5月5號夜晚9點左右 我家小B忽然又屙又嘔 仲要係血便 因睇開既醫生已經收左工 我已即刻帶佢去元朗動物醫院睇夜診 去到之後醫生冇叫佢做超聲波睇下d內臟情況係點 只係驗左血 圖中顯示有5項紅色偏高 2項藍色偏低 但阿嚴醫生講佢心臟跳得慢 血糖偏高 話係腸胃炎所以影響各種指數偏高 之後幫醫生幫小b打皮下水仲要落藥落得好急係咁用力揸包水 之後再大大力猜落隻貓度幫隻貓猜均勻貓身體既水份 當時貓已經痛到係咁嗌之後失禁 之後醫生再幫佢打止嘔針 開左5日藥叫我夜晚11點餵佢食藥 可惜我番到屋企10:30左右小b身體狀況急轉直下 未能捱到11點就已經走了 佢死時好辛苦係咁嘔白泡之後肚開始越嚟越漲漲到好似個波咁 之後就開始抖唔到氣先後腳抽搐再全身抽搐 舌頭鼻耳仔同4個肉枕都已變紫色 之後瞳孔放到好大好大就走左了 個醫生今日約左我番去傾 但依然唔承認段錯症 醫死隻貓 只不過改口話小b姿勢錯左導致胃反轉壓住個心口所以走得咁急 另外呢間野我之後番屋企上網睇過已有多次前科 害死貓狗 亦有黑社會背景 此po并冇他意 我只係唔想再有人受害 痛失愛寵 最後希望小b安心上路 去到彩虹橋開開心心生活做個快樂小天使 我地一直都會記得你掛住你 多謝你陪伴我地一家8年咁耐既日子 有你相伴我地都好開心幸福
https://forum.hkgolden.com/thread/4166059/page/1https://lihkg.com/thread/191352/page/1