話說 好耐之前已經有留意一間ig shop整皮革銀包 價錢唔算平 但勝在見佢啲相手工幾好 設計都靚 所以一直都想幫襯 直頭後呢發現佢係黃店更加多左個理由比我去上佢嘅皮革班
但問題呢啦 原來間鋪覆客係奇慢嘅 咁都唔緊要 一開始態度都好好 我當時話要分兩次比曬成筆錢佢都肯 （對當時嘅我呢講真係唔係一個細數目 但為左支持一直留意左咁耐嘅鋪頭當時都覺得值得）
當時10月尾比曬尾數 但比完錢之後因為我比狗咬左就無搵佢一排 而電話no.亦都轉過一次 後來轉返用舊電話號碼 直至前幾日先正式係whatsapp改以新電話號碼做whatsapp no. 當我11月尾想開始搵佢上堂就開始出現問題啦
當時我11月尾已經開始搵佢 但佢一直都無覆過我上堂嘅日子o唔ok 一直都無回覆
咁我12月開始因為又比狗咬唔可以覆到電話 加上要返工原因都上唔到堂整 咁我就一直無再搵佢 直到最近終於有空檔可以整到個銀包就打算搵返佢啦 點知
當時我係9/5搵佢嘅 當時佢覆我「明天覆我」咁應該係10/5覆嘅 當時我都見佢5/5話身體狀況不佳要入院 所以見佢話可以聽日覆到我都好開心 但一直都無覆 直到今日12/5 我終於忍唔住 叫佢不如退款啦 我由上年11月都約到依加 兩次都係比人拖 咁拖落去都唔係辦法 但佢就好快覆返我唔得 由一直唔見人到一講退款就即刻上水
佢就堅稱佢有覆我但單tick但我真係收唔到
原來佢係我29/11 問完 5/12先覆 當時我已經用唔到電話 當我質問佢點解要咁多日先覆到我佢就咁樣解釋
咁我當然知入左院係需要休息需要抖下 但其實如果你一開始知道自己答唔實個期係咪可以同客講一聲你呢排仲出入醫院 答唔實個期呢 而唔係一句「明天覆」然後就直接潛水 直到個客忍受唔到叫退款就即刻款出呢話唔得然後一大堆道理？
之後佢就話唔拗啦 唔會退款 只會照上堂或者變訂製 係我仲考慮緊嘅時候 佢又突然話可以退一半錢
開頭我都答應左 但諗諗下 其實我真係無上過堂 連皮都無掂過 就咁蝕一半錢真心唔抵 然後就再叫佢退全數
雖然最後我係選擇左退半數 但我講咁耐係想提醒大家一句 其實唔係一句黃店就大曬 服務態度都好重要 明白有啲ig好出名好多客訂好多堂 但我諗不停問唔覆 然後幾日後先覆一句得同唔得真係有啲過份 講緊日子嘅野 早啲同客傾好 大家有個計劃 而唔係一句體諒就得 我知我隔咁耐搵佢都有唔岩 無奈真係覆唔到佢 但我之後搵佢都叫自問有禮貌 希望大家睇完我個經歷大家都反思下係咪一句黃店就大曬 就唔需要顧及一間店應有嘅野 咁樣黃色經濟圈唔會進步 只會比對家有機可乘！
