人在杜拜,你問我答

詳情plz

應短嘅短，應長嘅長

你條腳膠

就嚟齋戒完啦喎

係呀，但聽日開始宵禁延長多兩粒鐘，今日仲新增8百幾單

仲未爆完
早排先重開咗少少嘢

哩度唔係杜拜，係沙迦，地如其名哈哈



係杜拜嘅海岸線有條長長嘅路叫Jumeirah Road, 條路上面有好多幾有特色嘅cafe同餐廳，哩間係其中一間cafe。

棟villa 拎咗黎當cafe開，weekend 係度食個brunch,之後行去沙灘，老實講，好chill

Jumeirah 係阿拉伯語即係美麗咁解, 但叫 beautiful road 太俗氣，講Jumeirah就有多一份異域風情。

通常哩度d高檔餐廳好多都會用其他語言命名,講明俾你聽係食d咩菜，好似 BOCA (西班牙文“口”嘅意思), 咁你可能係入面可以嗌到tapas食

又例如間野個名叫La Cantine du Faubourg（法文意思大概係市郊食堂），可能會有steak tartare 食；講出黎絕對唔會比 Cafe de Coral 遜色

都係嗰句，大方向係flatten the curve

只要唔好對本地醫療資源造成嚴重短缺或虛耗，其實話事人都係想馬照跑，舞照跳

有咩車去其他酋長國
打算自由行
uber肯定貴到hihi

仲上緊

下面有個油長國 好似阿曼邊景
有溫泉浸同綠洲睇

可以去 reddit 睇下班外國連登仔，不停拎Gulf News 黎鞭屍，因為佢上個月話5月15號會reach to zero case 日日鞭

有冇Link

嘟嘟嘟嘟~嘟嘟嘟嘟~大大大

無留link

但係reddit班友真係好正, 可以係嗰邊睇下鬼佬係點理解杜拜哩個地方哈哈

杜拜好似唔可以婚前性行為
有咗係咪好大獲
Btw巴打文筆好好

你哩句令我諗起係度識嘅韓妹

同佢食食下飯嗰時，講起杜拜好多印度人，同埋一到印度新年成個 Al seef （你當尖東海傍啦）就好似拍緊Bollywood咁。

跟住佢問我細個有無聽過一首印度歌，之後我地一齊異口同聲唱 ~嘟嘟嘟嘟~嘟嘟嘟嘟~大大大

奇怪但一致嘅異國童年回憶

杜拜唔係咖哩國呀

杜拜係suppose 連孤男寡女共處一室都唔俾嘅，但都係嗰句，前提要有人report

有左係大獲嘅，因為去到醫院如果證明唔到經手人同有左嘅女士有婚姻關係嘅話，只能講句祝君好運

但問題係哩度嘅套係唔平，雖然有啲印度產嘅15蚊港紙10個，但厚度同醫療用嘅手套差唔多，我不如買隻手套翻黎DIY

好，咁我寫詳細小小
---------------------------------
我覺得Tinder係一個神奇嘅app。

話說我同我上一任係經Tinder認識嘅，雖然係無疾而終，但過程係令人回味嘅

咁當然，難得黎到杜拜，梗係馬上down番落黎，好好探索一下中東異域風情；其實我仲係透過Tinder 搵到第一個long-stay嘅地方，所以對於我黎講真係一個萬能app

當時我黎咗兩個星期左右，基本嘢安定好曬，就好自然想豐富下異鄉嘅社交生活，於是每日我就好disciplined 咁拎15分鐘黎swipe下，研究下杜拜嘅社交生態環境。

當其時我swipe到一個女仔，食指頭即刻停咗落黎，因為個樣有啲似Red Velvet 入面個 Joy，特別係笑起黎眼神略帶一絲邪魅，張相入面漫不經心咁咬住下唇，明眸皓齒，甚是誘人；再加上一件A&F緊身純白露臍T-Shirt 配深藍色嘅牛仔熱褲，妙曼身段完美呈現

張相就係喺個摩天輪裏面影嘅，咁我就望到 Opera House 個邊邊，無錯，應該係悉尼海滂嘅Luna Park。

仲記得四年前嘅 Halloween，我就係喺嗰度過；佢個摩天輪五顏六色斑斕有致，坐上去時海風一揚，個輪真係會搖搖欲墜咁款，所以好有印象。

再flip去望第二張，係典型英式維多利亞建築風格嘅建築物，咁之前我去探朋友嗰時，有順便去過2間U行下，一間係UNSW，另一間就係 University of Sydney，咁哩間望落似後者，咁就係得兩張相

作為有啲經驗嘅Tinder用戶，假相假account 時而有之，所以得兩張相，又無咩detail，確實令人起疑

但懷疑還懷疑，指頭依然好誠實咁向右輕輕劃咗一下。

「It’s a Match! You and Gloria have liked each other!」我swipe完就即刻彈咗兩行字出黎。老實講，有啲喜出望外嘅，原來呀Joy都好我哩type哈哈

「Hi Gloria, are you from Australia?」我決定試探下，第一句講Australia係講俾佢聽，我望張相大概知你係邊，提前引起共鳴；比起白撞亂hi人，成功率會相對高啲

仲記得我個坡妹friend係資深Tinder用家，同我講過「I use Tinder for 3 years leh, actually I won’t give a shit if just simply put an “Hi” there, unless handsome or muscular guy lah; Try to look for some clues from my display photos and if I feel that you are the right one, yours will be placed in the right place 」到依家我都銘記於心。

言歸正傳，翻番黎我同Gloria嘅對話先

「 Well, kinda. I studied in Sydney yet originally from HK hahahaha」居然係我swipe到第十日終於swipe到一個同鄉

「really? I am also from HK and now in Dubai」我即刻認親認戚

同佢傾落，原來佢係第一屆DSE，之後去左澳洲讀個Double Degree。因為翻香港做intern個時公司個MD好賞識佢，所以一畢業就帶埋佢係杜拜番工。

同佢傾到第三日，啱啱好係星期五，佢就打咗下面句嘢俾我

「Actually I am not a texting person, but yu gum maan yat chai hui sik shisha lah ? （我唔係打字人，不如今晚一齊隊shisha啦）」

見到熟悉嘅粵拼，就諗起自己讀男校嗰時，同女校嘅女仔text，好多時候都係用粵拼。聽佢地講，話係因為屋企人睇到都唔會明，多啲私隱。

人在異鄉，寂寞嘅氛圍確實催化咗交流嘅節奏同飢餓嘅速度；平時係香港傾一兩個禮拜都未必firm會約到出黎，係哩度重要係俾人約

而且對我而言，比起中亞同俄羅斯女仔戰鬥格嘅外型，其實平實嘅香港女仔一道淺淺嘅Cleavage更為吸引；就如日本美學提到嘅幽玄，似有還無，略帶一份朦朧雅緻嘅韻味。

好，今晚一於會一會佢。

Lm睇故

今日係開齋節，意味住伊斯蘭教徒一個月漫長嘅齋戒終於完結。

公眾假期連放3日，但宜家咁嘅時勢，放同唔放其實分別唔大，宵禁依然係夜晚8點開始

btw, 其實杜拜有好多令人迷惑嘅野，會不定期分享下；例如下面咁，係海入面整個游泳池

巴打寫故幾有味道，請繼續

lm