我自己都有諗過有冇缺點
但除咗基本個人資料同層樓啲買賣資料之外
個中介其實冇拎到啲咩資料
況且佢只係比啲forms你自己夾埋比銀行,冇文件要過佢手

我2次都係用星星,唔知萬幫係點
你簽完臨約之後,可以whatsapp佢,會有條友問你啲基本買賣資料 (買入價,地址,成交期)
咁佢就會sd返主要幾間銀行而家個offer比你睇
如果你想要啲中小型行,你可以叫佢比埋你
跟手就有一個pdf file入面有幾種轉介forms
唔同銀行會指定某種form,自己睇清楚唔好夾錯比銀行
你揀定咗邊幾間銀行就自己去搵banker ,不過citi星星有指定banker
交完表就話返比佢知你交咗邊幾間
記得交表嗰陣,叫個banker cup印簽咗份轉介表,然後自己影低 (有啲銀行要到時另外填一份轉介表)
通知完星星,咁佢就會有另外一個同事比返個承諾書你,你就比返每間行個banker 卡片比佢
記得對下承諾書個offer
最後你揀定咗搵邊間行,咁就話比佢地知
draw down完大概幾個星期後就會比返啲回贈你
