屌你老味哭𠹌到脫水！！！
小美再次痴心錯付愛錯郎
梁朝偉日前接受《BInternational》雜誌訪問時，提及六四事件，昨日鄭經翰與司徒華齊聲指摘偉仔。而記者昨日向梁朝偉求證他是否說過這些話時，他只是笑而不語。
梁朝偉近日為宣傳電影《英雄》不斷曝光，新一期南華傳媒出版的英文雜誌《BInternational》更以他做封面人物，而偉仔在訪問中提及他在《英》片中的刺客最後沒有刺秦皇，是因為他渴望和平，不想引致天下大亂。該雜誌指偉仔在訪問中提及六四事件，他說：「六四事件期間，我沒有參與任何抗議活動，因為中國政府所做的事是對的－維持穩定，這對每個人都好。」
鄭大班：
證明佢政治不正確！
昨日《南華早報》亦引述了此段訪問，隨即引來頗大迴響，名嘴鄭經翰（鄭大班）和立法會議員司徒華均異口同聲指摘偉仔。鄭大班昨日接受電話訪問時說：「我個人好尊重梁朝偉嘅言論自由，不過好多明星不問政事，六四嗰陣好多演藝界嘅人都有出嚟遊行，但後來都轉晒軚。如果佢（偉仔）六四嗰陣冇出嚟遊行，咁佢嘅人格始終比轉軚嘅藝人高尚，起碼佢立場貫徹如一。但佢嘅言論證明佢政治不正確，唔知自己噏乜。」
鄭大班續說：「我唔明點解佢重要提番呢件陳年傷痕出嚟，因為講啲咁嘅嘢可能會影響觀眾對佢嘅睇法，而中央亦唔會因為佢咁講就接受佢，我覺得佢冇政治智慧。如果梁朝偉想撈政治本錢，咁佢應該睇多啲書，了解多啲事物先。」
司徒華：
佢同周星馳搶生意？
而司徒華昨日接受鄭經翰主持的電台節目《風波裡的茶杯》電話訪問時，談及梁朝偉對六四事件的言論，司徒華表示對梁朝偉認識不深，他說：「我好少睇電影，亦未睇過佢嘅電影，不過間接聽聞佢做啲無厘頭戲。」主持人聽罷即說：「嗰個係周星馳，唔係梁朝偉。」
司徒華續道：「𠵱家佢咪同周星馳搶生意？全世界都有公論㗎啦，佢𠵱家為咗自己嘅電影上映，講呢咁說話，係非常非常之毀壞自己，即使係國內領導人。
鍾鎮濤： 每人睇法可以唔同！
不過，作為偉仔好友的鍾鎮濤昨日接受電話訪問時則說：「平時我同偉仔好少討論呢啲問題，所以唔知佢點諗，呢件事件上，佢可能有自己體會，不過件事過咗咁耐，無論做得啱唔啱都過咗去，我哋應該睇目前同以後穩定先係最重要。至於我支唔支持偉仔講嘅嘢，我就覺得每個人睇法都可以唔同。」
此外，梁朝偉前日在上海為《英雄》做完宣傳後，昨日又與張曼玉、章子怡等人前往廣州舉行簽名會，可能偉仔亦知道重提六四事件十分敏感，所以昨日身邊圍着大批保安，令欲上前採訪的記者無法埋身，在記者會上又不願談及《英》片以外的任何問題，神情亦不及早前在北京和上海宣傳時風騷。
2002-12-28
