$350 入手四千電 Wi-Fi 蛋手機 有 Google Play + 支持紅外線遙控 必搶？
雖然近期香港推出不少幾百蚊的平價手機，但講到又要平，又要大電的手機，又真係好似唔覺有。而呢個時候，我哋發現有間細舖將一部手機清貨，$350 就有交易，賣得呢個價位性能無可能仲有要求，不過勝在有四千大電，用嚟當 WiFi 蛋都未嘗不可，而且仲支持 Google Play + 紅外線遙控功能，呢個價係咪堅無得輸？睇下文啦！
最近留意到一間名為「未來科技」的細舖，將一部 InFocus Handy Android7 手機以跳樓價清貨，只需 $350 有交易，雖然用 Qualcomm 1.4GHz 四核 U，效能一定係慢，而且得 2GB RAM + 16GB ROM，但勝在有 4100mAh 大電，$350 用來當流動 Wi-Fi 蛋，個人認為都不過份。
另外，呢部 Android 手機係支持 Google Play，所以唔使擔心好多 App 用唔到嘅問題，同時亦支持紅外線遙控，電視機轉台用佢都做到！唔知大家又有無興趣呢部 $350 嘅手機呢？
不過要注意的是，這部手機雖然是全新，但不設保養，呢點大家要注意了！
https://www.eprice.com.hk/mobile/talk/4247/215805/1/
