喺街到黎行去唔想返屋企
因為返到屋企見到你啲玩具又會喊多次 唔敢望由肥嘟嘟麻糬變左瘦而乾 永遠長眠嘅你
接受到鼠仔自然老死
接受唔到人為致死
明明去診所嗰陣你仲係好生猛咁跳黎跳去
（解釋返點解會去睇醫生係因為我隻鼠仔隻眼有分泌物黏住左 右眼有少少開唔大 而且佢肚仔有紅同有膿 ）
但係佢去診所途中其實我隻鼠隻眼已經開了
磅重都行嚟行去咁
姑娘拎你上手 幫你滴眼藥水
用手扯你個傷口
同我講要唔要拎呢啲血sample去化驗所驗
之後用棉花棒愈撩愈入開始流血
過多冇幾耐就話要急救
三個醫生姑娘入咗去房急救冇3分鐘
叫我入嚟睇你最後一面
入到去我見到個畫面好深刻
就係你好細粒好細粒 吸住個氧氣管
姑娘同我講麻糬已經冇咩呼吸
醫生猛咁同我講好叻㗎啦 換着人類歲數已經成百歲 冇食嘢飲嘢咁耐撐到而家好叻
（嗰陣一入到去佢問我鼠仔有冇食嘢 我答食少左 因為我驚瓜子熱氣 驚會影響佢病情 所以呢個禮拜都冇喂瓜子淨係喂左另外一款營養食糧 但其實我隻鼠不嬲都唔鍾意食呢一隻糧 淨係鍾意食瓜子 其實不嬲都食得少呢款 而我見到佢近排都冇食到營養食糧 所以就答個醫生話佢食少左 上一個禮拜唔得閒冇咩觀察到我隻鼠仔 但屋企人同我講返佢有食生菜 其實有keep住食嘢）
之後即刻同我講要唔要火化又剩咁 比我嘅感覺就係佢哋好chur好似已經知道咩事咁一死咗就有晒藉口 撩你個傷口又即刻同我講話要唔要拎你啲血去化驗所驗下 幾多幾多錢 由入去到出黎冇理過你感受 真係好嬲 完全feel唔到佢哋係尊重過小動物！
即係我覺得我隻鼠其實都已經三歲 係有機會老死
但我隻鼠其實個肚咁樣 明明個醫生都話係墊材敏感事 而隻眼嘅分泌物冇菌 咁好明顯係我隻鼠個病情未去到死嘅地步 而佢身體仲係肥嘟嘟其實狀態都未似老死
而你咁大力去處理我隻鼠仔加重左佢嘅負擔 所以我會懷疑係你整死我隻鼠
我完全反應唔切因為我望住我隻鼠肥嘟嘟咁樣 點會無啦啦死 完全唔知發生緊咩事 佢哋喺間房又做咗啲咩我完全唔知 我淨係覺得好對你唔住 俾我揀多次我一定唔會帶你去睇呢一個咁垃圾嘅醫生診所 咁大力粗暴對你 我一開始仲以為你點解咁乖比佢地捉住唔掙扎
原來你已經好辛苦了
希望你依家可以喺天國過得開開心心
阿媽話你可能可以轉世 做個有錢人呢
我真係好掛住你啊
我希望你永遠會記住我
我哋第時再見啦
另外仲有一啲糧食 如果有主人需要
可以留言搵我免費拎啊
#元朗獸醫動物及珍禽異獸醫院
#大家千祈唔好幫襯呢一間黑店
#對
小動物嘅態度好差網上亦都有好多唔好嘅reviews
我隻鼠真係好有靈性㗎
