【究極懶人包】內會傾緊咩？幾時有結果？出唔出嚟好？國歌法點算？

Q：今日兩個會係做乜？
A：朝早個會係正常選舉主席，已經開完。重點係下晝2點半個會議，會由李胃鯨主持，最主要係嘈大家個法律意見，同李胃鯨有無權處理其他嘢
議程：https://www.legco.gov.hk/yr19-20/chinese/hc/agenda/hc20200508a.htm

Q：下晝係咪會通過國歌法？
A：唔係！睇返上面個議程，成份嘢都無國歌法呢幾個字，今日唔會處理

Q：出唔出嚟好？
A：承上，其實你出嚟唔會阻到國歌法，因爲根本無……今次就係泛民要展示抗爭意志，睇佢哋表現啦

Q：今朝個會傾咗咩？
A：就係保皇同民主派互鬧，同以往咁多次一樣冇乜分別。重點係郭榮鏗裁決咗下晝會議議程應該係選主席，同李胃鯨主持傾其他嘢有衝突，所以睇吓佢哋會唔會爭做主席

Q：如果下晝傾唔成會點？
A：佢哋安排下晝個會由2點半開到7點，預留咗好多時間，保皇黨係想同民主派死過，用法律意見同大多數嘅優勢硬憾。如果民主派咁叻頂得住，中共無方法之下，下個禮拜有可能會直接DQ郭榮鏗都唔出奇

Q：姐係下晝個會一齊睇live就得？
A：其實宜家係機會俾民主派展現抗爭意志，睇吓佢哋有無心智去盡攬炒，定淨係打嘴炮。嚟緊過多排就係初選，我諗大家都唔會想選啲無戰力嘅垃圾入去……陣間睇實邊啲議員出盡力，邊啲係幫唔到手，唔好成日捆綁式民主派就當係一個人，其實入面唔同議員進取程度可以差好遠

Q：如果泛民唔做得好好睇睇，係咪之後可以唔洗選佢哋？
A：都係個句，其實宜家唔係16年嘅泛民vs本土，唔係本土定泛民嘅問題，問題係邊啲係進取攬炒派，邊啲保守溫和派，呢個同泛民定本土無關

仲有無咩問題想問？

推

高質

推

Gay 巴組織力幾強

Push