《病港ＩＩ》（３）

半個月前嘅事 而家唔知啦 有話我知

你都係重睇
後段打boss前去左病者之都
見到已經病變既白鯨
之後比哂d記憶主角

屌，一本墨巴嘅書都冇

M而家嘅主武係大劍定傘

大劍去完醫院掉咗啦

我就黎sem break! 即刻瘋狂畫畫畫

依家係誠哥班o靚揾比佢嘅大劍

唔係男病童幻覺黎咩？

真心覺得你畫得好靚
Q版都好得意
我睇緊果d韓漫都係咁既style
支持你繼續畫架

病童幻覺係M同白魂兩個人俾病獵公會成員折磨

一開始係
後嚟白鯨話覺得M有好強嘅意志（守護大本營）所以想見下佢
之後發現佢係人類就解除咗病童嘅幻覺
再將啲記憶傳承比M
（唔知有冇記錯

貨金嗰邊係咪更新得好快

快過呢到好多

墨巴個網有冇得較黑夜模式 白底黑字睇到好累

第二季大概預期幾耐會完成？想等出咗之後一次課金

利申：會買返書支持

只有等文

多謝
想睇你睇嘅韓漫係咩style

你地繼續提出，我會收集所有建議　遲啲七、八月左右可能搵人一次過更新

我不知道自己的選擇，會對兩邊勢力有什麼影響，

但顯然地，我還是鍾情於和病者打交道的人。

巴爾市作為夕鯨國的樞紐，時代廣場至到中環廣場一帶的範圍，都可謂最發達的市區中心。如果市區是一片漆黑的夜，那麼豎立於此的摩天大樓，就肯定是天上特別閃耀的繁星。

這區域的產業較多元化，但消費相對昂貴。

王達尼說的便宜居住地點，就位於灣仔和銅鑼灣的交界，亦即灣仔電腦城那裡。作為疫區的灣仔，沒有像對天后那樣築建安全網封鎖，完全禁止外人靠近，而是僅僅用兩重開關的電網，將兩地阻隔。

「灣仔唔係疫區？呢邊防守鬆懈咁多。」灣仔的關口有不少建築工人和苦力，正搬搬托托的運送材料入去。

「八卦下咪知。」王達尼特意拿出包煙，上前為我打聽。

邊境的衛兵一見王達尼靠近，就慢步上前擋在他的前面：「你唔似工人。」

「哥仔，灣仔唔係疫區咩？」王達尼探頭遠眺。

「關你小小市民咩事？」

「講嚟聽聽～」王達尼取根煙，放到衛兵嘴邊。

衛兵左右顧上一眼，然後含住香煙徐徐道出：「病獵協會幾個月前已經奪回咗，不過仲未對外開放，啲樓仲未住得人，清潔工作仲未完結。」

「原來係咁，辛苦哂。」王達尼拍拍膊頭，回到我身邊：「聽到啦？病獵協會已經拎返呢區嘅控制權，幾似你嗰個要奪回香港嘅諗法。」

看來，的確不是空談的想法。

病獵協會已經在做相同的事情。

「你講嘅，平價樓喺邊？」

「附近呢橦囉！祥友大廈。」

一如我們街上見到的舊樓，外牆殘殘破破的，一橦大樓住著不少的居民。由於靠近疫區，所以租金相對便宜，只要十二籽一天。

格局和裝潢沒時代廣場酒店那般華麗寬敞，就像以前年代的舊唐樓，面積約４００平方呎，只附有一個木箱、一張雙層床。

作為夕鯨國的起點，祥友大廈是我第一個真正的根據地。

搬家第一天，我和王達尼坐在客廳適量好財務的管理，免得以後一說錢就吵得要死要活。

要知道，跟好朋友談論錢，不能馬馬虎虎。

「以後我哋所有籽，就拎去做投資。」王達尼第一句就說。

「投資？」

「之前我行去世貿中心嗰邊，發現巴爾市原來有得玩投資股票......」

「既然！？」這地方，真的超乎我所想。

「我都知有啲荒謬，哈哈。」王達尼自己也拍拍大腿，笑了幾聲：「都末世仲有股票玩......不過我見到成個市場真係有買有賣，可能係港島人本身特性，加上港島區社會無俾病者經常騷擾，呢堆中產真係接受咗呢套玩法，繼續運行住舊社會法則。」

