講定先,費事再有人講遲到個單嘢。Post 1最初遲到單嘢,冇人話店主有錯呀。不過post 1最初個兩張圖,店主嘅態度好唔好就見仁見智。但真係顯得店主有問題,係其他巴/絲打提出嘅證據。麻煩大家Focus返係呢啲證據上,唔好再執著係post 1個客遲到個到。
入正題,點解要追擊佢?
1.衛生問題
店主嘅ig story highlight有整蛋糕既縮時片段,唔睇都還好,睇完真係不得了。整蛋糕gel甲唔戴手套,知唔知幾污糟。長頭髮又唔紥下,係咪想加料?
你以為咁樣就完?喺店主ig post再有人留言爆料話有曱甴,店主仲話有曱甴好正常。即係明知有曱甴都唔處理下?跟住post 1又有人話一入去已經聞到一陣怪味,啲野七國咁亂又污糟
咁點叫人放心買你啲蛋糕呀
仲有蛋糕擺雪櫃完全唔蓋保鮮紙
2.用Gogovan
3.沒有真正的牌照
佢個牌照只係分享牌照,畀錢就可以有,係咪真係合規格就真係唔知
source:https://n.kinliu.hk/kinliunews/%E7%B6%B2%E4%B8%8A%E8%9B%8B%E7%B3%95%E5%BA%97%E5%88%86%E4%BA%AB%E7%89%8C%E7%85%A7%E7%84%A1%E7%8E%8B%E7%AE%A1/
4.雙重標準
個客有錯就會用條款嚟同個客收錢,然後公審。自己錯就乜事都冇
case 1:個客遲到店主就放上ig story公審,自己遲到就搵藉口(附上店主IG圖一張)
公審圖:
自己遲到:
我哋睇下個客遲到,店主會點處理先
1.有一個客,已經到交收地點,不過遲咗5分鐘,店主已經走咗
2.客遲到要罰錢
3.遲到3分鐘放上story屌
咁店主咁憎人遲到,人哋遲到又要收錢,咁佢自己係咪唔會遲到呢?又唔係啵
1.有巴打指出,店主話明唔可以遲到,所以佢早到咗去拎蛋糕,點知夠鐘店主都未交到貨仲要等人等
2.一次遲到都算,原來仲有第二次!
店主約咗買家喺太子站交收,但買家等撚咗佢差唔多成個鐘。期間買家問店主喺邊個出口等,店主仲話清清楚楚寫咗係太子站,成個站交收晒癲撚到。隔咗半個鐘先講邊個出口交收
圖:
3.吓 唔撚係掛仲有第三次?
有人話跟店主團,個店主遲到呀陰公,要咁多人等佢一個
4.WTF?仲有?佢係咪真係咁憎人遲到㗎
有個ig留言指出話個店主叫人唔好遲到,但佢自己又遲到,仲要一句對唔住都冇。咁都未係最慘,最慘係加錢買左個冰袋,但個冰袋係唔啱size,搞到個蛋糕喺個袋入面𠺘下𠺘下
5.點算呀,仲有多單呀。平時店主屌人唔識字話落完單又改日期同遲到,原來佢自己都有做過。有人指出店主係某次交易當中改完時間再遲到
5.態度十分差
case 1:有人向店主落單,係4月4日12:10嘅時候,店主初步confirm訂單同交收內容。不過係15分鐘後買家想同店主改交收日期,此時買家係仲未畀錢,而且最初交收日期係13號。離交收日期仲有成個星期,並唔係臨時臨急咁改。而到咗4月5日店主只係回覆咗一個條款畀買家,條款係講訂單一經確認就不設改動,所以而家買家要改日期就要收$50。大佬雖然你條款係有寫啫,但個買家都未畀錢,都未做最後confirm咁都要收錢?同埋你係唔想改交收日期,定你排滿晒booking而令你改唔到個日交收?你咩都唔講,只係識用條款收人個$50,好等錢用?
case 1:
case 2:又有人都係改單,由原本訂兩個蛋糕改訂一個,買家話已經立即通知。而店主又係只識用條款嚟覆,話要改就加$50(睇圖應該又係未畀錢做最後confirm
亦有人指出落單問野係勁唔人性化,有時落單一陣諗起有少少野想改,佢就cap圖同撻啲t&c出黎屌晒鬼話要加錢
case 2:
case 3:有人指出店主態度好差,有時個客做錯少少都會俾佢用幾個story狙擊,有時候個客低聲下氣都俾佢開po鬧
case 4:今次有買家知自己會遲,所以一早問店主可唔可以改同區黨鐵到交收,咁今次佢要加$50都叫合理。咁之後買家就決定跑過去studio交收就算,點知買家上到去店主就閪面隊完個蛋糕畀買家,就bang門
case 5:又係bang門事件。今次個買家就冇遲到冇改期,仲要店主拎錯蛋糕畀買家。但店主sorry都冇句,乜都唔講就咁bang門(有兩個人都係咁,冇做嘢錯都俾人bang門
case 6:係客面前屌其他客。有事主曾經上過去店主到整蛋糕,點知個店主就不停咁同事主講其他客,成日遲到又乜又物,仲講到自己係老細唔鐘意做佢生意就唔做
case 7:買家原本訂咗個蛋糕10號拎,不過想改20號拎。落訂單同埋提出想改交收日期,相隔大約半個鐘。而店主又係咩都唔講,只係回覆條款話要加$50
case 8:買家最初拎咗一個5吋嘅蛋糕圖向店主落單,不過買家實際想買嘅係4吋並要求加生日牌。而4吋並唔係每款都可以加生日牌,但店主冇同買家講清楚。當發現問題個陣,並唔係諗辦法解決,而係直接退款畀個買家,好似講多兩句都晒氣咁
case 8:
case 9:呢個唔講喇,直接去圖由於有10張圖,所以放link
https://imgur.com/gallery/WMn8b43
case 10:有人問店主嘢,由於店主喺條款定唔知邊到有講到,咁係個買家錯,錯在冇睇清楚先問。但店主個態度可唔可以好少少,一嚟就問人「系米吾識字」,串撚到
case 11:買家約咗喺工作室到交收,但交收個日買家發現店主冇俾到地址,之後買家WhatsApp店主。而店主曾再三強調過唔可以打電話俾佢,所以買家就等佢覆wts,喺葵芳等左半個鐘店主都冇覆。之後買家忍唔住打咗俾店主,結果店主係秒cut電話、WhatsApp唔覆,上到去之後又閪面
case 12:有買家入完數唔記得拎入數紙,然後店主又回條款(冇拎入數紙要收$20 check返),話要收$20,影晒record都唔得
網上啲人話店主態度差嘅圖:
同場加映店主點樣馬虎了事
以上資料都可以係之前嘅post同埋係店主個ig shop到搵到
post 1:https://lihkg.com/thread/2007317/page/1
post 2:https://lihkg.com/thread/2008766/page/1
post 3:https://lihkg.com/thread/2009478/page/1
通宵整合可能出到嚟會冇咁好,再有新料個陣,希望大家可以話俾我聽點改善
最後想同大家講,黃店唔係大晒,唔代表你可以咁閪。仲有話店主一早講明條款,然後店主實行條款上嘅內容係冇錯r嘅人。請你睇下店主點樣雙重標準,個客做錯就識用條款嚟話人同收錢。自己犯返同樣嘅錯就當冇事發生,係咪應該要公審返自己同埋扣錢?