【以正視聽】香港戰爭已經無可能係一兩年打得贏

好明顯睇得出政府同狗已經豁咗出去，唔會理啲咩所謂普世價值同倫理道德觀念。今日你係商場同街道聚集都可以打鳩你同話你非法集結，你聽日用火魔佢就開真槍都唔會顧忌。白兵同連登鍵戰所講嘅武裝革命，你覺得會唔會打得贏？

令人絕望嘅係香港戰爭已經無可能係一兩年打得贏，但唔係冇希望。香港依半年嘅抗爭，前線嘅貢獻，無情地講一句，係對西方陣營嘅「投名狀」。而係人權法立咗之後，香港證明咗自己同台灣一樣係有足夠嘅反共反中民意而唔係牆頭草。咁佢就會將香港納入Grand Strategy入面規劃。 簡單講，依家嘅全球冷戰同賽跑一樣，開跑後只有一個嬴家，一係贏一係輸。美國贏咗嘅話，共產黨一定死，台灣香港就會生，反之亦然。


咁可以做乜？

1.) 經濟戰，為香港人同手足爭取生存空間
所謂黃色經濟圈唔好淨係focus係服務業e.g. 餐廳，剪髮。最重要其實係其他可增值行業。黃圈唔係淨係為咗擺脫大財團，仲要為已被捕手足提供生存空間。無理由要手足出獄後仲做侍應然後每月淨係搵萬九幾蚊係咪？更何況好多被捕手足都係大學生。

2.) 提倡本土經濟圈，唔好淨係講黃色經濟圈
淨係用政見去區分會令到好多黃店同黃人突然gain到好多知名度。但都有弊處。1. 變咗二分法，好難再拉到啲新嘅參與者。2. 黃色經濟圈嘅人可能會因此而無咗搵錢嘅機會。講幾個例子：電影圈，好多新進演員或者導演會因為一兩次嘅表態已被標籤做黃色經濟圈嘅人。之後嘅本土電影就唔會搵佢哋，費事被藍絲封殺。「十年」嘅導演都講過依個問題。Youtuber 如是：100毛同ArmChannel 睇得出已經無乜廣告搵佢哋，反而搵微辣依啲去政治化嘅Youtuber。亦都係出於同一個原因，唔係因為微辣多啲fans或者質素高啲，亦都唔係啲商家係藍，而係你搵佢哋賣廣告會比藍絲搞，商家就費事煩。
本土經濟圈仲有好處：先造番大個餅，比番生存空間所有香港人。 而當你有本土市場後就有本土意識，所謂深藍一國一制既圈子就會萎縮。 依種逆統戰策略要多討論多做。詳情睇下百彈齋主嘅文。

3.) 國際遊說／文宣
國際遊說團嘅立場可以再強硬啲。唔好將重點放係香港嘅人道災難，要多啲宣揚個不義制度，講下民意點樣6：4比都唔可以做執政黨，更要強調我哋係有執政意志。當然我唔期望泛民會做到，我將個希望放係HKIAD，眾志度。
BTW，Twitter戰線唔好再spam人，更唔好放fake news，唔係第一次見到啲人亂鳩咁up相又話人失蹤，仲見過有人放一個著長袖衫跳樓嘅相話係被跳樓，屌你啦5月點會著長袖。

4.) 培養政治領袖
白兵講嘅嘢好撚難聽，仲要係云粉。但佢講得冇錯，35+係接近無可能成功，但我認為都係要投放資源落去，爭取得幾多得幾多，後生嘅更要去。參選可以爭取到知名度，社運CV get!! 現實講句，美國佬會覺得黃之鋒定初出茅廬嘅張崑陽有更多說服力；會聽公民黨定Youtuber白兵？

5.) 整合泛民／本土派資源
依個無咩可能做到，但都講下。泛民一大堆唔同政黨，次次參選都有衝突。本土派係16年後土崩瓦解。但大敵當前，應該好好整合政治資源，最好整個泛民合併成一個黨，但有唔同黨內派系（幫佢哋諗好埋）
至於本土派。。。太多恩怨情仇，我只希望BillyFung，周永康嗰啲學成歸來後會同HKIAD，眾志，民族陣線嗰啲好好整合資源

6.) 成立海外流亡組織
而家已經有好多組織慢慢成形，但希望壯大佢哋同多啲交流。另外就係要避免重犯64後果堆流亡者嘅錯，要有一個強硬立場就係「你美國政府比資源我，我一定會盡力返去打」

