人地對你嘅第一印象，好多時都係睇樣先
樣貌好嘅，你會想了解佢多啲
生得樣衰嘅，已經唔想聽佢講多一句
呢啲情況係小學中學成長期更甚
小學中學成日俾人灌輸要努力讀書，將來入大學搵份好工，等時生活就會好
呢段時期係確立人生價值觀嘅重要階段
亦係建立友誼同回憶嘅搖籃
大家都明
靚仔靚女際遇通常會好啲，受大家歡迎，就算坐係到唔郁都有人埋黎同你傾計
樣貌差啲嘅，唯有同啲差唔多水平嘅人一齊，但如果你問佢地，佢地都會想同靚仔靚女一齊玩
可能你會話一班人有共同興趣做同一樣野更加開心
但對我黎講，做咩都唔係重點，重點係同邊個一齊
而呢個人係靚仔靚女一定加哂分
你可以話我膚淺，但呢個係事實
對大部分人而言，你問佢地人生最好既回憶係咩
一定會話拍拖初戀，同曖昧嘅人一齊共處
而唔係一班毒男係邊到邊到買figure，一班毒女去邊到邊到追星
呢個對我黎講已經係最好嘅生活 唔洗入大學搵好工
就算將來你真係做咗成功人士，條件好咗
但係你明白
社會經驗同價值觀話咗俾你知
人地接近你都係因為你嘅條件，唔係你嘅為人，講白啲，只係滿足社會規範結婚生仔
為咗達到呢個目的，你地唯有求其做啲野建立感情，去下旅行，行下街咁
但當中有冇愛情成份？又有冇每次見面果陣時嘅雀躍期待？
哈，我諗大家都明
諗到呢到，我就覺得人生點都冇乜所謂，冇哂動力
反正同人建立關係最青春果段日子已過
再之後遇到咩人都好，都只不過係搵個伴過埋下半世
唔係用果份真心鍾意對方
唉 如果我係靚仔就好 或者唔洗嘅 正正常常就得
可惜我係中下/下