「咁你識玩？你只係嚟咗一、兩個星期。」我反問。

「你唔記得我以前係做咩？」王達尼冷冷一笑，神色自傲：「我好歹都係個坐過監嘅金融罪犯！」

「點解你會咁有自信認為咁樣講完自己之後，我會更加放心將啲籽交俾你......」

「係喎......」王達尼笑容冷卻。

「算，交俾你可以，但投資一蝕咗超過２５％，你就要立即中止交易。」我將一萬籽交給他，留了數百籽傍身自用。

「好！」王達尼摩拳擦掌，彷彿準備大玩一場：「終於唔洗再危危險險咁走私賺差價，可以玩返啲安全嘅數字遊戲......」

「都唔知你嚟夕鯨國到底想搞乜。」見他迫不及待要試試的樣子，我有點無言。

「喺夕鯨國無一間公司喺手，我都唔會返去將軍澳區嫁啦。」王達尼口出狂言，但他是有資格：「喺嗰到人生一啲難道都無！」

「我唔識玩你嗰啲遊戲......」我指頭敲敲桌子，說：「不過，有錢賺咗記得通知我。」

「當然會、當然會，你係大股東。」王達尼抬頭望我一眼，淺淺一笑：「多謝你咁信我啊！」

其實王達尼是生死之交，我才願意把籽交給他。

因為我們的經歷相比，那區區一萬籽根本算不上什麼。

「我出一出去。」

「你慢慢！我之後唔係喺屋企，就係喺世貿嗰邊。」

港島區的基建發達完善，讓人類舊社會大部份的產物、制度、生活方式都得以保留，不過遠在將軍澳區的我們，也得花七年時間，才有勇氣踏出前往他區的旅程。

要是成功的話，我和王達尼可能就會成為第一個開荒者，為以後將軍澳區和港島區的人民建立聯繫。

不過，這想法很長遠吧？

還是先著重現在。

走出祥和大樓的我，起步前去中央圖書館。

我在街上仍然常常環顧周遭，看看有沒有艾匡的身影。

不知她生活得怎麼樣。

破佛一如既往，昏昏欲睡的站立於協會大門外。

「破佛？」我好像是，第一次喊出他的名字。

「？」破佛張開眼皮。

「已經考慮完。」

「你嘅決定唔會令我失望？」

我點頭。

「咁就好，會長佢會好開心。」破佛說。

「咁你可以講講，點解我嘅決定咁重要？」

「空口說白話有少少悶，去附近嘅酒吧邊飲邊講？」

「嗯。」

才落完樓梯，我心生訝異：「不過......你唔係仲返緊工？」

破佛攤出無奈的雙手、搖搖頭：「反正唔會有心懷不軌嘅人強行闖入。」大條道理拋下自己工作。

「咁呢份工都幾好做。」我見他可以隨時偷懶、隨時睡覺。

「呢橦協會大樓入面嘅人，都係全個夕鯨國嘅菁英份子嘿嘿。」

「所有菁英......」就給一個懶惰的保安守護住。

在謝斐道，破佛去到一間大白早營業的酒館。

整條街道昨晚似乎辦了一場狂歡派對，一地散落滿滿的繽紛彩帶、漏氣的汽球、地上滾滾的酒瓶。

破佛與我坐在酒館的吧檯上，可以跟酒保大吐苦水的位置。

「想飲咩啊？破佛先生。」酒保知道破佛的名字，就說他是老顧客。

「一杯牛奶，加熱。」

牛奶？這可是天價品......

「呢位新朋友仔呢？」酒保轉問我。

「普通一枝啤酒。」

酒保收到指示後，就展示花式的製作流程。

「你嘅決定之所以重要，因為巴爾市內出現病者宜啲大事，有關持份者係會被傳召上法庭作供。」破佛直說了。

「有關持份者......即係話我係見到病者出現嘅證人。」

「啤酒。」酒保遞給我。

「區內入面所有勞隸營都係李氏集團持有，佢哋一定會收買你，要你上法庭作出假證供，或者當見唔到。」破佛續說。

「證實到有病者出現，對佢哋有咩影響。」

「由於耆者係人類過勞工作死亡而病變成，法庭會考慮到宜一點，而下令全國勞隸營工時減少，變相減少李氏集團龐大嘅能源收入。」

「仲有法庭......都保留得幾徹底。」我說。

「法庭喺金鐘，嗰一帶有個不成文規定......就係任何事情都需要絕對中立。」

「熱牛奶。」酒保遞上。

破佛小喝一口牛奶：「有時間你會見識到，中立係幾咁荒謬嘅一件事，但為咗平衡又必須存在。」

「嗯。」

簡單來說，李氏集團也是為了利益，才找上我，要求我封口。

怎麼我初來報到，陰謀的氣味就悄悄爬到我身邊......

「你嚟咗幾耐？」喝了幾口，破佛問。

「兩個星期左右。」我答。

「有冇唔習慣？」

「唔習慣......見到咁多人，見唔到病者。」

「只要你鐘意留喺倖存區入面，幾乎可以宜一世都唔洗見到病者，前題係邊境嘅城牆唔會崩塌。」

「咁有冇機會？崩塌。」

「夕鯨國出現過一次，大型嘅事故。」

「大型事故？」

「灣仔、北角同天后，呢三個疫區原本都係倖存區之一，有人類活動居住嘅範圍，但某一日發生咗水源感染事件。」破佛說起這話題時，神情意外凝重。

「住喺嗰到嘅人，變咗病者？」

「三成人口變咗病者，然後唔同倖存區嘅人都湧入到中心地帶嘅巴爾市，因為病獵協會就喺宜到成立，所以你先見到呢一區人口咁多，經濟咁發達。」

「但我聽過你哋重奪返灣仔？」

「損失咗唔少病獵嘅生命......去換返嚟。」破佛說。

我舉起啤酒，與他碰杯：「......敬病獵。」

步出酒館時，破佛跟我說法庭大概一段時間之後才會傳召他。

交代完就逕自離開，回去工作。

回家的路途上，我也沒想到過自己即將會迎來第一次進入疫區的任務。

my ig：maksyut20030164
my fb：墨說

覺得好睇歡迎追蹤

聽日會補連登400正評文

付費網站會呢幾日內出限定外傳