7.) 唔好迷戀「無大台」
「無大台」起源於以前「大台」既無能，2019年嘅香港戰場亦都靠無大台。但大台都有佢嘅用處e.g.國際遊說同整合資源。

8.) 錢
唔止蘋果立場要課金，一啲值得支持嘅政治組織都要。以培養政治獻金習慣，e.g.民族陣線，本民前，眾志依啲能夠代表後生嘅政黨要俾多啲資源佢哋。

9.) 港獨心態
我諗90，00後都偏向港獨，但未夠。80，70，60後嘅黃絲都要明白香港獨立係唯一出路，自己係香港民族。

雪糕筒 Airbnb 自導自演 僭建 冰毒 曲解法律
請追擊

Tui

無錯，認清事實
再衝出去打陣地戰成本極大，效果極少
引完狗出來就直接閃
借力打力，搞死經濟先打到長期戰

推啊

換咗新戰術
黑腳開咪鳩叫比人走
半個鐘後黎 綠衫落車 衝前
落哂D街口，再收縮包圍網
全部落非法集結 便衣跟勇武target行
一有狗支援就襟低拉你點夠班狗鬥

689講得好岩 革命可以浪漫 唔可以兒戲
人地包圍無人會考慮下點突圍 個個剩係識走
所以都係打下商場玻璃 唱下歌算啦 香港人要返工

我建議唔好再塞路
塞路依啲野，等有大事先做
平日塞黎根本無用，又多便衣

推

推

所以真係要睇書，睇下人地國家既抗爭史

根本呢家黑狗就係玩緊個套
敵進我退，敵駐我擾，敵疲我打，敵退我追
你日頭係商場人多就唔咬你
敵進我退。
你入夜落地係mk
我未不停趕你出2000蚊
敵駐我擾。
再夜少少行足成日 開始少人
未開始噴胡椒水
敵疲我打
到再夜D 開始無路人
包圍網封哂D街口
敵退我追

同意樓主所言，革命期間，亦要提防五毛分化

以下列舉其中三類五毛

1.）五毛會扮曬兩家人，一邊係縮沙派，另一邊係鼓動派，然後互相對鬧，兼不斷散播負面情緒，達到分化效果。正如你覺得台灣除咗國民黨之外，民進黨唔會有共諜咩？香港呢邊建制固然係親共，但共產黨亦都唔會傻到一隻人馬都唔會安插喺泛民嗰一邊。我唔係話咁就乜都唔去理乜都唔支持，而係大家都應該要有返個正常思維去諗嘢



2.）另外，佢哋亦會熱狗式放負，無論你做乜佢地都會揾到嘢鬧，最好乜都唔好做，因為唔做就自然唔會出錯，所以佢地會叫人投白票，因為咩都唔做，正合極權所需

（依照經驗所得，發現呢類人同時亦可能係思維唔發達而周圍放負嘅on9，正正係因為自己解答唔到革命難題，又想急功近利，提出一啲不切實際嘅要求（eg. 200萬人勇武，放諸全世界嘅stat係冇可能，白兵啲on9 思想同理）。當人哋解釋完/ 閙完自己又駁唔到，但又接受唔到人地批評自己，老羞成怒，開始一味笑人「一講乜乜就問乜乜」，最後變成一個好嬲好嬲，然後上連登笑人好嬲好嬲嘅冷氣軍師，從中獲得「眾人皆醉我獨醒」嘅心理安慰。由呢一刻開始，思維因心態而扭曲，言論亦變成放負為主而無實質上建議，呢類人即使本身唔係五毛，但行徑上已經同五毛無異。）



3.）至於香港同台灣嘅關係上，因為台灣同香港都係受共匪壓迫嘅受害者，佢哋嘅共同敵人都係共匪，而共匪自己深知呢一點，所以要千方百計喺兩地搞分化，遏止兩地團結嘅任何可能性，削弱兩地反抗力量，再逐一消滅。所以，連登同ppt互踩港台嘅人極大可能係五毛所為。但係兩地都有唔少傻仔上咗五毛嘅當，大家要有批判思考，唔好咁易中咗五毛分化計

以前打仗都係邊面打到冇錢/斷糧食就輸，抗爭都要有budget計劃

推！

唔好再送頭喇
不過班友講極都唔聽架喇

睇返南韓光州事件, 同埋台灣白色恐怖時代.
要同極權政府打係可以要十幾, 幾十年.
同埋要死好多人.
香港更劣既係南韓, 台灣面對既係一個小國政府.
依家香港人面對既係一個全球第2經濟體.
有更多能力影響周邊國家打壓香港.
真係要有打長期戰既心理準備.

文宣去晒邊