切粉瘤

話想”的水”下面有粒3cm既粉瘤
驚佢越黎越大想切左佢


想問巴絲有冇醫生介紹

暫時物色左以下呢間
想睇下會唔會有人幫襯過知手勢點

其實如果忍到痛自己搵把刀切得唔得，一切咗落嚟搵針線縫番

呢間幾錢？

8500手術費 洗傷口500

好老實講呢啲小手術個個醫生手勢唔差太遠
想平d就法國, 浸會

利申: 做過手術室

始終面想搵個手勢好啲個疤細小小

要縫針縫得靚要搵整形外科
不過佢地係專科, 收費一定貴過普通外科
佢地真係縫到好番之後見唔到條疤
可以去問下

樓主喺呢間割咗？體驗點樣？我都喺的水對下生咗粒大約3cm嘅粉瘤

幾好 埋單1萬3千幾 你有保險會幫你張單執到claim足 過左差不多兩年有多傷口都埋得好好幾乎睇唔到了
小手術 不痛不癢 唔洗擔心
係手術後拆線前洗頭麻煩啲

重有咩想知隨便問

拖到而家終於的起心肝要做手術想請問下佢同你做係咪微創手術？嗰陣做完個傷口有幾大？

我個粒過左2cm所以冇得做微創。
個時做完見到傷口都有啲大小小擔心，但我有勤力痴去疤貼同避免曬所以好彩都叫埋得幾好

好多謝你！我下星期去割啦，希望傷口唔好咁大

最後去咗私家醫院割，非微創，有條1cm疤，見係見到但唔會話好顯眼

私家貴，二萬幾，不過我保險有得claim八成，所以只係岀咗幾千

想問下你係搵外科定整容專科割？
想搵整容專科 但驚claim唔到公司保險

外科

唔該晒巴打

想問下樓主個間洗唔洗照左先做手術？同埋護士醫生個d好唔好？
有d心急 想第一次見醫生 價錢ok就做埋手術

要照左先
因為會照下粒粉瘤實際有幾深同幾大粒
去判定要開刀成粒拎出黎，微創，定係打針吉穿好似擠暗瘡咁擠出黎。

個post開左咁耐到而家我面個疤痕幾乎冇左了。

帶翻頭盔，過左咁耐我唔知係咪重個啲人。
我做個時啲護士好好人，幫我搞保險，教我點樣處理傷口。
醫生就好cool，不過感覺熟手同好快。

我估係因為佢算係醫美既診所，複診見到好多人造人，我呢啲可能比起個啲算賺好少錢，同埋我係仔

我有比較過一般皮膚科，因為貪靚傷口處理好似呢啲類型診所會細心啲，傷口大小有咁細得咁細。

希望幫到你，唔係咩大手術好小事