歲

三年啦都 放低啦ching
你未有下個姐 搵到新女就會當之前係笑話

利申：過來人

啱啱分左手又係話感情淡左。

其實呢個原因有無得救

算啦 提得出分手都係唔夠愛
之後一齊翻都會出現相同情況
及手放手止蝕啦ching

唔係復合就咪鬼理佢 ex之前都成日比假希望我 宜加佢搵我我就覆佢一句 想復合？ 佢答唔係就唔會再覆佢 唔係辛苦嘅只係自己

補充返:分咗手話要做返朋友嘅係bullshit

我調返轉
因為疫情成個月出雙入對，
跟住所有問題一吓子爆曬出嚟

分手再復合

同意樓主講貿然復合 舊既問題依然係到
但大家分開一排後 冷靜地傾個問題而又解決到 再答應對方成為更好既人 未必唔係件好事

利申拍拖5年分左手 再一齊番 感覺開心左

可唔可以講下本身個問題係咩 點傾點解決

男朋友本身係個好懶既人 除左番工可以日日唔出街 係屋企又無野做 任何節日都hea過 間唔中去旅行/出去行下都要我求佢去 懶到成個人都有陣負能量 成日都話想死左佢 搞到原本好痴佢既我越黎越覺得佢可有可無 聽佢講野開心都變唔開心

我既話 好多野都會收收埋埋 有咩事都唔太願意拎出黎講 溝通得唔好 導致後來佢覺得我變左 再而誤會左我同第個有路

之後都係機緣巧合下有見面既機會 隔咗一排大家都冷靜落黎 都知唔係完全無曬感情 再將咁多年黎為左唔想嘈交而唔講出口既野拎出黎講 大家都想俾機會再一齊番

Btw 如果其中一方徹底不再留戀 應該都無得救

睇黎復合都係要對方肯攤出嚟傾

佢咁講得即係佢都唔係好想再傾落去放低佢啦再糾纏落去嘅話受傷嘅只會係你自己

絲打你都經歷緊？

啱阿前題係要大家都肯去改，咁復合可能真係會令雙方仲close 左但唔係真係個個肯去改

不過好開心見到有人復合成功仲開心左祝你地幸福快樂