「股壇大隻佬」郭思治被禁操「走樣、囉囉攣、唔舒服！」
4月26日，郭Sir現身九龍公園又跑步又拳上壓，「健身中心喺疫情下暫停開門，影響真係大得好緊要，因為好多動作做唔到。健身練body shape好緊要，一定要拉闊胸膊，無五、六十磅械器做唔到……」不是說在家健身嗎？他說根本兩回事。
他脫下背心，胸肌仍然識震，但自覺V形背肌走樣，「走樣啦，一定走咗，呢個系靠不斷鍛煉，先至能夠出到線條㗎嘛，而家好簡單靠一對啞鈴，只能保持狀態。」去開那家健身中心、屋苑健身室都關閉，42天了，「平時做開健身朋友就知，你嗰日有一股力量係要通過運動燒咗渠，突然無呢個地方燒呢股力，你成個人都唔舒服㗎，如果嗰日真係有宴會搞到好夜，返到屋企做唔到運動呢，我嗰晚就囉囉攣㗎，瞓得唔舒服，真係唔舒服㗎，因為慣咗啦嘛！」
他稱，超過40年每天花1個半至2小時運動，「日忙日頭慨事，忙咗成朝我要減壓，減壓好多方法，我揀咗做運動，已經慣咗。而家忙完，夜晚無機會畀我減壓慨，你會唔會唔舒服呀？梗系唔舒服啦！所以好痛苦。而家我等緊健身中心重開，能夠返上去狂砌，我用狂砌來形容呀！」
本周初政府宣布健身中心解禁，郭Sir得悉，極度興奮，「如果開返梗係日日去啦，收完工即刻去啦，狂砌渠粒幾兩粒鐘，有仇報仇，仲使講 㗎咩，high high地㗎啦，等緊嗰一日啦！」
好撚大隻 細個見到佢嚇親